Dagblaðið Vísir - DV - 10.02.2015, Blaðsíða 24

Vikublað 10.–12. febrúar 201524 Neytendur
Illa farnar götur
bitna á bílunum
n Götur Reykjavíkur koma illa undan hörðum vetri n Djúpar holur geta stórskemmt bíla
Í
okkar lagaumhverfi er ábyrgð
veghaldara mun minni en þekk­
ist í nágrannalöndum okkar. Við
erum enn svo ánægð með það að
vera nýbúin að losna við hesta­
stígana,“ segir Runólfur Ólafsson,
framkvæmdastjóri Félags íslenskra
bifreiðaeigenda (FÍB). Margir veg­
farendur hafa veitt því athygli að
víða koma götur í Reykjavík óvenju
illa undan þungum vetri. Mikið er
um skemmdir, djúpar holur og jafn­
vel dæmi um að hraðahindranir hafi
sigið með tilheyrandi tjónahættu fyr­
ir bíla. Samgöngustjóri Reykjavíkur
segir að borgin vildi gjarnan sinna
viðhaldi betur en skort hafi fjármagn.
Vilja gera betur
„Göturnar þurfa viðhald og veturinn
hefur verið erfiður. Við sjáum alltaf
seinnipart vetrar að það þarf að gera
við hér og hvar og á þessum erfiðu
tímum höfum við kannski ekki haft
eins mikið fé til viðhalds og við hefð­
um helst á kosið,“ segir Ólafur Bjarna­
son, samgöngustjóri Reykjavíkur, að­
spurður um málið.
Aðspurður hvort fyrirhugað sé að
ráðast í viðgerðir vegna ástandsins á
götunum segir Ólafur að það sé alltaf
farið í bráðaviðgerðir jafnóðum en al­
mennt, meiriháttar viðhald bíði sum­
ars. „Þetta slitnar, enda mikið notað.“
Þar sem ljóst er að bílar geta orðið
fyrir talsverðu tjóni þegar ökumenn
aka ofan í djúpar holur, sprungur
eða lenda á misgengi malbiks og
hraðahindrunar lék DV forvitni á að
vita hvert fólk sem lendir í því geti
snúið sér.
Getur skapað bótaábyrgð
Runólfur Ólafsson hjá FÍB segir að í
lögunum segi að ef um stórkostlegt
gáleysi sé að ræða geti skapast ábyrgð
á hendur veghaldara. Það sé ljóst að
ef skemmdir verða á götum, til dæmis
innan borgarmarkanna, þá sé það
eitthvað sem starfsmenn borgarinnar
ýmist sjá eða fá tilkynningar um mjög
fljótlega.
„Þá ber yfirvöldum að gera ráð­
stafanir, merkja með þar til gerðum
merkjum það svæði sem telst vera
hreinlega hættulegt því þetta getur
skapað hættu fyrir alla sem um veg­
inn fara. Og ef hægt er að sýna fram
á að um ákveðin vanhöld sé að ræða
þá getur það skapað bótaábyrgð á, í
þessu tilviki, borgina eða veghaldara
í hvert skipti. Hluti af vegum í borgar­
landinu eru reyndar þjóðvegir í þétt­
býli og heyra þá undir Vegagerðina.
En svona í grófum dráttum er þetta
með þessum hætti.“
Jón Halldór Jónasson, upplýsinga­
fulltrúi Reykjavíkurborgar, segir að
þar á bæ geri allir sitt besta til að leið­
ir vegfarenda séu eins greiðfærar og
kostur er. Brugðist sé við öllum til­
kynningum en veðurfarið í vetur hafi
verið erfitt að þessu leyti. Hann segir,
líkt og Runólfur bendir á, að borgin
bæti tjón ef þau eru rakin til van­
rækslu eða gáleysis starfsmanna eða
rangra vinnubragða. „Það að holur
myndist á götum borgarinnar vegna
slæmra veðurskilyrða hefur ekki eitt
og sér talist vera sök Reykjavíkur­
borgar.“
Loftpúðar hafa sprungið út
Runólfur segir að FÍB berist töluverð­
ur fjöldi kvartana vegna þessa og illa
farnar götur og vegir geti valdið alls
konar tjóni.
