Morgunblaðið - 09.06.2016, Page 34

34 FRÉTTIRInnlent
MORGUNBLAÐIÐ FIMMTUDAGUR 9. JÚNÍ 2016
á Ríp. Við klettana nærri bænum eru
álfar og jafnvel víðar. „Hér fer maður
ekki í neina jarðvinnu nema sækja
um leyfi,“ segir Rípurbóndinn. „Mér
hefur gefist vel að ganga á þann stað
þar sem framkvæma skal og biðja álf-
ana leyfis. Ég fer hljóðlega og segi
með sjálfum mér – svo huldufólkið
skynjar – hvað gera skuli. Og þegar
færist ró yfir mig og notaleg tilfinn-
ing, veit ég að öllu er óhætt.“
Birgir þekkir að séu hinir huldu
grannar ekki með í ráðum getur illa
farið. „Fyrir allmörgum árum var ég
að vinna í flagi hér nærri bænum og
var að tína steina frá stórri klöpp. Þar
hafa sennilega verið einhver öfl í
grjótinu því meðan á þessu stóð kom
frændi minn hlaupandi og sagði að
fjöldi lamba hefði farið ofan í skurð
ekki langt þarna frá. Við vorum
nokkrir sem þustum á vettvang og
björguðum nokkru, en sjö lömb
missti ég. Þetta varð mér rækilegur
lærdómur.“
Synirnir vilja taka við
Birgir og Ragnheiður Hrefna
Ólafsdóttir kona hans tók við bú-
skapnum á Ríp árið 1982 og voru þá
rétt um tvítugt. „Þetta hefur verið
skemmtilegur tími og ég ætlaði mér
aldrei að verða annað en bóndi. Og
mér finnst ánægjulegt að synir okkar
tveir hafi áhuga á að taka við bú-
skapnum hér í framtíðinni,“ segir
Birgir og bætir við að búseta á jörð-
um hafi haldist þokkalega. Gjarnan
taki yngra fólkið við af því eldra og
því slitni keðjan ekki.
Af Hegraneshringnum er botn-
langi, allangur spotti sem liggur til
suðurs að bænum Eyhildarholti. Á
hinum endanum, það er í klettaborg-
unum út við sjó, er bærinn Utan-
verðunes. Þaðan er víðsýnt út á
Skagafjörðinn þar sem Drangey,
Þórðarhöfði og Mámey blasa við. Sé
hins vegar horft annars staðar frá og
inn til landsins blasir við víður fjalla-
hringur og mörg kunn kennileiti og
hæst ber, í orðsins fyllstu merkingu,
sjálfan Mælifellshnjúk. Það er Skaga-
fjörður; í allri sinni dýrð.
 Ekki er lengur búseta í Hróarsdal, en byggingum þar er vel við haldið og allt til fyrirmyndar. Klárar Hestar og allt sem þeim tengist er á marga vísu einkenni Skagafjarðarar.
Morgunblaðið/Sigurður Bogi
 Horft heim að bænum Ketu. Glóðafeykir er áberandi í baksýn.
 Minnismerki um Jón Ósmann
ferjumann við Héraðsvötnin vestri.
 Rípurkirkja í Hegranesi var reist árið 1924. Segja má að hún sé í dæmi-
gerðum stíl íslenskra sveitakirkna sem má finna um nánast allt landið.
Heimahjúkrun Heilsugæslu höfuð-
borgarsvæðisins í Garðabæ, Hafnar-
firði og Kópavogi hefur verið sam-
einuð og verður framvegis rekin sem
ein eining í stað fjögurra áður
Ný starfsstöð sameinaðrar
Heimahjúkrunar var tekin formlega
í notkun í síðustu viku. Stöðin er til
húsa að Hlíðasmára 17 í Kópavogi
sem er nálægt miðju þjónustusvæð-
isins. Svanhvít Jakobsdóttir, for-
stjóri Heilsugæslu höfuðborgar-
svæðisins, sagði við þetta tækifæri
að með sameinaðri heimahjúkrun á
suðursvæði höfuðborgarsvæðisins
væri stefnt að markvissri, faglegri,
sérhæfðri og skilvirkri heimahjúkr-
un sem komi til móts við þarfir
þeirra sem njóta þjónustunnar. Hún
sagðist telja að með nýju skipulagi
verði hægt að bæta og stytta boðleið-
ir milli Heimahjúkrunar og mikil-
vægra stofnana velferðarkerfisins.
Á fjárlögum 2016 var framlag til
heimahjúkrunar á höfuðborgar-
svæðinu hækkað um 100 milljónir
króna til að efla þjónustuna á ný eftir
niðurskurð í kjölfar efnahagshruns-
ins. „Þess er vænst að nú verði hægt
að verja lengri tíma með þeim not-
endum sem þess þurfa og að biðlistar
eftir þjónustunni sem hafa verið við-
varandi síðustu ár muni styttast og
jafnvel hverfa,“ segir í tilkynningu.
Alls eru 75 starfsmenn í sameinaðri
heimahjúkrun suðursvæðis sem
veita að jafnaði um 680 skjólstæð-
ingum þjónustu á hverjum tíma.
Markmið heimahjúkrunar er að gera
sjúkum og öldruðum kleift að dvelj-
ast heima, við sem eðlilegastar og
bestar aðstæður eins lengi og unnt
er miðað við heilsufar og félagslegan
aðbúnað þeirra.
Á myndinni eru frá vinstri: Svan-
hvít Jakobsdóttir, forstjóri Heilsu-
gæslu höfuðborgarsvæðisins, Sigrún
Kristín Barkardóttir, svæðisstjóri
Heimahjúkrunar, og Þórunn Ólafs-
dóttir, framkvæmdastjóri hjúkrun-
ar, við formlega opnun sameinaðrar
starfsstöðvar Heimahjúkrunar.
Opna sameinaða
heimahjúkrun
 Ný starfsstöð að Hlíðasmára 17