Morgunblaðið - 09.06.2016, Side 12
Pokar Tískulegir pokar sem saum-
aðir eru úr herrajakkafötum.
Valgerður Þ. Jónsdóttir
vjon@mbl.is
Áæskuheimili sínu í Hafnar-firði voru systurnar Jennýog Kristín Garðarsdæturvanar því að hver spjör
væri nýtt. Móðir þeirra var flink í
höndunum og í stað þess að fleygja
gömlum og oft slitnum flíkum spretti
hún þeim upp, nýtti það sem nýtilegt
var, hafði gjarnan rönguna á rétt-
unni og sneið og saumaði ljómandi
fín föt á börnin sín sjö. Þetta var á
sjöunda og áttunda áratug liðinnar
aldar og þótti ekkert óvenjulegt,
hvorki hjá barnmörgum fjölskyldum
né öðrum.
„Orð eins og endurnýting og
endurvinnsla voru samt ekki á hvers
manns vörum í þá daga. Mamma,
eins og svo margar mömmur, saum-
aði aðallega upp úr gömlum fötum af
því að vefnaðarvara var af svo skorn-
um skammti,“ segir Jenný og bætir
við að vísast hafi fólk líka verið
blankara þá en nú.
Þær systur hafa gaman af þegar
eldri konur heimsækja þær á vinnu-
stofu þeirra í Íshúsinu í Hafnarfirði
og segja þeim sögur af nægjusemi
fólks að þessu leytinu í gamla daga.
Enda rifjast slíkar sögur ekki upp af
tilefnislausu. Endurnýting er
nefnilega í hávegum höfð hjá Sist-
ers ReDesign; gamlar karl-
mannsskyrtur verða að kjólum,
herrajakkar að kventöskum
sem og kaffipokar og
M&M sælgætispokar
svo fátt eitt sé talið.
Nýtnin í blóð
borin
Þær skortir
ekki hugmynda-
flugið og nýtnin
virðist þeim í blóð
borin. Það er varla
að fersentimetri
fari til spillis því úr
smæstu afgöng-
unum sauma þær
peningaveski í
mörgum stærð-
um og gerðum.
„Aukinheldur fá
kúnnarnir varninginn
innpakkaðan í tau-
poka saumuðum úr
slitnustu afgöngunum. Í handföng
nýtum við til dæmis kragana sem við
klippum af skyrtunum áður en við
breytum þeim í kjóla,“ upplýsa þær.
Vinnan í Sisters ReDesign er
aukabúgrein og áhugamál þeirra
enda báðar í fullu starfi annars stað-
ar, Jenný hjá Henson Sport og
Kristín sem textílkennari í Víði-
staðaskóla. Eftir að Jenný útskrif-
aðist sem kjólameistari frá Iðnskól-
anum í Reykjavík lærði hún
fatahönnun við Kunsthåndværker-
skolen í Kaupmannahöfn. Hún út-
skrifaðist 1988 og hefur síðan unnið
sem fatahönnuður hjá 66° Norður og
víðar.
Aftur á móti eru ekki nema þrjú
ár síðan Kristín lauk meistaraprófi í
náms- og kennslufræði í list- og
verkmennt frá Kennaraháskóla Ís-
lands. „Hún er tíu árum yngri en ég,“
útskýrir Jenný og Kristín heldur
áfram: „Lokaverkefnið í bakkalár-
námi mínu í HÍ snerist um endurnýt-
ingu og verkefni tengd endurvinnslu.
Fyrsti skyrtukjóllinn varð einfald-
lega til vegna þess að mig vantaði
kjól fyrir fermingarveislu. Ég átti
nokkrar gamlar, hvítar skyrtur sem
mér datt í hug að sauma mér kjól úr.
Ég klippti, saumaði og mátaði þang-
að til ég varð ánægð og litaði hann
síðan svartan svo hann væri ekki
eins og náttkjóll. Kjóllinn vakti at-
hygli og kennarinn minn stakk upp á
að ég fengi einhvern í lið með mér
til að sauma fleiri svona kjóla.
Jenný kom vitaskuld fyrst
upp í hugann og í fram-
haldinu ákváðum við að
hanna og sauma kjóla
undir eigin merki,“
segir Kristín.
Með svipaðan
smekk
Áður en þær
létu til skarar skríða
höfðu þær prófað sig
áfram í rólegheitum
heima hjá Jennýju
og sett upp Face-
book-síðu þar sem
þær kynntu
afrakstur
vinnu sinnar.
Viðbrögðin
létu ekki á sér
standa, skyrtu-
kjólarnir vöktu
að þeirra sögn mikla lukku og veittu
þeim um leið byr undir báða vængi
að hella sér í auknum mæli út í fram-
leiðsluna.
Áhugi Jennýjar á endurnýtingu
á öllum sviðum vaknaði reyndar þeg-
ar hún bjó í Danmörku þar sem sorp
var flokkað á heimilum og töluverð
vakning var í umhverfismálum.
