Dagblaðið Vísir - DV - 10.02.2015, Blaðsíða 8

Vikublað 10.–12. febrúar 20158 Fréttir
Nautasteik
Með frönskum og bernes
SteikhúS
Sími 565 1188
Laugavegur 73
niður
2.800 kr.
Göngin hálfnuð
Gangagröftur í Vaðlaheiðar-
göngum er nú hálfnaður og er
alls búið að bora 3.603 metra,
eða helming heildarlengdar.
Frá þessu var greint á
vef Vikudags á mánudag en
áfanganum, að bora helming
heildarlengdarinnar, var náð
um helgina. Vatnsleki og mik-
il vinna við bergþéttingu hefur
gert verktökum erfitt fyrir. Viku-
dagur greinir frá því að ekki sé
útilokað að bora þurfi lengra
inn Fnjóskadals megin en áætl-
að var, en vegna vatnsleka hef-
ur ekkert verið hægt að bora
Eyjafjarðar megin undanfarna
mánuði.
Upphaflega stóð til að opna
göngin á næsta ári en nú er útlit
fyrir að því seinki fram á vor 2017.
Fékk hlera
í höfuðið
Farþegi sem var að koma til
landsins frá Bristol á Englandi
varð fyrir því óláni að fá hlera
á farangursgeymslu rútu í höf-
uðið. Þetta gerðist á sunnu-
daginn þegar verið var að ganga
frá farangri farþegans. Að sögn
lögreglunnar á Suðurnesjum er
talið að vindhviða hafi valdið
því óhappinu. Að sögn lögreglu
hlaut maðurinn talsverða áverka
og blæddi úr höfði hans. Var
hann fluttur með sjúkrabifreið
undir læknishendur þar sem
gert var að sárum hans.
Styrktu bágstadda
í Suður-Afríku
Íbúar á hjúkrunarheimilinu Mörk söfnuðu fé fyrir þvottavél og þurrkara
B
ryndís Hreiðarsdóttir öldr-
unarfræðinemi og íbúar á
hjúkrunarheimilinu Mörk
í Reykjavík hafa með sam-
stilltu átaki safnað nægu
fé svo hægt sé að kaupa þvottavél
og þurrkara fyrir hjúkrunarheimili
í Suður-Afríku. Hugmyndin kvikn-
aði eftir að Bryndís, sem hóf störf
á hjúkrunarheimilinu fyrir tveimur
árum, heimsótti hjúkrunarheimil-
ið í Suður-Afríku, sem starfar eftir
sömu hugmyndafræði.
Mörk starfar eftir Eden-hug-
myndafræðinni sem Bryndís heill-
aðist mjög af, en hún hafði gert
verkefni um þá stefnu í mannfræði-
námi sínu í háskólanum. Í þeirri
hugmyndafræði er lögð áhersla á að
heimilismenn haldi sjálfstæði sínu,
aðstandendur séu ávallt velkomnir
og hvattir til að taka þátt í daglegu
lífi heimilismanna, dýr eru velkom-
in sem og heimsóknir barna.
Megininntakið er að hjúkrunar-
heimili séu heimili íbúanna og
þeirra velferð og líðan skiptir mestu
máli. „Það er nauðsynlegt að hjúkr-
unarheimili, starfsemi þeirra og líf sé
sjáanlegt í samfélaginu. Fólk flytur
ekki bara inn og hættir að vera partur
af samfélaginu,“ segir Bryndís.
Kynnti sér aðstæður í
Suður-Afríku
Fyrir einu og hálfu ári frétti Bryn-
dís af Eden-hjúkrunarheimili fyr-
ir eldri borgara í Suður-Afríku og
heimsótti hún það til að kynna sér
aðstæður þeirra. Bryndís dvaldi þar
í tvær vikur og komst að því að ein
manneskja getur lyft grettistaki, en
forstöðukonan þar hefur gert ótrú-
lega miklar breytingar á hjúkr-
unarheimilinu.
„Forstöðukonan Lucia er kaþólsk
nunna og þegar hún tók við heimil-
inu fyrir fimm árum var allt í niður-
níðslu. Þá var allt vatn sótt í brunn
langt í burtu, en hún hefur mark-
visst unnið í því að sækja um styrki
til að byggja upp bæði pípulagn-
ir og leggja rafmagn. Tækjabúnað-
ur er af skornum skammti og það
þarf að handþvo allan fatnað þeirra
60 heimilismanna sem þar búa og
líka rúmfötin, handklæðin og fleira.
Heimilisfólkið léttir undir með með
því að strauja og pressa, en þetta er
mikil vinna. Lucia var byrjuð með
fjáröflun til að safna fyrir þvotta-
vél og þurrkara fyrir heimilið,“ seg-
ir Bryndís.
Allir lögðust á eitt
Reynslunni ríkari sneri Bryndís aft-
ur til starfa á Mörk og eftir að hafa
sagt samstarfsfólki og heimilisfólki
frá ferðinni og söfnun Luciu stakk
ein heimiliskonan upp á að Mörk
tæki þátt og héldi kaffi til fjáröflun-
ar fyrir þvottavél og þurrkara fyr-
ir hjúkrunarheimilið í Suður-Afr-
íku. Hugmyndin var gripin á lofti
og undirbúningurinn fór á full-
an skrið. Starfsfólk og heimilisfólk
lagðist á eitt. Þau báðu fjölskyldur
sínar að baka, heimilin tóku þátt og
vinnuhópur í iðjuþjálfuninni bak-
aði stanslaust í nokkra daga.
Fjáröflunarkaffið fór fram
sunnudaginn 1. febrúar og tókst
vonum framar, en fjöldi fólks mætti
til að styrkja málefnið. Alls söfn-
uðust um 320.000 krónur. Fjár-
mununum verður varið til kaupa á
þvottavél fyrir Eden-heimilið í Suð-
ur-Afríku.
Bíða spennt eftir myndum
„Við erum í skýjunum yfir því hve
vel tókst til hjá okkur. Það var svo
gaman að sjá allt Markar-samfélag-
ið taka höndum saman til að styrkja
þetta góða málefni og eiga góða
stund saman. Heimilisfólk, starfs-
fólk, aðstandendur og íbúar í ör-
yggisíbúðunum eiga allir heiðurinn
af því að þetta gekk svona vel. Svo
var líka svo gaman að þessu, svo
mikill áhugi og fólk um allt hús að
fylgjast með. Nú vinnum við bara
að því að koma fjármagninu út og
bíðum spennt eftir myndum af nýju
þvottavélinni,“ segir Bryndís að lok-
um. n
Ragna Gestsdóttir
ragna@dv.is
Forsprakki
fjáröflunar-
kaffisins
Bryndís Hreiðars­
dóttir, Ólafur E.
Jónsson, Kristín
Stefánsdóttir og
Sigurður.
„Við erum í
skýjunum
yfir því hve vel
tókst til hjá okkur
Eldað í Suður-Afríku Lucia kennir Bryndísi tökin á matreiðslu.
Glatt á hjalla við komuna Jónína heimiliskona kaupir sig inn á fjáröflunarkaffið ásamt
dóttur sinni og barnabarni. Sigga hjúkka tekur á móti þeim með bros á vör.
Þvottadagur Það fer mikil vinna í að
handþvo allan þvott.
Stiginn dans Sólveig Hauksdóttir afró­
dansari kom í fjáröflunarkaffið og kenndi
nokkur spor.