Morgunblaðið - 09.06.2016, Síða 58

MATARferðamennska58
MORGUNBLAÐIÐ FIMMTUDAGUR 9. JÚNÍ 2016
HJÓLA-OGSPORTVÖRUVERSLUNIN · FAXAFENI 7 · REYKJAVÍK · SÍMI 5 200 200
VERSLAÐU Á
WWW.GÁP.IS
Gotthjól þarf ekki að kostamörg hundruð þúsund.Mongoose Reform er hjólið semþú hefur leitað að,
frábært hjól innanbæjar sem fer hratt enmjúklega yfir og öflugt á stígumogmalarslóðum.
VARÚÐ! FJÁRFESTING Á HJÓLI GETU
R VALDIÐMEIRI
SAMVERU FJÖLSKYLDUNNAR,
HREYFINGU OG BETRI LÍÐAN!
99.900,-
Hjólað í vinnuna á virkum dögum
- leika sér um helgar!
Bergljót Friðriksdóttir
beggo@mbl.is
F
imm ár eru síðan Vestfirðing-
urinn Bragi Geir Gunnarsson
keypti býlið Björk á Klepp-
járnsreykjum í Reykholtsdal
í Borgarfirði og hóf að byggja upp
ferðaþjónustu undir merkjum
Hversins. Nú rekur hann þar tjald-
svæði, býður upp á notalega heima-
gistingu á gamla bænum og leigir út
íbúðir í „gamla pakkhúsinu“ og þar
sem áður var vegasjoppa sem seldi
gas og olíu er nú veitingahús og
ferðamannaverslun með kjarngóðan
heimilismat og ferskt hráefni beint
frá býli.
Bíldudals grænar
„Ég stóðst ekki mátið þegar ég
fékk þetta tækifæri upp í hendurnar
árið 2011,“ segir Bragi sem fæddist
og er alinn upp á Bíldudal, menntað-
ur íþróttakennari og bjó í 25 ár á
Tálknafirði. „Mínir fjölskylduhagir
breyttust fyrir sex árum, ég fluttist
þá suður til Reykjavíkur en tolldi
ekki þar enda mikil dreifbýlistútta.
Skeljungur rak hér lengi olíuverslun
en þeim rekstri var hætt 1999 og
hér var allt í niðurníðslu þegar ég
kom; gamli bærinn, útihús og gróð-
urhús. Ég stökk í djúpu laugina og
þekkti engan hér í byrjun en heima-
menn hafa tekið mér afskaplega vel
og þetta hefur verið afar skemmti-
legt verkefni, að byggja upp Hver-
inn.“
Bragi endurbyggði húsnæðið
við tjaldsvæðið, innréttaði þar gott
eldhús, veitingasal og verslun og
býður ferðalöngum upp á íslenskan
heimilismat, eins og hann kallar
það. Sjálfur sér hann um elda-
mennskuna, en hann var mörg ár
matsveinn á sjó og segist vera hok-
inn af reynslu. „Ég er auðvitað með
gott starfsfólk með mér, en geng þó
sjálfur í öll verk, mér finnst það
skemmtilegast.“ Á matseðlinum er
Hverasúpan efst á blaði, að sögn
Braga. „Súpan er gerð úr grænmeti
sem ég rækta sjálfur og fæ jafn-
framt ferskt hráefni af næstu bæj-
um, hún er bæði holl og bragðgóð
og alltaf vinsæl á meðal matargesta.
Við bjóðum jafnframt upp á tómat-
súpu úr tómötum úr minni ræktun
og tvo daga vikunnar er kjötsúpan á
borðum. Með súpunum er heima-
gert brauð, stundum jafnvel súr-
deigsbrauð.
Ég býð alltaf upp á pönnu-
steiktan, nýveiddan fisk og fyrir þá
sem vilja kjöt er ég alla daga með
lambalærissneiðar í raspi. Þetta er
matur sem ég ólst upp við og út-
lendingar eru greinilega mjög
sólgnir í íslenskan heimilismat,
þeim finnst hann spennandi.
Lambakjötið er borið fram með
rauðkáli og rabarbarasultu – og
auðvitað grænum baunum. Með
þessum klassíska rétti held ég á
lofti minningunni um Bíldudals
grænar; ég var 13 ára gutti í sum-
arvinnu hjá verksmiðjunni síðasta
starfsárið 1974 og hafði það mik-
ilvæga hlutverk að loka baunadós-
um.“
Tjald í gróðurhúsi
Hverinn býður upp á heima-
gistingu í upprunalega íbúðarhús-
inu, þar eru fjögur tveggja manna
herbergi með uppbúnum rúmum.
Ennfremur er hægt að leigja tvær
notalegar íbúðir, sem Bragi innrétt-
aði í „gamla pakkhúsinu“. Tjald-
svæði Hversins rúmar 60 til 80
tjöld, tjaldvagna og húsbíla og Bragi
leggur áherslu á að hundar séu vel-
komnir. Aðgangur er að salernis- og
sturtuaðstöðu, ásamt þvottavél og
þurrkara, útigrilli, seyrulosun fyrir
húsbíla og bílaþvottaplani.