„Verkaskipting hjá okkur systrum
er nokkuð skýr og við höfum líkan
smekk. Þótt Kristín sé liðtæk við
saumaskapinn hef ég hann meira á
minni könnu. Við vinnum saman að
undirbúningnum, ráðum ráðum okk-
ar um snið og þvíumlíkt, þvoum fatn-
aðinn, litum ef með þarf og sníðum.
Og stöndum svo vaktina saman eða
til skiptis í vinnustofunni. Opnunar-
tímann auglýsum við á Facebook--
síðunni okkar en einnig getur fólk
haft samband og mælt sér mót við
okkur hérna í Íshúsinu,“ segir
Jenný.
Náttúruleg efni
Þær kaupa skyrturnar og
jakkafötin aðallega af Rauða kross-
inum en eru býsna vandlátar. Gervi-
efni koma ekki inn fyrir þeirra dyr,
bara fatnaður úr náttúrulegum efn-
um, aðallega ull og bómull. „Vinir og
kunningjar gauka líka af og til að
okkur fatnaði, sem þeir hefðu ella
fargað. Í hvern kjól fara mismargar
skyrtur, allt eftir því hvernig efnin
raðast saman út frá fagurfræðilegu
sjónarmiði og hversu heillegar
skyrturnar eru,“ segja þær.
Engir tveir kjólar eru nákvæm-
lega eins og þær leggja áherslu á að
bjóða þá í mismunandi stærðum.
Stundum sauma þær eftir pöntun því
dæmi eru um að fólk vilji nýta það
sem til fellur af eigin heimili, eins og
mamma systranna gerði í gamla
daga. „Ég og eldri bróðir minn feng-
um þó yfirleitt nýjar flíkur sem síðan
gengu í erfðir til yngri systkinanna –
endurbætt, fyrst á réttunni svo á
röngunni,“ rifjar Jenný upp.
Gamlar skyrtur fá nýtt líf
Endurnýting er leiðarljós systranna Jennýjar, kjóla-
meistara og fatahönnuðar, og Kristínar, textílhönn-
uðar, á vinnustofu þeirra Sisters ReDesign. Þar sitja
þær löngum stundum og breyta gömlum herra-
skyrtum í kjóla, sauma töskur úr herrajakkafötum og
kaffipokum og sitt hvað fleira.
Morgunblaðið/Þórður Arnar
Sisters ReDesign Systurnar Kristín og Jenný Garðarsdætur á vinnustofu sinni í Íshúsinu í Hafnarfirði.
Skyrtukjóll Köf́lóttur skyrtukjóll,
saumaður úr mörgum skyrtum.
Löggutaska Hliðartaska sem dreg-
ur dám af byssubeltistösku.
Endurnýtt
Gallaskyrtukjóll
úr gallaefni og
peningaveski
úr afgöngum.
12 DAGLEGT LÍF
MORGUNBLAÐIÐ FIMMTUDAGUR 9. JÚNÍ 2016
54.900 kr. á mánuði* 41.900 kr. á mánuði* 36.300 kr. á mánuði*24.500 kr. á mánuði*
5.790.000 kr. 4.450.000 kr. 3.890.000 kr.2.590.000 kr.
Kia Sorento Classic Kia Sportage EX 4WD Kia Carens EXKia cee’d EX SW
Árgerð 7/2014, ekinn 46 þús. km,
dísil, 2200 cc, 200 hö, sjálfskiptur,
eyðsla frá 6,7 l/100 km.
Árgerð 5/2013, ekinn 81 þús. km,
dísil, 2000 cc, 136 hö, sjálfskiptur,
eyðsla frá 6,0 l/100 km.
Árgerð 5/2014, ekinn 73 þús. km,
dísil, 1700 cc, 136 hö, sjálfskiptur,
eyðsla frá 5,2 l/100 km.
Árgerð 9/2013, ekinn 62 þús. km,
dísil, 1396 cc, 90 hö, beinskiptur,
eyðsla frá 4.4 l/100 km.
Notaðir
ÁR
EFTIR AF
ÁBYRGÐ
Notaðir
ÁR
EFTIR AF
ÁBYRGÐ
Notaðir
ÁR
EFTIR AF
ÁBYRGÐ
Notaðir
ÁR
EFTIR AF
ÁBYRGÐ
Ábyrgð fylgir! NOTAÐIR BÍLARwww.notadir.is
Kletthálsi 2
110 Reykjavík
590 2160
Opnunartímar
Virka daga 10–18
Laugardaga 12–16
Mánaðargreiðsla m.v. 50% bílalán í 72 mánuði. Vextir 9,25% og árleg hlutfallstala kostnaðar er 11.4%.
Ábyrgð er í 7 ár frá skráningardegi bifreiðar.
*
**