Morgunblaðið - Sunnudagur - 27.11.2016, Blaðsíða 15

viðtalinu að Björg hafi í nógu að snúast á hún
enn eftir að segja frá mörgum nýjum verk-
efnum. Eitt af þeim er vínframleiðsla.
„Þegar ég kom til baka til Noregs fannst
mér svo lélegt freyðivín sem vinkonurnar voru
að bjóða mér að ég byrjaði að búa til freyðivín
og er núna að framleiða freyðivín sem heitir
Lykke Bobler. Og það er þriðja mest selda
freyðivínið í Noregi. Bara núna síðustu þrjá
mánuði seldum við 120 þúsund flöskur. Og svo
byrjaði ég að búa til rauðvín líka sem heitir
Skravlevin,“ segir Björg og útskýrir að það
þýðir eiginlega „kjaftavín“. Það selst líka mjög
vel.“ Björg segist hafa notað sambönd sín sem
hún hafði við Norður-Spán til að hefja vín-
framleiðsluna og komið sér í sambönd við þar-
lenda framleiðendur. „Þau höfðu sko enga trú
á mér. Ég fékk að þróa það og þau sögðu að ég
þyrfti alla vega að panta tvö þúsund flöskur.
Og ég hugsaði með mér, já, já, vinkonur mínar
geta alveg drukkið það,“ segir hún og skelli-
hlær. „Þar sem ég hef ferðast um Noreg í tíu
ár og verið með sýningar og fyrirlestra úti um
allt skrifaði ég á Facebook að von væri á þess-
um tvö þúsund flöskum. Og áður en þær komu
til landsins voru þær seldar. Svo það þurfti að
senda mér fjögur þúsund flöskur í viðbót. Þær
seldust líka. Fólk varð alveg vitlaust af því að
það var ekki hægt að ná í þetta,“ segir hún og
heldur ótrauð áfram. Næst á dagskrá hjá
Björgu er hvítvínsframleiðsla.
Björg og Dóra systir hennar eru að fara
saman í norska sjónvarpið, en þær hafa verið
ráðnar til að koma fram og stýra þætti til að
hjálpa fólki. „Fyrst ég er að hjálpa svo mörg-
um með myndunum mínum og Dóra er þerap-
isti og uppistandari ætlum við að vera með
svona „extreme makeover“ en ekki að utan,
heldur að innan. Við finnum fólk sem elskar
ekki sjálft sig, sem hugsar ekki vel um sig og
hefur það ekki gott og hjálpum því í gegnum
þerapíu og í gegnum myndirnar mínar og
hjálpum því að elska sjálft sig. Og þá sér fólk
hvernig allt breytist, þá vill fólk gera svo
margt rétt,“ útskýrir Björg, en þær munu
fylgja fólki eftir í heilt ár.
Hjálpar konum víða um heim
Björg vinnur ötullega við að hjálpa konum sem
hafa orðið fyrir kynferðislegu ofbeldi. „Ég
vinn mikla sjálfboðavinnu af því að ég er svo
heppin að það gengur svo vel með listina, vínið,
bollana, stellið, skartgripina og allt annað sem
ég geri,“ segir Björg og blaðamaður áttar sig á
því að það eru fleiri klukkutímar í sólar-
hringnum hjá viðmælanda en okkur hinum.
„Ég fer um allan Noreg og í „krisecentra“ og
tala við konur. Svo skreyti ég veggina með
myndum eftir mig. Þú myndir ekki halda að
það hefði mikið að segja en það gerir það. Á
einum stað er ég búin að mála konu sem teygir
sig eftir stjörnu. Og ég skrifaði við hana,
draumarnir geta verið þínir ef þú vilt. Og ég er
búin að fá svo mörg bréf frá konum sem hafa
verið þarna inni og hafa verið að gefast upp á
lífinu, sem segja mér að þær horfi á þessa
mynd og hugsi, já, ég ætla að láta draumana
rætast,“ segir hún.
Björgu nægir ekki að hjálpa norskum kon-
um. Hún stýrir verkefni í Mexíkó sem lýtur að
því að selja framleiðslu fátækra kvenna sem
sjá sér farborða með vefnaði. Björg hefur
dreift vörum þeirra í 120 verslanir í Noregi og
sendir ágóðann til kvennanna.
Hún flettir í gegnum símann sinn til að sýna
mér myndir. Við blasir mynd af henni á brim-
bretti. „Sjáðu, ég bjó á Hawaii síðasta vetur,
ég flutti þangað í sex mánuði með Tolla, Dóru
og krökkunum,“ segir Björg eins og ekkert sé
sjálfsagðara.
