Morgunblaðið - 09.06.2016, Side 56

Glæsilegur veitingastaður á Hótel Örk. Vandaður matseðill og hlýlegt umhverfi.
Pantaðu borð í síma 483 4700
MATARferðamennska
Ásgeir Ingvarsson
ai@mbl.is
U
m 19 km suður af Akur-
eyri er að finna lítinn
sælureit fyrir sælkera. Á
bænum Holtseli er rekið
notalegt kaffihús og hægt að
kaupa ís sem framleiddur er á
staðnum, úr mjólk sem kemur
beint frá kúnum sem rölta þar um
haga í eyfirskri sveitasælunni.
Guðmundur Jón Guðmunds-
son er bóndinn á Holtseli
(www.holtsel.is) en honum til
halds og trausts er eiginkona
Guðmundar, hún Guðrún Egils-
dóttir. Það var árið 2006 sem þau
fjárfestu í forláta ísgerðarvél frá
Hollandi. „Við höfðum séð auglýs-
ingar ætlaðar breskum bændum
þar sem framleiðandinn sagði ís-
gerðina góða leið til að fimmfalda
verðmæti hrámjólkurinnar,“ segir
Guðmundur.
Eins og best þekkist á Ítalíu
Vélin samanstendur af tveim-
ur hólfum. Er mjólkinni hellt
beint í fyrra hólfið, þar sem hún
er gerilsneydd og blönduð með
alls kyns bragðefnum. Að því
loknu færist blandan yfir í frysti-
hólfið sem býr til sjálfan ísinn.
Útkoman er dýrindis ís á
ítalska vísu, af gelatto-gerðinni.
„Hann er þykkur og þungur, og
er rúmþyngdin á ísnum okkar um
800 g en algengt er að tilbúinn ís
úti í búð hafi 450 g rúmþyngd.“
Á kaffihúsinu er ísinn seldur
í kúlum og líka hægt að kaupa 2,5
lítra öskju til að taka með heim.
Þá framleiðir Holtsel fimm lítra
öskjur fyrir veitingastaði. Er
hægt að finna Holtselsísinn til
sölu í völdum verslunum, og með-
al annars hefur Melabúðin haft
þennan handverksís í boði í hart-
nær átta ár.
„Úr 60 grunntegundum af
bragðefnum getum við gert 400
uppskriftir. Af vinsælustu ísunum
má nefna skyrís sem blandaður er
með bláberjum héðan af svæðinu
sem tínd voru gagngert fyrir okk-
ur. Í skafborðinu eru alltaf fjór-
tán tegundir í boði, en þær eru
ekki alltaf þær sömu.“
Er notað ekta hráefni í ísinn.
„Við notum alvöru eggjarauður,
mjólk og rjóma. Í Baileys-ísinn
fer ekta Baileys, og ekta viskí í
viskíísinn,“ upplýsir Guðmundur,
en auk þess að geta fengið sér ís
og kaffi geta gestir á bænum
keypt vörur frá 14 öðrum býlum í
gegnum verkefnið Beint frá býli.
Eru það kræsingar eins og sultur
og saftir, fyrirtaks kjötvörur og
egg úr landnámshænum.
Sló strax í gegn
„Við vorum varla byrjuð þeg-
ar þetta var strax farið að vaxa
okkur yfir höfuð, svo miklar voru
vinsældirnar,“ segir Guðmundur,
en hann segir fastakúnnana ótal-
marga og vinsælt hjá sumum Ak-
ureyringum að skjótast í stuttan
bíltúr út úr bænum til að fá ís-
skammtinn sinn. „Ekki er óal-
gengt að á bilinu 3-500 manns
komi hér við daglega yfir sum-
artímann og þegar mest var töld-
um við 800 manns á einum degi.
Varð þessi starfsemi til þess að
skapa tvö til þrjú aukastörf á
bænum, enda miklu meira umfang
á þessu en við höfðum reiknað
með.“
Greinilegt er að bæði heima-
menn og ferðamenn hafa mikinn
áhuga á matvælum úr héraði.
Bendir Guðmundur á að á ferða-
lögum sínum um landið sækist
fólk ekki bara eftir því að upplifa
fallega náttúru og litríka menn-
ingu heldur sé líka hluti af æv-
intýrinu að smakka þann mat sem
verði til á hverjum stað. Þá
skemmir ekki fyrir þegar gæðin
eru af bestu sort og metnaður
lagður í framleiðsluna. Nefnir
Guðmundur sem dæmi hráfæðis-
veitingastaðinn Silva hinum meg-
in í dalnum, sem hefur getið sér
gott orð fyrir hráfæðisrétti. „Ég
get ekki sagt að ég sé mjög hrif-
inn af þessum stíl á mat en við
hjónin höfum farið tvisvar á Silva
og fengið þar hreint yndislega
rétti.“
Matvælaframleiðslan gerir
lífið á bæjunum fjölbreyttara,
tryggir að stríðan straum gesta
beri að garði og hjálpar líka við
að láta enda ná saman. Guð-
mundur segir fjárfestinguna í hol-
lensku ísvélinni heldur betur hafa
gefist vel. „Ísframleiðslan stendur
fullkomlega undir sér og rúmlega
það.“
Ísinn laðar
að hundruð
gesta daglega
 Ísinn frá Holtseli er hnausþykkur hágæðaís
 Notað er ekta hráefni í ísblönduna, eggjarauður
og rjómi, og mjólkin beint úr kúnum á bænum
Morgunblaðið/Skapti Hallgrímsson
Alvöru „Í Baileys-ísinn fer ekta Baileys, og ekta viskí í viskíísinn,“ segir
Guðmundur Jón Guðmundsson um framleiðsluaðferðir ísgerðarinnar.
Fjölbreytni Í skafborðinu eru
alltaf margar tegundir í boði.