Morgunblaðið - Sunnudagur - 06.11.2016, Blaðsíða 6

6 MORGUNBLAÐIÐ SUNNUDAGUR 6.11. 2016
Hluthafar bæði í Tesla og SolarCity þurfa að samþykkja samein-
ingu fyrirtækjanna tveggja svo af verði. Gengið verður til atkvæða
um sameininguna þann 17.nóvember næstkomandi en það
gerir stöðuna æði flókna að Elon Musk og nokkrir aðrir eiga
hluti í báðum fyrirtækjum. Samkomulag hefur því náðst um
að þeir nýti ekki atkvæði sín fyrir hönd Tesla, heldur aðeins
SolarCity atkvæðin.
Kynning Musk á nýju sólarþökunum er talin vera
hluti af ráðagerð hans um að telja hluthafa á að
greiða atkvæði með samruna fyrirtækjanna. Sjálfur
á hann18,4% hlut í Tesla og 21,9% í SolarCity og
hefur sagt að hann vilji vinna að því að af samein-
ingu fyrirtækjanna verði.
Talið er nær öruggt að meirihluti hluthafa í Sol-
arCity greiði atkvæði með samruna við Tesla, en
meiri vafi ríkir um atkvæðin Tesla megin.
Elon Musk hefur lag á því aðvekja athygli á þeim verk-efnum sem hann tekur sér
fyrir hendur. Enda eru þau sjaldn-
ast smá eða lítilfjörleg. Musk hefur
staðið fyrir nýjum greiðsluaðferðum
á netinu með PayPal, komið eldflaug
upp í geim og aftur til baka með
SpaceX, hann hefur náð að gera raf-
bíla að lúxusvöru með Tesla-
rafbílafyrirtæki sínu og nú ætlar
hann að beisla sólarorkuna á nýjan
hátt – með sólarsellum sem ekki
sjást.
Allt frá því að Elon Musk varð
stærsti hluthafinn í sólarorkufyrir-
tækinu SolarCity í ágúst síðast-
liðnum hafa verið uppi vangaveltur
um það hvað Musk ætli sér með
sólarorkuna. Nú er ljóst að hann vill
sameina Tesla Motors og SolarCity
en eftir er að greiða atkvæði um
samrunann. Í vikunni hélt hann stór-
an blaðamannafund í kvikmyndaveri
Universal þar sem búið var að þekja
fjögur af húsunum úr Desperate
Housewives, þar sem hinar mjög svo
aðþrengdu eiginkonur bjuggu, með
nýjum sólarknúnum þakskífum.
Sólarþök eru það sem koma skal,
segir Elon Musk. Hans hugmynd er
að hús framtíðarinnar verði að ein-
hverju leyti sjálfbær um orkufram-
leiðslu. Sólarorkan sé beisluð með
þartilgerðum þakskífum og orkunni
svo safnað í sérstakar risarafhlöður
sem veiti rafmagn þegar myrkur er.
Í bílskúrnum verði svo vitanlega raf-
bíll sem er hlaðinn með rafmagninu
sem framleitt er fyrir tilstilli sólar-
orkunnar af þakinu.
Kostnaður óljós
en fegurðin lykilatriði
Enn er nokkuð á reiki hversu mikið
þessi þök munu kosta en það sem að-
greinir þau frá öðrum er að sólar-
sellurnar eru hluti af sjálfum þak-
skífunum. Þakið allt verður því ein
stór sólarsella, í stað þess að leggja
þurfi þakskífur og bæta svo klunna-
legri sólarsellu ofan á það til að nýta
orku sólarinnar.
Musk og félagar hjá SolarCity
gera sér miklar vonir um að þökin
komist í almenna notkun innan fárra
ára en kostnaðurinn við sólarþökin
er þó enn nokkuð á reiki. Musk hef-
ur þó sagt að hann vilji að sólarþökin
verði ódýrari og endingarbetri en
venjuleg þök.
Á blaðamannafundinum sagði
Elon Musk í kynningu sinni að hann
teldi lykilinn að velgengni í þessum
bransa vera að láta sólarsellurnar
líta vel út. Þær megi ekki vera ljótur
aukahlutur utan á húsum heldur
verði að vera aðlaðandi og fallegar.
