Morgunblaðið - Sunnudagur - 27.11.2016, Blaðsíða 29

það sem gekk svo vel upp hjá mér í
þessum bardaga fyrir utan það að
hausinn á mér var alveg á réttum
stað. Það var það að líkaminn gerði
bara allt sem við þjálfari minn vorum
búin að fara í gegnum aftur og aftur.
Það sér ekki einu sinni á mér eftir
bardagann. Ég er ekki með skrámu
eða marbletti. Þetta með sjálfs-
traustið og andlegu hliðina kemur síð-
an síðar. Ég hef alveg fundið muninn
á því hvernig það er að standa ekki
með sjálfri mér miðað við eins og nú.“
Hvert er næsta skref?
„Nú er ég búin að fá jákvæða at-
hygli og sýna að ég hef fullt fram að
færa í þetta á móti góðum andstæð-
ingi. Ég er búin að heyra það að ég
hafi vakið einhverja athygli. Þá er
bara að sjá hvernig bardagi mér
býðst næst.“
Vill leyfa atvinnuhnefaleika
Valgerður æfði mikið fyrir bardag-
ann.
„Í aðdragandanum æfði ég einu
sinni til þrisvar á dag, skynsamlega,
bæði tækni og þrek og sparr. Ég
fékk rosalega fínan sparr félaga sem
er í svipaðri þyngd úr öðru félagi í
Kópavogi. Hann hjálpaði mér mikið
fyrir bardagann,“ segir hún og út-
skýrir hvað sparr er:
„Það kallast að sparra að fara upp
í hring og taka lotur eins og maður
sé að fara að keppa en auðvitað ekki
á fullum krafti en það þurfti samt að
beita smá hörku því við vorum að
undirbúa mig fyrir bardaga.“
Hnefaleikar hafa verið stundaðir á
Íslandi með hléum en árið 1956 var
íþróttin bönnuð með lögum. Alþingi
setti síðan lög sem leyfðu áhuga-
mannahnefaleika árið 2002. Val-
gerður vill að atvinnuhnefaleikar
verði leyfðir hérlendis og segir að
mörkin á milli áhugamanna- og at-
vinnuhnefaleika séu að mást út. Til
dæmis megi nú taka þátt í áhuga-
mannahnefaleikum þó að viðkom-
andi hafi keppt í atvinnubardaga, en
það var bannað áður. Ennfremur
eru höfuðhlífarnar að detta út, að
minnsta kosti í ákveðnum flokkum.
„Það er uppgangur í boxinu á Ís-
landi. Stelpunum er alltaf að fjölga
og ég er ánægð með það. Unglinga-
og barnastarfið er líka gott eins og í
stöðinni minni. Þetta er góð íþrótt til
að byggja upp aga og sjálfstraust
fyrir utan hvað maður verður lík-
amlega vel á sig kominn.“
Það er tiltölulega stutt síðan að
hnefaleikar voru leyfðir á ný. „Núna
eru krakkarnir úr barna- og ung-
lingastarfinu að skila sér upp í efri
flokkana. Það eru til dæmis margar
efnilegar stelpur núna.“
Hafa verið fordómar gegn hnefa-
leikum hér?
„Fólk getur haft fordóma fyrir
öllu sem það þekkir ekki. Fyrir mér
er þessi íþrótt fyrst og fremst list, að
læra að samræma líkama og huga,
tækni og viðbrögð.“
Fór að æfa af alvöru 2012
Hún byrjaði að æfa hnefaleika hjá
Vilhjálmi í lok ársins 2009 en segist
ekki hafa tekið þetta alvarlega og
æft af og á. Það var ekki fyrr en hún
fór út á mót í árslok 2012 að við-
horfið breyttist. „Ég fór á ACBC
sem er stórt mót í Gautaborg og
vann minn flokk þar. Þá fór ég að
hugsa; hvað ef ég legg alvöru í þetta
og æfi af fullum krafti?“
Á undan þessu var hún í fótbolta í
nokkur ár sem barn og æfði hnefa-
leika í eitt og hálft ár frá 18 ára aldri
hjá Oscar Luis Justo. „Eftir það
æfði ég ekki neitt fyrr en ég byrjaði
hjá Villa,“ segir Valgerður sem er nú
31 árs.
Þetta hlýtur að liggja vel við þér?
„Ég hef alltaf verið líkamlega
hraust,“ svarar hún og segir að mað-
ur hennar, Halldór Már Jónsson, sé
„góður í öllu“. „Hann getur boxað og
gert allt sem hægt er að gera hérna
heima. Hann var fyrsti Íslands-
meistarinn í brasilísku jiu jitsu.
Hann ræðst reglulega á mig með
glímu og er alltaf að segja mér að
fara að prófa það líka. Þetta liggur
vel fyrir mér.“
Henni þykir vænt um hrósið sem
hún fékk frá Mikaelu Lauren sem
var kynnir á Rising Stars-mótinu.
„Hún er sænsk og tvöfaldur heims-
meistari í sínum þyngdarflokki. Hún
keppti sinn fyrsta atvinnubardaga á
þessum sama stað og var jafngömul
þá og ég er nú. Hún var ánægð með
bardagann og sagði að þetta væri
betri byrjun en hjá henni,“ segir
Valgerður sem stefnir hátt og er
tilbúin að leggja hart að sér til að ná
langt.Valgerður var að vonum glöð eftir bardagann.
Andstæðingurinn var
Angélique „Reyna“
Hernández á mótinu
Rising Stars í Stokkhólmi.
Hnefaleikahöllin var troðfull og stemningin í salnum góð.
Valgerður með þjálfara sínum, Vilhjálmi Hernandez, í andlegum og líkamlegum
undirbúningi fyrir bardagann mikilvæga um síðustu helgi.
’Mér leið mjög vel, þaðvar létt, gott stress ímér. Það var loksins kom-ið að fyrsta atvinnubar-
daganum. Um leið og ég
steig inn í hringinn gat ég
ekki hætt að brosa því ég
var svo glöð.
27.11. 2016 MORGUNBLAÐIÐ SUNNUDAGUR 29
40+
FEMARELLE REJUVENATE
• Minnkar skapsveiflur
• Stuðlar að reglulegum svefni
• Eykur orku
• Eykur teygjanleika húðar
• Viðheldur eðlilegu hári
Selma Björk er mjög
ánægð með áhrifin
af Femarelle
50+
FEMARELLE RECHARGE
• Slær hratt á einkenni
(hitakóf og nætursviti minnka)
• Stuðlar að reglulegum svefni
• Eykur orku
• Eykur kynhvöt
• Hefur engin áhrif á vef
í brjóstum eða legi
Femarelle skiptir
Valgerði miklu
máli
60+
FEMARELLE UNSTOPPABLE
• Inniheldur kalsíum og D3-víta-
mín sem eru nauðsynleg til að
styrkja bein að innan
• Stuðlar að heilbrigðri
slímhúð legganga
• Eykur liðleika
• Stuðlar að reglulegum svefni
• Eykur orku sem stuðlar að
andlegu jafnvægi
Eva Ólöf er
hressari þegar hún
notar Femarelle
Lífið ætti ekki að taka stakkaskiptum
við það að eldast - vertu með okkur Elskaðu.Lifðu.Njóttu. vörulínan