Dagblaðið Vísir - DV - 10.02.2015, Blaðsíða 38

38 Fólk Vikublað 10.–12. febrúar 2015
Palli „snappar“
Tónlistarmaðurinn Páll Óskar
Hjálmtýsson er mættur á
Snapchat og „snappar“ und-
ir nafninu palloskar. Þar mun
hann gleðja fylgjendur sína með
alls konar sniðugum myndbönd-
um uppfullum af glimmer og
glamúr, eins og honum einum
er lagið. Nú styttist einmitt í af-
mæli kappans, sem verður 45 ára
þann 16. mars, og af því tilefni
verður sett í gang sýningin Páll
Óskar – einkasafn poppstjörnu á
Rokksafni Íslands í Hljómahöll-
inni í Reykjanesbæ. Þá verður
hann einnig á uppistandstónleik-
um með Jóni Ólafssyni á sama
stað, daginn fyrir afmælið.
Anita valdi
Kali í gleðina
Hollywood-stjarnan Anita Briem
lét sig að sjálfsögðu ekki vanta í
gleðskapinn í kringum Grammy-
verðlaunahátíðina sem haldin
var í Los Angeles um helgina.
Anita var í sínu fínasta pússi
þegar hún mætti í forpartí verð-
launahátíðarinnar en fyrir valinu
varð forláta dress úr línu hinnar
fjölhæfu Svölu Björgvinsdóttur,
sem hannar undir nafninu Kali.
Anita, sem var stórglæsileg
að vanda, skartaði nýrri hár-
greiðslu en leikkonan hefur látið
ljósu lokkana fjúka og er þess í
stað komin með töffaralega stutta
klippingu.
Þ
að væri gaman að sjá ein-
hverjar bumbur í salnum og
ég skil þær fullkomlega ef
þær þurfa að yfirgefa salinn
reglulega til að fara að
pissa,“ segir leikkonan Anna Svava
sem verður með uppistand ásamt
Hugleiki Dagssyni á Rósenberg 16.
og 17. febrúar.
Bollan og sprengjan
Saman kallar dúóið sig Bolluna
og sprengjuna en uppistandið fer
einmitt fram á bolludag og sprengi-
dag. „Og svo er ég náttúrlega al-
gjör bolla enda bara tvær vikur í
settan dag. Annars mun ég eigin-
lega bara hita upp fyrir Hulla. Hann
verður með mun meira efni enda
er ég kasólétt,“ segir Anna Svava
sem á von á sínu fyrsta barni innan
skamms og ætlar fyrir vikið að fjalla
um meðgöngu, barneignir og annað
skemmtilegt.
Með hormónana á fullu
Anna Svava viðurkennir að með-
gangan hafi verið hið undarleg-
asta tímabil. „Mér finnst ég eigin-
lega ekki vera ég sjálf lengur heldur
frekar ólétt útgáfa af Önnu Svövu.
Hún er allt önnur týpa og með
hormónana á fullu. Þetta er ótrúleg-
ur tími og ég held að margar konur
séu fljótar að gleyma hversu erfitt
þetta er. Þegar flestar horfa til baka
halda þær að þetta hafi ekki ver-
ið neitt mál. Þetta er rosalega mik-
ið mál!“ segir hún og bætir við að
margt í tengslum við meðgönguna
hafi komið henni á óvart. „Ég hélt
að þetta yrði miklu fljótara að líða
en þetta er næstum heilt ár! Ég var
ófrísk í sumar! Svo kom mér á óvart
hvað allt verður erfitt, maður verð-
ur móður af því að ganga
upp tröppur. Ég get ekki
beðið eftir því að komast
út að hlaupa og hreyfa
mig. Ég hélt að þetta yrði
allt svo æðislegt en svo
kemur í ljós að maður er
kvíðinn, spenntur og upp-
lifir alls kyns tilfinningar.“
Ekki hrædd við
að gráta á sviði
Aðspurð segist hún ekki
óttast það að pissa á sig
úr hlátri eða jafnvel fara
að gráta á sviðinu sökum
hormóna. „Það gerist örugg-
lega en ég er ekkert hrædd við
það. Ég er meira hrædd um
að ég verði búin að eiga áður
en uppistandið verður,“ segir
hún og bætir við að flestar kon-
ur eigi eftir að kannast við það
sem hún ætli að tala um. „Það
er af nógu að taka. Núna er ég
að safna í reynslubankann.
Næsta uppistand verður ef-
laust um uppeldi.“ n
Kasólétt Anna Svava
með uppistand
n Óttast hvorki að gráta né að pissa á sig úr hlátri
Indíana Ása Hreinsdóttir
indiana@dv.is
„Ég hélt að þetta
yrði miklu fljótara
að líða en þetta er næst-
um heilt ár!
Tvær vikur í
settan dag
Anna Svava
ætlar að fjalla
um meðgönguna
sem hún segir
hið undar-
legasta
fyrir-
bæri.
Ófrísk Anna
Svava á von á
sínu fyrsta barni
á næstu dögum.
Samvinna Katla Rós
vildi vinna með fólki
frekar en að teikna upp
auglýsingu í tölvu.
Nauðsynlegt að vinna saman
Katla Rós hannar grafíkina fyrir Fokk ofbeldi-herferð UN Women
U
N Women á Íslandi hef-
ur hrundið af stað nýrri
herferð sem ber heitið
Fokk ofbeldi. Er henni
ætlað að vekja fólk til vit-
undar um kynbundið ofbeldi,
sem er eitt útbreiddasta mann-
réttindabrot í heiminum í dag.
Orðalagið er vísvitandi ögrandi til
að hreyfa við fólki, en auglýsingar
fyrir herferðina hafa líka vakið
athygli. Þar mynda þrír dansar-
ar stafina með líkömum sínum,
en það er Katla Rós Völudóttir
sem hannar grafík herferðarinn-
ar. „Mig langaði til að vinna þetta
með fólki. Að vinna með fólki að
því að mynda orð og setningar,
frekar en að gera þetta týpískt og
teikna upp í tölvunni,“ segir Katla
til að reyna að lýsa hugmyndinni á
bak við auglýsinguna, sem er mjög
táknræn. „Samvinn er nauðsyn-
leg til að sporna gegn ofbeldi og
þarna er verið að vinna saman að
því að mynda stafina sem mynda
svo setningu. Það eru alltaf tveir
eða þrír í hverjum staf og stafur-
inn gengur ekki upp nema með
samvinnu.“ Katla bendir á að auð-
veldasta lausnin hefði verið að fá
einhvern til að mynda „Fokkjú“
merki með fingrunum, en henni
fannst áhrifaríkara að gera þetta
svona. „Þetta er gróf setning og það
er vandmeðfarið að gera þetta vel.
Ég þurfti svolítið að hugsa hvern-
ig ég gæti sett þetta upp án þess að
það færi fyrir brjóstið á fólki.“ Katla
segir vinnuna við herferðina hafa
verið mjög skemmtilega en jafn-
framt krefjandi.
Dansararnir sem tóku þátt í ver-
kefninu eru Sigga Soffía Níelsdótt-
ir, Snædís Lilja Ingadóttir og Ásge-
ir Helgi Magnússon. Dóttir Siggu
Soffíu, Ísold Freyja Thorlacius, er
líka með í stafnum B, sem hálf-
gerður laumufarþegi, en sést þó
ef vel er að gáð. LJósmyndarinn
Saga Sig sá um myndatökuna. n
solrun@dv.is
Allur hópurinn Katla Rós er sú þriðja frá vinstri. Með á myndinni er líka litli laumufarþeg-
inn, Ísold Freyja.