Dagblaðið Vísir - DV - 20.03.2015, Blaðsíða 62

62 Fólk Helgarblað 20.–23. mars 2015
„Þetta er ástríða mín“
n Ingó í Dimmu heldur töfraskemmtun n Ekki alltaf þótt töff að vera töframaður
M
aður er nettur nörd. Það
verður bara að segjast
eins og er,“ segir rokk-
arinn og gítarleikari
Dimmu, Ingó Geirdal,
sem verður með töfrasýningu í
Salnum í Kópavogi laugardaginn
28. mars en Ingó hefur stundað
töfrabrögð frá árinu 1978.
Rokkaðar töfrasýningar
„Ég var bara sex ára þegar ég vissi
að þetta væri það sem ég vildi gera
og tíu ára komst ég í galdrabækur.
Ég hef því starfað sem töframaður
lengur en nokkur annar Íslending-
ur, menn hafa komið og farið en ég
hef alltaf haldið þessu við,“ segir
Ingó sem fór einnig snemma að
æfa sig á gítarinn. „Ég hef alltaf
stundað hvort tveggja. Það hef-
ur ekkert breyst. Þetta er ástríða
mín. Töfrabrögðin og þungarokk-
ið eru líka ekkert svo ólík. Ég nálg-
ast þetta á sama hátt. Töfrasýn-
ingar mínar eru það rokkaðar að
ég get stokkið beint af tónleikum
á töfraskemmtun enda klædd-
ur sömu leðurbuxunum og með
keðjurnar. Meira að segja þegar
ég skemmti forsetanum mætti ég í
leðurdressinu. Og Dorrit var mjög
ánægð með það.“
Engin barnasýning
Dimma hefur verið áberandi upp
á síðkastið en tónleikaplata sveit-
arinnar er ein söluhæsta platan
þessa dagana auk þess sem
Dimma lauk nýlega fimm tónleik-
um með Bubba Morthens sem að
sögn Ingós gengu vonum framar.
„Við erum sáttir. „Underground“-
senan í þungarokkinu hefur ver-
ið mjög sterk upp á síðkastið og
það hlaut að koma að því hún
kæmi upp á yfirborðið. Það fer allt
í hringi.“
Hann viðurkennir að það hafi
ekki alltaf þótt töff að vera töfra-
maður. „En það hefur aldrei skipt
mig máli. Þetta er það sem mig hef-
ur alltaf langað til að gera og trúi
á. Og það er ástæðan fyrir því að
tími Dimmu er kominn; ef maður
er nógu lengi í þessu og gerir það
sem maður trúir á hlýtur að koma
að því að aðrir kveikja líka. Töfra-
sýningin mín er alls engin barna-
sýning þótt þetta sé sýning fyrir
alla fjölskylduna. Ég nota flugbeitt
rakvélablöð og ýmis áhættuatriði
og hef verið að blanda hugsunar-
lestri inn í þetta. Það er ekki eins
og maður sé að draga kanínu upp
úr pípuhatti.“ n
Indíana Ása Hreinsdóttir
indiana@dv.is
„Meira að segja
þegar ég skemmti
forsetanum mætti ég í
leðurdressinu
Vinsælir Tónleikaplata Dimmu er ein
vinsælasta platan um þessar mundir. Mynd
MattI SVanuR
Rokkari Ingó er gítarleik-
ari þungarokksveitarinnar
Dimmu. Mynd BRynjaR SnæR
töframaður Ingó
hefur æft töfrabrögð
frá árinu 1978. Mynd KRISSý
A
thafna- og kvikmynda-
gerðarkonan Margret
Hrafns lifir og hrær-
ist í heimi þeirra
frægu og ríku í Los Angel-
es. Margret og eiginmaður
hennar, kvikmyndagerðar-
maðurinn Jón Óttar Ragnars-
son, fengu á dögunum heimboð
til vinar síns, athafnamannsins og
milljarðamæringsins Ron Burkle,
sem í fyrra sat í 633. sæti á lista
Forbes yfir ríkasta fólk jarðarinnar.
Heimili Burkle er ekki af lak-
ari gerðinni en húsið kallast
Greenacres og var byggt af leikaran-
um, kvikmyndagerðarmanninum
og risa þöglu myndanna, Harold
Lloyd, árið 1928 og var í hans eigu
þar til hann lést 1971. Húsið hef-
ur verið kallað „tignarlegasta kvik-
myndastjörnuheimili allra tíma“
en það þekur yfir 4.600 fermetra. Í
veislunni sem íslenska kvikmynda-
gerðarfólkið sækir mun enginn
annar en Cher taka lagið. n
Heimsækir einn rík-
asta mann veraldar
Margret Hrafns lifir og hrærist í heimi stjarnanna
Þekkir þá frægu og ríku
Margret hefur fengið heimboð til
milljarðamæringsins Ron Burkle.
Sími 568-5556 www.skeifan.is
Föst sölulaun
Sölulaun eigna
yfir 60 milljónum
aðeins 1% + vsk
upp að 60 milljónum
299.900.- + vsk
VANTAR – VANTAR
Vegna mikillar sölu vantar
allar stærðir eigna á skrá.
Eysteinn Sigurðsson
Löggiltur fasteignasali / Sími: 896-6000
eysteinn@skeifan.is / skeifan.is
Magnús Hilmarsson
Sölumaður / Sími: 896-6003
magnus@skeifan.is / skeifan.is
Sigurður Hjaltested
Löggiltur fasteignasali / Sími: 821-5400
sigurdur@skeifan.is / skeifan.is