Morgunblaðið - Sunnudagur - 06.11.2016, Blaðsíða 2

Í FÓKUS
2 MORGUNBLAÐIÐ SUNNUDAGUR 6.11. 2016
Ritstjórn
Árni Matthíasson arnim@mbl.is Ásdís Ásgeirsdóttir asdis@mbl.is Einar Falur Ingólfsson efi@mbl.is Gunnþórunn Jónsdóttir gunnthorunn@mbl.is Inga Rún Sigurðardóttir ingarun@mbl.is Júlía Margrét
Alexandersdóttir julia@mbl.is Orri Páll Ormarsson orri@mbl.is Sigurborg Selma Karlsdóttir sigurborg@mbl.is Silja Björk Huldudóttir silja@mbl.is Skapti Hallgrímsson skapti@mbl.is
Þegar hausta tekur er ágætt að fara yfir það hvað myrkur þýðir. Þegardimmt er úti þá sést maður ekki. Þetta hljómar eins og eitthvað semætti að vera augljóst, en er það þó ekki. Myrkrið getur verið huggu-
legt og umvefjandi en í því felast líka hættur fyrir gangandi í umferðinni.
Er þetta í alvörunni enn einn leiðinlegur pistill um nauðsyn þess að bera
endurskinsmerki? Já! Því miður þarf alltaf að endurtaka þetta. Við sjáumst
ekki í myrkri! Ég var minnt á þetta á dögunum þegar ég var að keyra niður
götu í hverfinu mínu. Á grasi til hliðar við götuna sá ég hvíta þúst sem virtist
hreyfast. Ekkert annað sást. Þegar
ég kom nær sá ég að þetta hvíta sem
hreyfðist var smáhundur og þegar
ég var komin alveg upp að grey
hundinum sá ég að dökkklædd vera
var með hann í bandi. Dökklædda
veran var manneskja, ein af þessum
ósýnilegu sem þó eflaust telur sig
ódauðlega eins og okkur öllum hætt-
ir til að gera.
Á dögunum skrifaði ökumaður
uppvekjandi grein á Facebook-síðu
lögreglunnar og lýsti því þegar ung-
ur drengur hljóp skyndilega fyrir bíl
hennar. Hún sá hann ekki. Hafði
enga möguleika á að sjá hann, sá
raunar aðeins augun í honum þegar hann skaust fyrir bílinn. Hún þakkaði
fyrir að hafa ekki verið í símanum, ekki verið að skipta um útvarpsstöð eða
annað sem gæti tekið athyglina frá akstrinum. Þannig náði hún að forða
hryllilegu slysi.
Umferðin er ekkert grín fyrir litlar manneskjur, sérstaklega þegar
skyggni er lítið og myrkrið leggst yfir. Það er á okkar ábyrgð að tryggja að
börnin sjáist í umferðinni. Við reynum eins og við getum að kenna þeim um-
ferðarreglur og að passa sig á bílunum en á endanum er ábyrgðin samt öll
okkar ökumannanna. Það er okkar að fara nægilega varlega til að vera í að-
stöðu til að afstýra slysum.
Endurskinsmerki, vesti eða annað sem lýsir upp manneskjur á ferli, stórar
sem smáar, getur forðað slysum og aukið öryggi allra í umferðinni. Það er
engin klisja. Förum varlega í skammdeginu og í öllum bænum hengið eða
límið endurskinsmerki á alla í fjölskyldunni.
Börn og fullorðnir
þurfa að sjást í
umferðinni.
Morgunblaðið/Árni Sæberg
Endurskin
skiptir máli
Pistill
Eyrún
Magnúsdóttir
eyrun@mbl.is
’Endurskinsmerki,vesti eða annað semlýsir upp manneskjur áferli, stórar sem smáar,
getur forðað slysum.
Það er engin klisja.
Hólmfríður Fjóla Zoëga
Smáradóttir
Mér finnst þetta fullmikið.
