Dagblaðið Vísir - DV - 20.03.2015, Blaðsíða 24

24 Fréttir Erlent Helgarblað 20.–23. mars 2015
B
andaríski auðmaðurinn Ro-
bert Durst hefur verið ákærð-
ur fyrir að myrða vinkonu
sína, Susan Berman, sem
fannst látin á heimili sínu
þann 23. desember árið 2000. Málið
hefur vakið mikla athygli í Bandaríkj-
unum enda var Robert handtekinn í
kjölfar ummæla sem hann lét falla í
lokaþætti heimildaþáttaraðar HBO,
The Jinx, sem sýndur var á dögun-
um. Saga Roberts, sem er 71 árs, er
um margt sérstök en hann hefur ver-
ið bendlaður við þrjú morð en ávallt
komist hjá því að vera sakfelldur.
Eiginkonan hvarf sporlaust
Rauði þráðurinn í umræddri heim-
ildaþáttaröð, The Jinx, er einmitt
tengsl Roberts við umrædd dauðsföll
sem DV mun nú fara í saumana á.
Þann 31. janúar árið 1982 sást fyrrver-
andi eiginkona hans, Kathie Durst,
síðast á lífi. Enn þann dag í dag er
mörgum spurningum ósvarað um
hvarf hennar en Robert og Kathie
höfðu skilið að borði og sæng árið
1980. Formlegur skilnaður hafði þó
ekki gengið í gegn þegar hún hvarf en
þegar þarna var komið sögu var Ro-
bert í sambandi með annarri konu,
Prudence Farrow, sem er systir
leikkonunnar Miu Farrow.
Samkvæmt CNN hafði McCormack
sagt nánum ættingjum sínum að Ro-
bert hefði beitt hana ofbeldi meðan á
sambandi þeirra stóð. Um samband
Kathie og Roberts var gerð bíó-
myndin All Good Things sem Ryan
Gosling og Kirsten Dunst fóru með
aðalhlutverk í.
Vinkonan myrt með köldu blóði
Rannsókn lögreglu á hvarfinu leiddi
ekkert í ljós sem hægt var að tengja við
Robert eða annan mögulegan söku-
dólg. Átján ár liðu þar til lögreglan í
New York hóf rannsókn á málinu að
nýju en það gerðist árið 2000. Í des-
ember það ár fannst Susan Berman
látin en hún og Robert voru góðir vin-
ir; hafði hún meðal annars séð um al-
mannatengslamál fyrir Robert eftir
að eiginkona hans hvarf. Augljóst var
að hún hafði verið myrt að yfirlögðu
ráði. Talið er að hún hafi búið yfir
upplýsingum um hvarf Kathie, fyrr-
verandi eiginkonu Roberts, og stóð
til að lögregla ræddi við hana um vit-
neskju hennar aðeins nokkrum dög-
um áður en hún var myrt. Robert var
yfirheyrður vegna málsins en líkt og
í fyrra tilvikinu taldi lögregla sig ekki
hafa neinar sannanir fyrir því að Ro-
bert hefði verið viðriðinn morðið.
Sundurlimaður nágranni
Í kjölfar þessa atburðar sá Robert sig
knúinn til að flytja frá New York en
þar hafði hann búið í hartnær þrjá-
tíu ár. Hann flutti til Galveston í Texas
og fullyrða fjölmiðlar vestanhafs að
þar hafi hann átt það til að klæða sig
upp eins og kvenmaður til að forðast
athygli. Þrátt fyrir mikil auðæfi bjó
Robert í lítilli leiguíbúð sem kostaði
hann 300 Bandaríkjadali á mánuði.
Í Galveston varð þriðja dauðsfall-
ið sem tengt var við Robert. Þann 9.
október var hann handtekinn eftir að
líkamsleifar nágranna hans, Morr-
is Black, fundust í Galveston-flóa.
Honum var sleppt úr haldi gegn 300
þúsund dala tryggingu og lagði á
flótta í kjölfarið.
Einum og hálf-
um mánuði síðar
var hann hand-
tekinn að nýju,
þá í borginni
Betlehem í Penn-
sylvaníuríki. Í
raun réð tilviljun
ein því að hann
var handtek-
inn. Hann gerði
þau mistök að
stela kjúklinga-
samloku, plástr-
um og dag-
blaði úr verslun
í borginni þó
að í bifreið
hans hefðu ver-
ið tugþúsundir
Bandaríkjadala
í reiðufé.
Hitti dómar-
ann í versl-
unar-
miðstöð
Svo fór að hann var ákærður fyrir
morðið á Black og fór málið fyrir dóm.
