Dagblaðið Vísir - DV - 31.03.2015, Blaðsíða 6
6 Fréttir Páskablað 31. mars–7. apríl 2015
Hólmaslóð 2 . 101 Reykjavík . www.tolli.is
Opið þriðjudaga til laugardaga frá kl. 13-17
Við verðum hátíðarskapi um helgina
Páskar og afmæli
í kolaPortinu
2.4 Skírdagur Opið 11 - 17
3.4 Föstudagurinn langi Lokað
4.4 Laugardagur Opið 11 – 17
5.4 Páskadagur Lokað
6.4 Annar í Páskum Opið 11 – 17 Afmælishátíð
Emmessís fyrir alla káta krakka í tilefni
26 ára afmæli Kolaportsins
Seðlabankinn uggandi yfir
endurkomu myntkörfulána
S
eðlabanki Íslands gagnrýnir
frumvarp fjármálaráðherra
sem gæti leitt til þess að fjár-
málafyrirtæki færu aftur að
bjóða neytendum gengis-
tryggð bílalán. Yrði það hættuleg þró-
un, að mati Seðlabankans, enda hafi
reynslan sýnt að þeir lántakar sem
fóru einna verst út úr hruninu voru
einstaklingar og fjölskyldur með er-
lend bílalán. Bankinn telur almennt
óráðlegt að neytendur geti fengið lán
sem fela í sér gjaldeyrisáhættu.
Þetta kemur fram í umsögn
Seðlabankans um frum-
varp Bjarna Benedikts-
sonar, fjármála- og
efnahagsráðherra, um
breytingu á lögum um
neytendalán. Í um-
sögninni ráðleggja
yfir menn í Seðla-
bankanum að neyt-
endum verði gert að
standast „greiðslu-
mat í viðkomandi
gjald-
miðl-
um“ þegar þeir óski eftir lánum í
erlendum gjaldmiðlum eða gengis-
tryggðum. Frumvarp fjármála-
ráðherra gerir aftur á móti
þá kröfu að neytendur sem
hafi aðeins tekjur og eign-
ir í krónum geti fengið er-
lend lán svo lengi sem þeir
geti sýnt fram á „augljósa fjár-
hagslega burði“ til að standast
gengissveiflur.
Margþætt áhætta
Frumvarpið felur
meðal annars í
sér að gengis-
tryggð krónulán
verði heimiluð
en Hæstiréttur
Íslands hefur
ítrekað dæmt
þau ólögleg.
Eftirlits-
stofnun
EFTA
(ESA) tel-
ur bann
við gengis-
tryggingu
ekki sam-
ræmast megin-
reglu EES-samn-
ingsins um frjálst fjármagnsflæði og
hefur því hótað að fara með málið
fyrir EFTA-dómstólinn. Seðlabank-
inn átti sæti í undirbúningsnefnd
frumvarpsins en í umsögninni kem-
ur fram að þær breytingar sem gerð-
ar voru á því eftir að nefndin lauk
störfum gangi skemur en Seðlabank-
inn telur nauðsynlegt.
„Verulegar sveiflur hafa verið á
íslensku krónunni síðustu áratugi
en með fjármagnshöftum hefur þó
náðst meiri stöðugleiki síðustu miss-
eri. Reynslan hefur jafnframt sýnt
að hinn almenni neytandi gerir sér
ekki grein fyrir hversu miklar sveiflur
geta verið á gjaldmiðlum og þar með
þeirri gjaldeyrisáhættu sem felst í því
að vera með lán í öðrum gjaldmiðli
en tekjur eru í. Áhættan lýtur ekki
einvörðungu að lántakendum og
lánveitendum heldur þjóðfélaginu í
heild,“ segir í umsögn Seðlabankans.
Tekur undir gagnrýnina
„Ég tek undir þessi sjónarmið Seðla-
bankans og ef við leyfum þessi lán þá
er mikilvægt að það verði algjört skil-
yrði að þeir sem taki þau hafi tekjur
í þeirri mynt sem þeir fá lánin í. Ef
menn eru að taka lán í þessum mynt-
um, með tekjur í krónum, er verið að
búa til áhættu og hugsanlega auka
óstöðugleika í kerfinu,“ segir Frosti
Sigurjónsson, formaður efnahags-
og viðskiptanefndar Alþingis.
„Það er vissulega gott að hafa
frelsi, svo lengi sem það veldur ekki
öðrum tjóni, en í þessu tilfelli, þegar
ábyrgðin og tjónið lendir á sam-
félaginu, er mikilvægt að læra af
reynslunni og takmarka þessi lán við
skynsamleg viðmið.“
Frosti bendir einnig á að í frum-
varpinu er Seðlabankanum heimilt,
að fengnum tilmælum fjármálastöð-
ugleikaráðs, að setja lánastofnunum
reglur um erlend lán í þeim tilgangi
að takmarka lántökur þeirra sem ekki
eru varðir fyrir gjaldeyrisáhættu.
„En ég held að þingið eigi ekki
að fela einhverjum framtíðarnefnd-
um að fást um þetta, að taka bolluna
úr partíinu þegar það er byrjað. Það
er best að byrgja brunninn á með-
an timburmennirnir eru enn í fersku
minni. Ég held að það verði ekki neitt
tjón af því að takmarka þessar lán-
veitingar við að menn standist þetta
greiðslumat sem Seðlabankinn legg-
ur til. Ég hef ekki séð neinar sannfær-
andi skýringar um hið gagnstæða,“
segir Frosti. n
Vill breytingar á frumvarpi fjármálaráðherra sem gæti leitt til endurkomu gengistryggðra bílalána
Haraldur Guðmundsson
haraldur@dv.is „Ég tek undir þessi
sjónarmið Seðla-
bankans og ef við leyfum
þessi lán þá er mikilvægt
að það verði algjört skil-
yrði að þeir sem taki þau
hafi tekjur í þeirri mynt
sem þeir fá lánin í.
Sammála Seðlabankanum Frosti Sigurjónsson, formaður viðskipta- og efnahagsnefndar Alþingis, segir mikilvægt að fjármálafyrirtækj-
um verði eingöngu heimilt að veita neytendum erlend lán ef þeir standist greiðslumat í viðkomandi gjaldmiðlum.
Fjármálaráðherra
Gengistryggð lán verða
aftur heimiluð ef frumvarp
Bjarna Benediktssonar
um breytingar á lögum
um neytendalán verður
samþykkt á Alþingi.