Hvað varstu að gera þar?
„Ég skrifaði þrjár bækur og málaði myndir.
Það var alveg æðislegt. Ég lærði reyndar á
brimbretti á Balí, en ég bjó þar líka í hálft ár
fyrir nokkrum árum,“ segir hún.
Þú ert með svo mörg verkefni í gangi!
„Já, ég veit það, ég er ekki búin að segja frá
helmingnum,“ segir hún.
„Nú er ég að hefja verkefni í Úganda og
ætla að hjálpa svona sjö, átta þúsund konum
og börnum þeirra. En þegar ég hjálpa einni
konu hjálpar maður alltaf tuttugu,“ segir hún
og hyggst hún hjálpa þessum konum á sama
hátt og hún hjálpar konunum í Mexíkó. „Þá
geta þær menntað börnin sín. Ég ætla að
hjálpa konum sem hafa orðið fyrir ofbeldi og
dottið út úr samfélaginu og fá ekki hjálp. Og
líka konum sem hafa orðið óléttar eftir nauðg-
un,“ segir hún.
Má ekki þegja yfir kynferðisofbeldi
Björg á erfiða reynslu að baki. „Mér var
nauðgað þegar ég var lítil og ég veit hvað það
eyðileggur mikið. Ég hef ekkert farið djúpt í
það sem gerðist en er opin með það af því að
ég vil að allar aðrar konur sem hafa upplifað
slíkt þori að segja frá. Annars eyðileggur það
svo mikið af lífinu. Maður þarf að fá hjálp. Í
síðustu viku hringdi í mig kona sem er 55 ára.
Hún hafði heyrt mig tala og hafði aldrei sagt
neinum frá. Hún grét og grét og þetta hafði
eyðilagt svo mikið af lífinu hennar, henni var
nauðgað þegar hún var 12 til 14 ára. Og hugs-
aðu þér, í fjörutíu ár hafði þetta eyðilagt lífið
hennar. Og svo þorði hún að segja mér frá
þessu. En ég var svo heppin að ég fékk góða
hjálp en ég var átta ára þegar það gerðist í
fyrsta skiptið. Það var í Noregi. Svo kom það
fyrir síðar tvisvar í Mexíkó. En vegna þess að
þetta kom fyrir mig hef ég getað hjálpað
fleiri þúsund konum í Noregi,“ segir Björg,
sem fer um allan Noreg og heldur fyrirlestra
fyrir konur sem hafa orðið fyrir kynferðis-
ofbeldi en einnig fyrir aðstandendur alkóhól-
ista. „Ég get hjálpað fólki af því að ég hef
upplifað það. Ég hef unnið mig í gegnum
þetta. En það er ekki hægt að ganga um með
þetta einn, það er svo vont. Maður þarf að fá
hjálp.“
Hægt að gera heiminn aðeins betri
Björg ætlar að vera einn mánuð í Úganda og
tekur soninn með. „Tolli kemur með, ég tek
hann alltaf með. Mér finnst það mjög gott því
ég hugsa að það mikilvægasta sem ég geti
kennt honum sé að ef maður er ósáttur við eitt-
hvað í heiminum er hægt að gera eitthvað til
að hjálpa í staðinn fyrir að kvarta eða væla. Og
þó að ekki sé hægt að hjálpa öllum eða breyta
öllu er hægt að breyta hlutunum, og þá er bara
að gera það. Það er ekki svo erfitt. Það þarf
bara að finna annað fólk sem hugsar eins og
maður sjálfur. Það er hægt að gera heiminn
aðeins betri. Af því að ég er hvít kona, og hepp-
in og á pening, get ég hjálpað, og það getur það
hver manneskja í okkar landi. Það er ótrúlegt
að manns eigið líf geti gert önnur líf betri. Og
ef allir gera aðeins verður það betra. Við þurf-
um í það minnsta að gera það núna eftir að
Trump er kominn og ætlar bara að skemma og
eyðileggja,“ segir hún og trúir að hið illa fái
ekki að dafna svo lengi sem gott fólk vinni
gegn því. „Maður á aldrei að gefast upp.“
Af hverju viltu alltaf vera að hjálpa fólki?
„Af því að það er það sem veitir mér mesta
gleði.“
„Og þó að ekki sé hægt að
hjálpa öllum eða breyta
öllu er hægt að breyta
hlutunum, og þá er bara
að gera það. Það er ekki
svo erfitt,“ segir Björg.
Morgunblaðið/Ásdís
27.11. 2016 MORGUNBLAÐIÐ SUNNUDAGUR 15