„Þetta hefur rifið dekk, eyðilagt
felgur og þaðan af verra því þetta
getur orðið eins og ákoma. Dæmi
eru um að loftpúðar hafi sprungið
út vegna þess að það hefur til dæm­
is hvellsprungið. Það er gríðarleg
ábyrgð á veghaldara að tryggja að
ekki sé verið að búa til hættugildrur
fyrir vegfarendur.“
Eins og Ólafur bendir á þá er eðli­
legt að malbikaðar götur springi í
sveiflum frosts og þíðu. Í miklu frosti
skreppur malbikið saman og getur
rifnað. Veturinn hefur verið snjó­
þungur í borginni en einnig hefur
verið mikið um frost­þíðu sveiflur.
Aðspurður hvort hann sé sammála
því að ástandið virðist verra en oft
áður tekur Runólfur undir það.
„Mér finnst þetta vera meira en
ég hef áður orðið var við og það kem­
ur heim og saman við það sem sam­
göngustjórinn segir, að menn eru að
klastra í sárin og telja sig ekki hafa
efni á að viðhalda sem skyldi. Þá kem­
ur það smám saman niður á endingu
og svona sár geta myndast.“
Þrjú tjón bætt á
þremur árum
Upplýsingafulltrúi
Reykjavíkur segir
að borgin fái að
jafnaði tvær til
þrjár fyrirspurnir
í viku vegna alls
kyns tjóns íbúa
og vegfarenda,
þar með talið
holutjóna. Ekki
hefur þó verið
tekið saman hve
margar eru vegna
gatnakerfisins.
Fæst þessara
mála enda með afgreiðslu tjóna­
bóta. Reykjavíkurborg hefur frjálsa
ábyrgðartryggingu hjá Sjóvá en fé­
lagið afgreiðir öll mál og metur hvort
tjón teljast bótaskyld eða ekki. Í
þeim tilvikum sem Reykjavíkurborg
telst bera bótaábyrgð á tjónum sér
Sjóvá um afgreiðslu málsins en kref­
ur borgina síðan um sjálfsábyrgð.
Samkvæmt bókhaldi Reykja­
víkur síðustu þrjú ár hafa þrjú tjón
verið bætt sem rakin voru til gatna­
skemmda og rangra vinnubragða
eða gáleysis af hálfu starfsmanna
borgarinnar.
Árið 2012 þurfti borgin að greiða
sjálfsábyrgð vegna tveggja mála sem
komu upp og nam kostnaðurinn
rúmlega 240 þúsund krónum. Eitt
mál er skráð árið 2013 sem kostaði
rúmlega 81 þúsund krónur. Ekkert
tjón var bætt í fyrra. n
Verra en oft áður Runólfur Ólafsson,
framkvæmdastjóri FÍB, segir að félaginu
berist fjöldi kvartana vegna ástands gatna
og vega. Hann er sammála því að götur
Reykjavíkur komi verr undan þungum vetri
en oft áður.
Sigurður Mikael Jónsson
mikael@dv.is „Þetta hefur rifið dekk,
eyðilagt felgur og
þaðan af verra því
þetta getur orðið
eins og ákoma.
Hraðahindrun sigin Þessi hraðahindrun á gatnamótum Sundlaugarvegar og Laugarnes-
vegar hefur sigið umtalsvert eftir veturinn og finna ökumenn verulega fyrir misgenginu
þegar farið er þar yfir. Mynd ÞorMar ViGnir GunnarSSon
illa farnir álags-
punktar Snorrabraut
er afar illa farin. Hér má
sjá hvernig gatnamót
Snorrabrautar og Gömlu-
Hringbrautar koma undan
vetri. Mynd SiGtryGGur ari
Gígur á Lækjargötu Það er ljóst að tjón getur hlotist af
ef bílum er ekið ofan í þennan gíg sem myndast hefur við
gatnamót Lækjargötu og Kalkofnsvegar í miðbæ Reykja-
víkur. Ein af mörgum holum á þessu svæði. Mynd SiGtryGGur ari