„Í sumar býð ég upp á þá nýj-
ung að nú er jafnframt hægt að slá
upp tjöldum inni í gróðurhúsi. Ég
gerði upp tvö bogahús sem höfðu
staðið lengi auð, strengdi nýtt plast
og lagði túnþökur, og held þeim
snyrtilegum með því að slá á fjög-
urra daga fresti.
Ég kalla þessa nýju gistiað-
stöðu Hobbitahús. Þau eru sniðin
fyrir erlenda tjaldferðalanga sem
birtast oft snemma á vorin þegar
enn er kalt, en eiga án efa líka eftir
að koma sér vel fyrir Íslendinga, til
dæmis þegar slagveður setur strik í
reikninginn í fríinu. Inni er alltaf
hlýtt og notalegt og ilmur af ný-
slegnu grasi og það þarf ekki endi-
lega tjald; góð dýna og svefnpoki
nægir.“
Sætir Nammitómatar
Bragi gerði upp þrjú önnur
gróðurhús á jörðinni og þar ræktar
hann sumarblóm og ýmiss konar
góðgæti, sem bæði er notað til mat-
argerðar á veitingastaðnum og selt í
ferðamannaversluninni. „Ég rækta
alls kyns salat og kryddjurtir, gul-
rætur og síðast en ekki síst tómata.
Ég er reyndar ekki með bý-
flugu í húsunum til að frjóvga plönt-
urnar, fyrir vikið verða tómatarnir
minni en ella en þeir eru ákaflega
sætir og bragðgóðir og við höfum
kosið að kalla þá Nammitómata. Við
seljum mikið af Nammitómötum,
gulrótum, öðru grænmeti og krydd-
jurtum í versluninni en þar fæst
jafnframt annar varningur sniðinn
fyrir ferðafólk, ásamt ýmsu hand-
verki af svæðinu.“
Hann segir ferðamenn áhuga-
sama um jarðhita og ylrækt, margir
leggi leið sína í gróðurhúsin og
hverasvæðið hafi mikið aðdráttarafl,
bæði meðal Íslendinga og útlend-
inga. „Kleppjárnsreykjahver, sem
er fjórði stærsti hver landsins, er í
aðeins 80 metra fjarlægð frá tjald-
svæðinu. Deildartunguhver, vatns-
mesti hver Evrópu, er svo í 800
metra fjarlægð og langflestir sem
hingað koma fá sér góðan labbitúr
þangað. Það er margt að skoða í ná-
grenninu, svo sem Reykholt og
Reykholtskirkja, Snorralaug og
Snorrastofa, Hraunfossar, Geit-
fjársetrið á Háafelli og Víðgelmir,
en hann er einn merkasti hellir Evr-
ópu með ótrúlega fallegum dropa-
steinum og ísmyndunum.“
Þýskir ferðalangar
Bragi bætir við: „Síðast en ekki
síst er það svo Langjökull og íshell-
irinn sem dregur að mikinn fjölda
ferðamanna og margir stoppa hér
hjá okkur á ferð sinni þangað.“
Aðspurður segir hann erlenda
ferðamenn um 80% viðskiptavina og
langmest sé um Þjóðverja. „Þýskir
ferðalangar eru áberandi og þannig
hefur það verið frá byrjun. Aðal-
ferðamannatíminn hefst í lok maí og
svo róast allt í ágúst, eftir Menning-
arnótt.
Hér eru vinnudagarnir oft ansi
langir en starfið er svo lifandi og
skemmtilegt að ég gleymi yfirleitt
að líta á klukkuna. Yfir sumartím-
ann erum við hér fimm starfandi, en
yfir veturinn er ég einn. Í haust
held ég áfram uppbyggingu ferða-
þjónustu á svæðinu; þau eru næg
verkefnin og alltaf eitthvað sem má
laga eða bæta. Ætli mitt fyrsta verk
verði ekki að merkja gönguleiðir.“
www.hverinn.is
Vegasjoppan varð veitingahús
 Á Kleppjárnsreykjum í
Borgarfirði býður ferðaþjón-
ustufyrirtækið Hverinn upp,
á nýstárlega tjaldaðstöðu,
ásamt gistingu í gömlu
pakkhúsi  Þar sem áður
var seld olía er nú veitinga-
staður með þjóðlegan mat
úr hráefni beint frá býli og
ferðamannaverslun með
brakandi ferskt grænmeti
og annað góðgæti.
Gulrætur Brakandi ferskar.Kryddjurtir Ilmandi, bráðhollar og ljúffengar. Hobbitahús Notalegt að tjalda í öllum veðrum.
Hverinn Bílddælingurinn Bragi Geir Gunnarsson var um árabil kokkur á sjó en nú hefur hann byggt upp ferðaþjón-
ustu á Kleppjárnsreykjum, þar sem hann eldar ofan í svanga ferðamenn og ræktar sjálfur sitt krydd og grænmeti.