Orð og tunga - 01.06.2012, Blaðsíða 81

Umsagnir um bækur
71
að Egils sögu sem notað var við SLR geti kastað nýju ljósi á stemma
Möðruvallabókar.
Hvað varðar íslenskar miðaldabókmenntir, fílólógíu og handrita-
fræði er Faulkes á heimavelli. Yfirlit hans um heimildir efnisins í SLR
og DG 55 er mikilvægt framlag bæði hvað varðar viðhorf fornfræð-
inga 17. aldarinnar til íslenskra fræða og aðgang þeirra að handritum.
Alkunn er sú meinloka Worms að fornmálið norræna hafi í elstu
heimildum verið ritað með rúnum. í bréfaskiptunum við Magnús
Ólafsson ítrekar Worm fyrirspurnir sínar um forna rúnatexta. Magn-
ús harmar að hann kunni ekki að lesa rúnaskrift, að hann eigi eng-
ar bækur skráðar með þannig letri og hann hafi reyndar aldrei séð
þannig texta (Breve 1965:130). Öll bréfaskipti Ole Worms voru þýdd á
dönsku og gefin út 1965-68. Þar má ef til vill finna heimildir um orða-
bókaverkefni hans sem ekki koma fram í útgáfu Jakobs Benedikts-
sonar 1948 á bréfum hans, en við þá útgáfu styðst Faulkes (Specimen
2010:vii).
4 Útgáfa ritanna tveggja
Hinni nýju útgáfu orðabókarinnar SLR er þannig hagað að á hverri
opnu er birt ljósrituð síða úr SLR (1650) jafnhliða endurritun af sam-
svarandi efni úr handritinu DG 55 (bls. 1-299).
Misjafnt er hversu vel ritin samsvara hvort öðru. Ljósritið er haft
til viðmiðunar þannig að efni úr handritinu er svo hagað að þar sem
orð vantar miðað við flettiorðin í SLR er höfð tóm lína og við orð
sem fyrirfinnast í handritinu en ekki í SLR er tákn, [+] (daggarður),
á spássíu. Sem dæmi má taka blaðsíðu 50 í SLR: (hækilbiugur-happ).
Af þeim 16 flettiorðum sem eru á síðunni í SLR eru 15 líka í DG
55. Nokkur munur er þó á orðaforðanum: orðið liæll kemur fyrir í
tveimur merkingum í SLR en vantar alveg í DG 55. Þar er aftur á móti
orðið handganga sem ekki er í SLR. Hér er endurritun handritsins látin
fylgja hinum 144 ljósprentuðu blaðsíðum orðabókarinnar.
4.1 Athugasemdir ritstjóra
Aftan við orðabókatextann fylgja athugasemdir við hvert einasta
flettiorð sem kemur fyrir í verkunum tveimur: SLR og DG 55 (bls.