Morgunblaðið - Sunnudagur - 06.11.2016, Blaðsíða 44

44 MORGUNBLAÐIÐ SUNNUDAGUR 6.11. 2016
LESBÓK
Uppi varð fótur og fit á Ítalíu
og víðar þegar klámmynda-
leikkonan Ilona Staller, betur
þekkt sem Cicciolina, var
kjörin á þing árið 1987. Sum-
um þótti þingið setja ofan við
gjörninginn meðan aðrir sáu
spaugilegu hliðina á málinu.
Synd væri að segja að
Cicciolina hafi verið at-
kvæðamikill þingmaður en
helsta framlag hennar til al-
þjóðamála var að bjóðast til
að sænga hjá Saddam Huss-
ein. Hugsunin á bak við það
tilboð var svo sem falleg;
að tryggja frið við
Persaflóa. Þau náðu
ekki saman og
skömmu síðar
braust stríðið út
með tilheyr-
andi blóðs-
úthell-
ingum.
Cicciolina
náði ekki
endurkjöri.
Vildi sænga
hjá Saddam
SJÓNVARP Skosk/ástralska leikkonan Isla Fisher fékk
snúna spurningu þegar hún heimsótti háðfuglinn James
Corden í síðkvöldsþætti hans á CBS-stöðinni í Banda-
ríkjunum á dögunum. Hún var svona: „Bregður eigin-
maður þinn, Sasha Baron Cohen, sér einhvern tíma í
hlutverk undir voðum?“ Cohen er, fyrir þá sem ekki
þekkja, mikill æringi sem hefur karaktera eins og ólík-
indatólin Borat og Ali G á ferilskránni. Fisher gat vikið
sér undan svari með því að drekka ógeðsdrykk ellegar
gæða sér á nautstungu en til þess kom ekki; hún svaraði
spurningunni auðvitað eins og hverjum öðrum vanga-
veltum um veðrið. Og svarið var nei. Sasha Baron Cohen
er bara Sasha Baron Cohen þegar hann hefur berháttað
sig með sinni heittelskuðu í skjóli nætur.
Er hann sjálfur í rúminu
AFP
Isla Fisher þykir hress.
MÁLMUR Cavalera-bræðurnir, Max og Igor,
hafa svarað Jonathan Davis, söngvara Korn,
fullum hálsi en hann hélt því fram að gamla
bandið þeirra bræðra, Sepultura, hefði stolið
sándinu af Korn á hinni víðfrægu plötu sinni
Roots, sem kom út árið 1996. Upptökustjór-
inn Ross Robinson hafði tekið upp þrjár
Korn-plötur áður en hann stýrði upptökum á
Roots og Davis fullyrðir að hann hafi fært Se-
pultura sándið á silfurfati. „Þetta er fjar-
stæða; Korn-sándið er hræðilegt,“ sagði Igor
við vefmiðilinn Démentiellement vôtre. Og
Max bætti við: „Roots á ekkert sameiginlegt
með Korn nema upptökustjórann.“
Segjast ekki hafa stolið sándinu af Korn
Hver vill troða illsakir við Max gamla Cavalera?
Valdimar Örn Flygenring er djákninn.
Djákninn á RÚV
SJÓNVARP Ríkissjónvarpið hefur
að undanförnu sýnt gamlar sjón-
varpsmyndir á sunnudagskvöldum.
Nú er röðin komin að Djáknanum
eftir Egil Eðvarðsson frá árinu
1988. Myndin er byggð á hinni
þekktu þjóðsögu um Djáknann á
Myrká en hér er þó um að ræða nú-
tímamynd sem gerist í Reykjavík.
Aðalpersónurnar eru Dagur og
Gugga, ungt og ástfangið fólk.
Aðalhlutverk leika Valdimar Örn
Flygenring og María Ólafsdóttir.
ÚTVARP Felix
Bergsson og Mar-
grét Blöndal vekja
hlustendur Rásar
2 á laugardags-
morgnum. Þátt-
urinn er á ljúfum
nótum í anda um-
sjónarmannanna
sem fylgjast vel með því sem er að
gerast í menningarlífi landsmanna
og fjalla um það sem er efst á baugi.
Tónlistin er auðvitað stór hluti þátt-
arins og þar glitrar á eldri perlur í
bland við nýja og ferska tóna.
Þátturinn hefst kl. 9:05 og stendur
fram að hádegisfréttum klukkan
12:20.
Vekja hlust-
endur Rásar 2
Margrét Blöndal
ÚTVARP Lifun nefnist framhalds-
leikrit í fjórum þáttum eftir Jón
Atla Jónasson sem er á dagskrá
Rásar 1 í dag, laugardag, kl. 14.
Leikritið byggist á rannsókn Guð-
mundar- og Geirfinnsmálsins þar
sem lögð er áhersla á atburða-
rásina í kringum gæsluvarðhald yf-
ir Sævari Ciesielski, Erlu Bolladótt-
ur og öðrum sakborningum í
málinu.
Erla Bolladóttir hugsi fyrir dómi.