SPURNING
DAGSINS
Hvað
finnst þér
um launa-
hækkun
æðstu
embættis-
manna?
Þuríður Óskarsdóttir
Það er fínt að þau hafi góð laun en þar
sem þeir lægst launuðu fá ekki sambæri-
lega hækkun finnst mér þetta alveg galið.
Morgunblaðið/Ásdís
Pétur Þormóðsson
Mér finnst þetta skelfileg ákvörðun
þar sem aðrar stéttir þjást. Mér
finnst þau eiga að afþakka.
Hjörtur Sigvaldason
Of mikil. Ég hefði viljað sjá hækk-
un en ekki svona mikla.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Morgunblaðið/Árni Sæberg
Útlendingar
opnari
Hvernig leggst Iceland Airwaves
í þig í ár?
Ég spila sjö sinnum þannig að það er nóg að gera.
Þetta byrjaði rosalega vel. Airwaves er svo skemmti-
legt. Það eru allir svo opnir. Margir erlendir ferða-
menn mæta og mér finnst þeir gefa meira af sér á tón-
leikum en Íslendingar. Maður heyrir meira í þeim og
þeir koma frekar að spjalla við mann eftir á. Sem tónlist-
armaður er það mjög upplífgandi að spila á Airwaves og fá
svona góð viðbrögð. Það er sérstök stemning sem myndast.
Það er líka gaman að sjá svona margar skemmtilegar týpur í
bænum. Hann verður ansi líflegur.
Er eitthvað sérstakt sem þú ætlar
að sjá nú?
Þetta er mikil törn hjá mér. Maður getur ekki mikið séð af
tónlist sjálfur heldur þarf aðallega að leggja áherslu á að
vera kominn á réttum tíma og mæta alls staðar þar sem
maður á að spila. Ég er með opinn huga og ef ég kemst að
sjá eitthvað þá er það gaman. Ég plana ekki of mikið. Í
gegnum tíðina er margt af því skemmtilegasta sem ég
hef séð bara þegar ég hef rambað einhvers staðar inn og
veit ekkert hver er að spila.
Hefurðu farið oft á Airwaves?
Þetta er í fyrsta sinn sem ég spila sem Hildur en það eru tíu ár
síðan ég fór fyrst, árið 2006, sem áhorfandi. Eftir það hef ég spil-
að á hverju ári með Rökkurró og í fyrra var ég að syngja með
Cell7. Ég hef alltaf verið með á einhvern hátt.
Segðu mér aðeins frá „Would You Change?“
nýja laginu þínu og myndbandi.
Þetta er lag sem ég hef verið að spila á tónleikum og hef fengið góð
viðbrögð við. Ég vann lagið með Janusi Rasmussen sem er í Blo-
odgroup og Kiasmos. Svo ákvað ég að skella mér til Berlínar til að
gera myndband við lagið. Leikstjórinn Andrea Björk Andr-
ésdóttir var nýflutt þangað. Það var bara meira spennandi að fara
út og nota allt það sem Berlín hefur upp á að bjóða en að hún
kæmi hingað. Þetta er svo æðisleg borg.
Stóra planið mitt er síðan að gefa út plötu í fullri lengd á næsta
ári.
Hvað ertu með stóra hljómsveit?
Ég er með einn trommara með mér en hann heitir Sigþór Ási Þórð-
arson. Við erum bara tvö. Við höfum verið að spila saman frá því að
ég byrjaði með þetta verkefni í febrúar.
HILDUR KRISTÍN STEFÁNSDÓTTIR
SITUR FYRIR SVÖRUM
Forsíðumyndina tók
xxxxxxxxx
Hildur sló í gegn fyrr á þessu ári með laginu „I’ll Walk With You“.
Hljómsveit hennar spilar utandagskrár á Airwaves á Bryggjunni kl. 14 í
dag, laugardag, og sem hluti af dagskrá hátíðarinnar í Kaldalóni í Hörpu
í kvöld.