Það var ansi klókt að halda fund-
inn á setti Desperate Housewives,
enda þekkir stór hluti fólks húsin vel
af skjánum. Búið var að setja ný þök
á fjögur húsanna á settinu til að sýna
hversu vel þau falla að dæmigerðri
bandarískri húsagerð.
Þeir sem eru eldri en tvævetur í
því að selja hugmyndina um að safna
sólarorku á húsþökum segja hug-
mynd Musk vel útfærða en ekki
nýja. Þakskífur sem hægt sé að nota
til að safna sólarorku séu þegar í
sölu. Fjölmiðlaviðburður Musk,
Tesla og SolarCity hafi verið vel út-
færð kynning sem miði að því að
auka jákvæðni fjárfesta í garð sam-
einingar fyrirtækjanna.
Fimm milljón þök á ári
Musk er ekki í vafa um að húseig-
endur í Bandaríkjunum kunni að
meta það að geta nýtt sólarorku
án þess að það komi niður á út-
liti hússins. Fyrirtækið hefur
hug á að koma þessum nýju
sólarþakskífum á markað
næsta sumar.
Eftir miklu er að slægjast í
þessum bransa, en tölur sýna
að þök eru endurnýjuð á um fimm
milljónum heimila í Bandaríkj-
unum árlega.
Sólarþök
framtíðar á
Wisteria Lane
Sólarsellur sem líta út eins og venjulegar þakskíf-
ur voru settar á þök húsa á hinni frægu sjónvarps-
götu Wisteria Lane, tökustað Aðþrengdra eigin-
kvenna, í vikunni. Eigi að koma sólarorku í
almenna notkun þurfa sólarsellur að vera til prýði
en ekki ljótir aukahlutir, segir Elon Musk.
Elon Musk
Vill telja hluthafa á að
samþykkja samruna
Ljósmynd/skjáskot af Youtube
Ef einhver kann að laða að stóran hóp fjölmiðlafólks er það athafna- og uppfinningamaðurinn Elon Musk. Búið var að
skipta um þök á fjórum húsum við Wisteria Lane. Tesla-rafbílum var að sjálfsögðu lagt í heimkeyrslunum.
’
Lykillinn er að gera sólarsellur á þakið eftirsókn-
arverðar. Við viljum að sólarþakið líti betur út,
endist lengur og kosti minna en venjulegt þak.
Elon Musk
ERLENT
EYRÚN MAGNÚSDÓTTIR
eyrun@mbl.is
RÚSSLAND
MOSKVA Leikarinn Steven Seagal
hefur fengið rússneskan ríkisborgararétt,
en þeimVladimír Pútín er vel til vina.
Seagal mun hafa sótt það fast að fá
ríkisborgararéttinn enda beri hann hlýjar
ngar til Rússa og Rtilfinni ússlands.
Óttast er að 239 hafi
farist þegar tveir bátar með
flóttafólki sukku skammt frá
strönd Líbíu á fimmtudag.
Tveir flóttamenn sem lifðu
af greindu frá þessu en þeim
skolaði á land á ítölsku eyjunni
Lampedusa.
BRETLAND
LONDON Ríkisstjórn Bretlands mun
áfrýja niðurstöðu bresks dómstóls
um að það sé í höndum þingsins, ekki
ríkisstjórnarinnar, að ákveða að hefja
útgönguferli ríkisins úr Evrópusam-
bandinu. Niðurstaða dómsins sem féll
í vikunni er að þjóðaratkvæðagreiðslan, þar sem 51,9% vildu
útgöngu, dugi ekki heldur þurfi samþykki breska þingsins.
BANDARÍKIN
Bandaríkjamenn ganga að
kjörborðinu næstkomandi
þriðjudag og kjósa sér nýjan
forseta. Hillary Clinton hefur
mælst ofar en Donald Trump
í flestum skoðanakönnunum
og er talin sigurstranglegri en
þó hafa stjórnmálaskýrendur
vestra bent á að alls ekki sé
útilokað að Trump hafi sigur.
Clinton skyldi ekki fagna
alveg strax.