Lifun á Rás 1
Einhvern tíma hefði það þóttsaga til næsta bæjar – ogþykir kannski enn – að for-
menn tveggja stjórnmálaflokka sem
eiga fulltrúa á hinu háa Alþingi Ís-
lendinga ættu djúpar rætur í dæg-
urtónlist. Hér erum við auðvitað að
tala um Óttarr Proppé, formann
Bjartrar framtíðar, sem lengi hefur
verið í framvarðarsveit íslenska
rokksins og pönksins og sungið með
hljómsveitum á borð við Ham, Dr.
Spock og Rass, og Loga Má Ein-
arsson, sem tók við formennsku í
Samfylkingunni í vikunni, en hann
átti á sinni tíð aðild að hinu goð-
sagnakennda sveitaballabandi
Skriðjöklum frá Akureyri. Dansaði
þar sem hann ætti lífið að leysa og
söng bakraddir.
Óttarr hefur setið á Alþingi frá
árinu 2013 en Logi kemur nú í fyrsta
sinn inn sem aðalmaður og mætir á
leiðinni þriðja popparanum, Guð-
mundi Steingrímssyni, fyrrverandi
formanni Bjartrar framtíðar, sem
lætur nú af þingmennsku. Hann er
kunnastur fyrir aðild sína að hljóm-
sveitinni Ske.
Af öðrum poppurum sem unnið
hafa við Austurvöll má nefna fram-
sóknarmanninn Magnús Stefánsson,
sem gerði garðinn frægan með Upp-
lyftingu á árunum í kringum 1980,
og Pétur Bjarnason frá Bíldudal,
þingmann Framsóknar og síðar
Frjálslynda flokksins, sem plokkaði
bassa í ekki minna bandi, Facon, um
það bil áratugi áður. Hún er líklega
frægust fyrir ofursmellinn Ég er
frjáls sem einmitt er eftir téðan Pét-
ur. Báðir sátu þeir lengi á Alþingi og
Magnús gegndi embætti félagsmála-
ráðherra frá 2006 til 2007.
Cherdeilis gott hjá Sonny
Lausleg athugun bendir til þess að
ekki sé algengt að popparar eða
rokkarar sitji eða hafi setið á þjóð-
þingum úti í hinum stóra heimi.
Í Bandaríkjunum kemur Sonny
heitinn Bono fyrst upp í hugann en
hann er líklega þekktastur í seinni
tíð fyrir að hafa verið kvæntur ofur-
stjörnunni Cher og músiserað með
henni um tíma. Bono var borgar-
stjóri í Palm Springs frá 1988 til
1992 og þingmaður í fulltrúadeild-
inni frá 1995-1998, að hann lést af
slysförum.
Einnig má nefna John Hall, sem
sat í fulltrúadeild Bandaríkjaþings
frá 2007 til 2011 fyrir Demókrata-
flokkinn, en hljómsveit hans Orleans
naut nokkurrar lýðhylli á áttunda
áratugnum, auk þess sem hann lék
um tíma með Janis Joplin.
Ef við höldum okkur við popp-
menningu þá virðast mun fleiri kvik-
myndaleikarar hafa haslað sér völl í
stjórnmálum gegnum tíðina; þeirra
frægastir Ronald Reagan, forseti
Bandaríkjanna (1981-89), Arnold
Schwarzenegger, ríkisstjóri Kali-
forníu (2003-11), og Clint Eastwood,
bæjarstjóri í Carmel.
Marga fleiri mætti nefna. Við
þessa eftirgrennslan kom til dæmis í
ljós að Melissa Gilbert, betur þekkt
sem Lára litla Ingalls í Húsinu á
sléttunni, var komin langleiðina inn í
fulltrúadeild Bandaríkjaþings fyrr á
þessu ári en varð að hætta við vegna
heilsubrests.
Þá má geta þess að sjónvarpsmað-
urinn umdeildi Jerry Springer var
borgarstjóri í Cincinnati í eitt ár á
áttunda áratugnum og það eftir að
hafa orðið uppvís að viðskiptum
við vændiskonu nokkrum árum
áður.
Glenda Jackson er líklega
frægasti leikarinn til að setjast á
þing í Bretlandi og gaman er að
segja frá því að tveir af valda-
mestu mönnum Póllands á
seinni árum, Kaczyñski-
tvíburarnir, Lech og Jarosław,
léku saman í vinsælli fjöl-
skyldumynd á unglingsárum
sínum, Tvíeykið sem stal
tunglinu.
Ronald
Reagan
Morgunblaðið/RAX
Frumvarp til popplaga
Ekki er algengt að dægurtónlistarmenn hasli sér völl í pólitík eins og Óttarr Proppé og Logi Már Ein-
arsson hafa gert hér á landi en kvikmyndaleikarar eru atkvæðameiri, s.s. Reagan og Schwarzenegger.
Orri Páll Ormarsson orri@mbl.is
Cicciolina
Morgunblaðið/EggertMorgunblaðið/Þorkell
Logi Már Einarsson
Óttarr ProppéGlenda Jackson