Robert játaði að hafa orðið nágranna
sínum að bana en bar við sjálfsvörn.
Sagði hann að Black hefði laumast
inn á heimili hans og þeir farið að ríf-
ast þegar Robert varð hans var. Þegar
Black hefði ætlað að teygja sig í byssu
hefði hann orðið fyrr til og skotið ná-
granna sinn til bana. Játaði hann að
hafa bútað líkið niður áður en hann
losaði sig við líkamsleifarnar í Galve-
ston-flóa. Kviðdómur tók ekki mark á
þessum framburði Roberts og þurfti
hann að gera sér að góðu að sitja
þrjú ár í fangelsi. Honum var veitt
reynslulausn árið 2005 en skilyrðin
fyrir henni voru þau að hann þyrfti að
halda sig í námunda við heimili sitt. Í
desember gerði Robert þau mistök að
skjótast í verslunarmiðstöð í borginni
en þar hitti hann fyrir dómarann sem
hafði veitt honum reynslulausnina.
Robert var komið aftur í grjótið en var
látinn laus þann 1. mars 2006.
Gæti fengið
dauðadóm
Lítið er vitað
um ferðir
Roberts á
undanförnum
árum og hefði
mál hans ef-
laust fallið
í gleymsk-
unnar dá hjá
mörgum. HBO
ákvað þó að
gera heimilda-
þáttaröð um
ótrúlegt lífs-
hlaup Durst og
þá fóru hjól-
in að snúast.
„Hvað gerði ég?
Ég drap þau öll
auðvitað,“ heyr-
ist Durst segja
í lokaþættin-
um. Þessi orð
hans voru líklega kveikjan að hand-
töku hans en athygli vekur að orðin
lét hann falla án þess að vita að
kveikt væri á hljóðnemum. Verjandi
Roberts hefur látið hafa eftir sér að
ekki eigi að lesa of mikið í ummæli
skjólstæðings síns. Hvort handtak-
an tengist þessum ummælum er
ekki fyllilega vitað þó að tímasetn-
ingin veki athygli. Robert var hand-
tekinn á hóteli í New Orleans þar
sem hann notaði ekki sitt rétta nafn.
Í fórum hans fannst byssa. Að sögn
lögreglu leikur grunur á að Robert
hafi haft í bígerð að flýja úr landi, til
Kúbu.
Samkvæmt upplýsingum lögreglu
var Robert handtekinn fyrir morðið
á vinkonu sinni, Susan Berman,
og vísaði lögregla í ný sönnunar-
gögn máli sínu til stuðnings. Hver
þau gögn eru liggur ekki fyrir. Verði
hann fundinn sekur gæti hann átt
dauðadóm yfir höfði sér. n
Erfingi fast-
eignaveldis
Robert Durst er fæddur 12. apríl 1943.
Faðir hans hét Seymour Durst en hann
auðgaðist mikið á fasteignamarkaðnum
í New York, einkum á Manhattan þar
sem fjölskyldan á enn þann dag í dag
fjölmargar verðmætar byggingar. Talið
er að auðæfi Durst-fjölskyldunnar nemi
um fjórum milljörðum Bandaríkjadala.
Eftir að faðir hans lést árið 1994 stóð
hann í harðvítugum deilum um hvernig
fjármunum föður hans yrði ráðstafað.
Árið 2006 var málið leyst og fékk
Robert 65 milljónir Bandaríkjadala
í sinn hlut, eða níu milljarða króna á
núverandi gengi. Hann kvæntist Kathie
McCormack árið 1973 en eins og fram
kemur í greininni hér að ofan skildu þau
að borði og sæng árið 1980. Kathie sást
síðast á lífi árið 1982 og var Robert um
tíma grunaður um hvarf hennar.
Einar Þór Sigurðsson
einar@dv.is
Drepin Susan Berman var góð vinkona Roberts og sá meðal annars um almannatengslamál
fyrir hann þegar eiginkona hans hvarf. Robert hefur verið handtekinn grunaður um morð á henni.
Saknað Ekkert hefur spurst til Kathie
frá 31. janúar 1982.
Grunaður um morð
Robert Durst hefur í þrí-
gang verið bendlaður við
morð. Hann hefur nú verið
handtekinn fyrir morð á
vinkonu sinni árið 2000.
Verði hann fundinn sekur
gæti hann átt yfir höfði
sér dauðadóm.
„Ég drap þau öll“
n Ótrúlegt lífshlaup Roberts Durst n Bendlaður við þrjú morð r