Dagblaðið Vísir - DV - 20.03.2015, Blaðsíða 40
Helgarblað 20.–23. mars 201540 Skrýtið Sakamál
„Úps, ég gerði
það aftur“
n Lukasz sagði „lífið er dásamlegt“ n skömmu síðar var hann liðið lík
e
f fer sem horfir mun Joanne
Dennehy gefa upp öndina
á bak við lás og slá. Robin
Spencer, dómarinn sem
kvað upp dóminn, hafði
á orði að morðkvendið, sem varð
þremur mönnum að bana, væri
„grimmur, skipulagður, síngjarn og
stjórnsamur raðmorðingi“.
Robin Spencer úrskurðaði í máli
Joanne föstudaginn 27. febrúar
2014. Skoðun hans var sú að glæpir
hennar væru einstaklega alvarlegir
og með því að kveða upp dóm sinn
varð hann fyrsti dómari Bretlands
til að dæma konu í lífstíðarfangelsi
– bókstaflega, því hann mæltist til
þess að hún fengi aldrei um frjálst
höfuð strokið á ný.
Komst á bragðið
Joanne framdi morðin í Peters-
borough í Cambridgeskíri í mars
árið 2013. Fórnarlömbin, þrír karl-
menn, voru öll stungin til bana.
Líkamsleifar þeirra fundust í ræs-
um og skurðum fyrir utan Peters-
borough.
Ekki var mikla iðrun að sjá á
Joanne við réttarhöldin. Hún brosti
sínu breiðasta og spjallaði við þrjá
samverkamenn sína, sem einnig
fengu dóm.
Spencer upplýsti að sálfræðing-
ur hefði rætt við Joanne, sem þá var
31 árs og tveggja barna móðir. Hún
sagði sálfræðingnum að hún hefði
framið morð „til að komast að því
hvort ég væri jafn köld og ég hélt.
Síðan breyttist það og ég komst á
bragðið.“
Þrír menn á tíu dögum
Að sögn lá „kvalalosti“ að baki
ódæðum Joanne og á tíu daga
tímabili í mars 2013 varð hún
þremur mönnum, sem hún þekkti,
að bana í Petersborough. Síðan lá
leið hennar til Hereford þar sem
hún lagði til tveggja karlmanna á
innan við níu mínútum. Í þeim til-
vikum var um ókunnuga menn að
ræða.
Fyrir dómi játaði Joanne hik-
laust á sig þrjú morð og tvær morð-
tilraunir. Játningin kom Maríu,
systur Joanne, ekki á óvart: „Ég
held hún hafi gert það til að hafa
stjórn á aðstæðum. Hún vill að fólk
viti að það er hún sem ræður för.“
„Lífið er dásamlegt“
Fyrsta fórnarlamb Joanne var
31 árs pólskur maður, Lukasz
Slaboszewski. Joanne sendi honum
smáskilaboð með fögrum fyrirheit-
um og lokkaði hann þannig á afvik-
inn stað í Petersborough. Lukasz,
sem þá var farinn að líta á Joanne
sem kærustu sína, varð svo himin-
lifandi að hann sendi vini sínum
smáskilaboð: „Lífið er dásamlegt.“
Kannski var líf Lukasz dásamlegt
en þennan dag styttist það heldur í
annan endann. Lík hans var sett í
hjólbörur og því síðar fleygt í ræsi
þar sem það svo fannst.
Gljádoppukjóll
Joanne var sennilega komin á
bragðið þegar þarna var kom-
ið sögu því ekki liðu margir dagar
þangað til hún myrti samleigj-
anda sinn, John Chapman, með
vasahníf. John var stunginn einu
sinni í hálsinn, tvisvar í hjartað og
þrisvar í bringuna.
„Úps, ég gerði það aftur,“ sagði
hún við einn samverkamanna
sinna eftir morðið.
Þriðja fórnarlambið var leigusali
hennar og yfirmaður, Kevin Lee.
Beitan í hans tilviki var kynferðis-
leg greiðvikni. Lík Kevins fannst í
skurði, íklætt gljádoppukjól með
opið bak. Að mati Spencers dómara
var um að ræða „endanlega niður-
lægingu“ Kevins.
Tvær morðtilraunir
Sem fyrr segir lá leið Joanne síðan
til Hereford og 2. apríl stakk hún
Robin Bereza í bakið og níu mínút-
um síðar fékk John nokkur Rogers
að finna fyrir hnífsblaði Joanne.
John var við dauðans dyr er Joanne
fór af vettvangi með hund hans í
eftirdragi. Robin og John var báð-
um lífs auðið.
Í bréfi sem Joanne skrifaði örlaði
hvergi á iðrun vegna morðanna,
en hún hafði þó á orði að morðtil-
raunirnar tvær mætti rekja til „öl-
æðisgrimmdar“ og „virðingarleysis
gagnvart mannslífum“.
Við réttarhöldin kom fram að
tíðindi þess efnis að lögreglan
leitaði hennar hefðu fyllt Joanne
spennuþrunginni ánægju.
Samverkamenn Joanne hlutu
misþunga dóma. Gary Stretch,
sem hjálpaði Joanne að losna við
öll líkin, fékk lífstíðardóm með
möguleika á reynslulausn eftir 19
ára afplánun. Hann var einnig við-
riðinn morðtilraunirnar tvær í Her-
eford.
Leslie Layton fékk 14 ára dóm
og sá þriðji, Robert Moore, fékk
þriggja ára dóm fyrir aðild sína. n
Fórnarlömb Lukasz, John og Kevin þekktu morðingja sinn.
„Hún sagði
sálfræðingnum að
hún hefði framið morð „til
að komast að því hvort
ég væri jafn köld og ég
hélt. Síðan breyttist það
og ég komst á bragðið“.
Joanne Dennehy „Grimmur, skipulagður, síngjarn og stjórnsamur raðmorðingi“ að mati dómarans.
Mecca Spa • Hagatorgi • 107 Reykjavík • Sími: 564-1011
Láttu þér líða vel
Opið alla páskana
Skírdag 10-16 Föstudaginn langa 10-16
Laugardaginn 9-18 Páskadag 10-16
Annar í páskum 10-16
meccaspa.is