Dagblaðið Vísir - DV - 20.03.2015, Blaðsíða 44

44 Lífsstíll Helgarblað 20.–23. mars 2015
Heill heimur af pylsum!
Hrísateig 47
Pylsur á pönnuna
en einnig úrvals skinkur og álegg á veisluborðið
að ógleymdri svínasultunni, beikoninu og ýmsu öðru góðgæti.
Gæðapylsur og skinkur án allra auka-
og fylliefna og án MSG. Framleiddar eftir
uppskriftum frá öllum heimshornum.
Íslenskt kjöt – íslensk framleiðsla!
PIPA
R\TBW
A
• SÍA
UPPFYLLIR
SKILYRÐI
NÁLARAUGANS
Paleo
GABS
SCD
Ý
r Þrastardóttir kynnti hönnun
sína, Another Creation, á RIFF.
Ýr hannar ekki bara fallegan
fatnað heldur hefur hver flík
meira en einn notkunarmöguleika.
Við hönnunina þarf Ýr því að hugsa
út fyrir hefðbundinn kassa fata-
hönnuðarins.
Þegar Ýr er beðin um að lýsa
hönnun sinni í einni setningu seg-
ir hún snöggt, skýrt og skorinort.
„Hönnunin er blanda af klassík og
kvenleika með djörfu ívafi.“
Ýr veit hvað hún vill sjá í flíkinni
áður en hún verður til. „Ég er að vinna
með þetta klassíska eins og til dæmis
alveg svartan kjól, sem með lítilli fyr-
irhöfn er hægt að snúa við og er hann
þá mynstraður á hinni hliðinni og
mun djarfari. Sama á við um jakkana,
þeir eru í grunninn klassískir, en geta
verið skemmtilega flippaðir ef maður
setur öðruvísi ermar, nýjan kraga eða
hettu á grunninn.“
Með þessum hætti verður hver
flík áskorun fyrir Ýri en þá einna
helst frágangurinn. „Oft er frágangur-
inn vandasamur og þá helst að láta
festingarnar í flíkunum líta vel út báð-
um megin, fela rennilása og svo fram-
vegis, svo það sjáist ekki að flíkin hafi
þann eiginleika að vera margbreyti-
leg. Það er mikil áskorun.“
Þá er forvitnilegt að vita hvernig
hönnuðurinn hugsar við gerð fatnað-
ar sem fyrirfram er ákveðið að eigi að
virka á marga vegu. Hvernig fer slíkt
ferli fram?
„Í rauninni hanna ég grunnflíkina
fyrst og klóra mér svo í hausnum þar
til ég finn lausn á því hvernig hægt sé
að breyta henni á auðveldan og þægi-
legan máta. Stundum er það mikið ve-
sen en oftast ótrúlega gaman, sérstak-
lega þegar hlutirnir ganga upp.“ n
Klóra mér í hausnum
þar til ég finn lausnina
Blanda af klassík og kvenleika með djörfu ívafi
Hver flík áskorun Ýr veit hvað hún vill sjá
í hverri flík.
Út fyrir
kassann
Kristín Tómasdóttir
utfyrirkassann@gmail.com
K
ristín Ýr Gunnarsdóttir
blaðakona eignaðist sína
þriðju dóttur, Freydísi, síðla
árs 2013. Freydís var mjög
vansæl sem ungbarn og
sýndi fljótt merki um að hún væri
ekki að þroskast eðlilega. Krist-
ín Ýr hefur gagnrýnt viðmótið sem
mætti henni á fyrstu stigum máls-
ins en áhyggjur hennar voru ekki
teknar alvarlega. Nýlega kom í ljós
að Freydís er með litningagalla sem
kallast Williams-heilkenni og út-
skýrir það margt í áhyggjum móður
hennar. Kristín Ýr þurfti að standa
með móðurhjartanu og miðlar hér
reynslunni af því að synda á móti
straumnum til þess að fá þá aðstoð
sem fjölskyldan þurfti.
Efaðist um sig
„Heilsugæslan á að hjálpa manni í
svona málum en við fengum ekki
nægilega góðan stuðning þar. Okk-
ur var sagt að þetta myndi koma
með tímanum og þolinmæði.
Freydís átti það til að verða blá og
ég lenti í því að rífa hana upp úr
vöggunni því mér fannst hún vera
hætt að anda. Ég upplifði þetta sem
mikið áfall en þegar ég ræddi þetta
var strax farið að reyna að lækna
mig og minn kvíða í staðinn fyrir
að skoða líffræðileg veikindi dóttur
minnar.“
Kristín Ýr sneri heim aftur úr
ungbarnaeftirliti í þeirri trú að það
væri allt í góðu. Seinna lærði hún
að blámann má rekja til heilkennis-
ins þar sem æðarnar sjást betur hjá
börnum með Williams-heilkenni.
Kristín segir að henni hafi verið far-
ið að líða mjög illa, efast um sjálfa
sig og hélt á tímum að hún væri að
missa vitið vegna þess að hún taldi
þetta ekki vera eðlilegt.
Púslaði niðurstöðunni saman
„Mér leið eins og ég væri geðveik
og spurði mig stöðugt. Af hverju sé
ég hana svona? og af hverju get ég
ekki bara verið glöð og látið mér
líða vel? Ég ákvað að leita mér að-
stoðar utan heilsugæslunnar og fór
til sálfræðings sem sagði mér að
það missir enginn vitið bara allt í
einu einn daginn. Það var rosalega
gott að heyra það. Ég þurfti svo á því
að halda. Ég þurfti á þessum tíma-
punkti að heyra að ég væri ekki að
vera galin heldur hafði ég áhyggjur
af barninu mínu.“
Kristín segir að það sem hafi
drifið hana áfram hafi verið sterk
tilfinning í móðurhjartanu sem
sagði henni að þetta ætti ekki að
vera svona. Hún fór sjálf að leita til
lækna utan heilsugæslunnar, leit-
aði á einkastofu og púslaði þessu
saman þar til niðurstaða lá fyrir.
Við erum ekki öll í sama mengi
„Við þetta ferli hef ég þurft að
endurforrita á mér heilann og
hugsa hlutina upp á nýtt. Þetta er
áfall og sorg en ég hef lært svo mik-
ið, til dæmis að standa með sjálfri
mér, setja mörk og ætlast ekki til
þess að aðrir viti hvernig mér líð-
ur.“ Að lokum vill Kristín benda á að
henni finnst Freydís hafa kennt sér
að hugsa út fyrir kassann um ann-
að fólk og flokka ekki alla inn í sama
mengið. Hvort sem það er fatlað
eða ófatlað. n
„Ég hef þurft að endur-
forrita á mér heilann“
Hlustaði á móður-
hjartað Kristínu var
farið að líða eins og hún
væri geðveik því enginn
vildi hlusta á áhyggjur
hennar af dóttur sinni.
Mynd HáKon daVíð Björnsson
Kristín Ýr þurfti að hugsa hlutina upp á nýtt þegar dóttir hennar greindist með litningagalla