Dagblaðið Vísir - DV - 31.03.2015, Blaðsíða 56
Páskablað 31. mars–7. apríl 201544 Lífsstíll
Hæ sæti hvað
færð þú að borða?
Smáralind • Kringlunni • Reykjanesbæ • sími 511 2022 • www.dyrabaer.is
Þegar líða fer að páskum
Mikilvægt að njóta hátíðarinnar í faðmi fjölskyldunnar án þess að fá samviskubit
F
yrir mér eru jól og páskar
mjög skemmtileg tímabil
og finnst mér einstaklega
skemmtilegt að búa til hefð-
ir með mínum nánustu og
njóta í botn. Það besta við þess-
ar hátíðir er að þær fá fjölskyldur til
að sameinast. Fjölskyldur sem jafn-
vel hittast ekki nema þessi tvö skipti
á ári. Þess vegna tel ég mikilvægt að
njóta þeirra í faðmi fjölskyldunnar
án þess að fá samviskubit.
Það eru eflaust margir farnir að
hugsa hvernig eigi að takast á við
komandi hátíð með tilheyrandi boð-
um, veislum, góðum mat og ég tala
nú ekki um allt þetta súkkulaði. Í
rauninni er engin ein rétt leið, held-
ur snýst þetta fyrst og fremst um
hvaða árangri þú ert að sækjast eft-
ir og hvernig þú kýst að koma undan
þessari hátíð. Tala nú ekki um hvað
þú gerir alla hina daga ársins.
Hvað mig varðar tel ég það afrek
að ná að halda sama formi, all-
ur aukaárangur er mikill sigur,
þar sem páskarnir ná nánast yfir
heila viku.
Hvernig ég kýs að
njóta páskanna
Ég hljóma eflaust eins og biluð
plata, en allt er gott í hófi og mik-
ilvægt er að hafa betri kostina í
huga. Einnig er gott að hafa það
hugfast að liggja ekki á beit frá
fimmtudegi til mánudags af því
það eru páskar og frí. Það sem
þú borðar í óhófi um páskana
sest alveg jafn mikið á þig þá
eins og aðra daga.
Sjálfri líður mér best þegar ég
borða vel og reglulega þar sem að
ég hef tamið mér þann lífsstíl. Þar
af leiðandi er ég yfirleitt í hollust-
unni hvað mataræðið varðar og
hreyfi mig eins og ég er vön fram á
páskadag. Þann dag kýs ég þó til að
hvíla og nýt þess að borða páskaegg-
ið mitt og góðan mat.
Mataræði
Ég er meðvituð um að borða hollt
og reglulega yfir daginn, allan
ársins hring. Páskarnir eru engin
undantekning á því. Með því að
borða vel og reglulega kem ég í
veg fyrir óþarfa sukk og nart þar
sem ég fæ góða næringu og orku
inn í daginn úr matnum sem ég kýs
að borða. Ég borða mig alltaf metta,
aldrei of sadda og fæ mér því hóflega
á diskinn. Maturinn er mjög saltur
og er ég því dugleg að drekka mik-
ið vatn á móti og held gosinu í hófi.
Gosið inniheldur mikinn sykur og
óþarfa hitaeiningar sem eru fljótar
að safnast saman yfir daginn.
Hreyfing
Flestar líkamsræktarstöðvar eru
opnar um páskana og veit ég fátt
betra en að byrja daginn á góðri æf-
ingu. Það er líka byrjað að vora og
sniðugt að nýta sér göngutúra með
fjölskyldunni og anda að sér fersku
lofti í leiðinni. Sjálf æfi ég alla daga,
en tek mér svo heilagan hvíldardag
þegar að páskadegi kemur.
Páskaeggin mín
Ég er alveg í essinu mínu þegar kem-
ur að því að kaupa páskaegg og væri
helst til í að kaupa allar tegundir í
boði til að smakka. Það er því góð-
ur kostur að heimilisfólkið hefur
ekki allt sama smekk, sem gerir
mér kleift að smakka fleiri tegund-
ir en bara þessa sem ég valdi mér.
Þetta árið keypti ég eitt stórt egg til
að deila með mínum nánustu og svo
eitt minna egg handa mér. Það er góð
regla að fá sér bara eitt egg og missa
sig ekki í gleðinni. Yfirleitt duga þau
lengur en bara þennan eina dag,
enda engin nauðsyn að klára það
á einu bretti þar sem súkkulaði og
nammi geymist vel. n
Play-listinn góði
Ég nefndi í síðasta pistli Ræktardurgsins að góður
lagalisti væri nauðsynlegur til að taka góða æf-
ingu. Undirrituð er mikill tónlistarunnandi og því
dugleg að uppfæra tónlistina fyrir æfingar. Ég fer
alveg yfir í annan heim þegar ég set heyrnartólin
mín á hausinn og tónlistina í botn þegar ég hita
upp fyrir lyftingaæfingu á skíðavélinni.
Ég hef mjög víðan tónlistarsmekk og oft er það
einungis lag og lag sem heillar. Mig langaði til
þess að deila lagalistanum mínum þessa stund-
ina sem heldur mér í ræktargírnum.
1. Galantis – Runaway (U&I)
2. Le Youth – Cool (Ben Pearce remix)
3. Alex Adair – Make me feel better
4. Marlon Roudette – When the beat drops out out (Florian Paetzold remix)
5. Pendulum – Hold your color
6. Gorgon City feat. Zak Able – Unmissable
7. Philip George – Wish you were mine
8. L D R U feat. Yahtzel – The Only one
9. Klangkarussel – Netzwerk, Falls like rain
10. Essay – All nite
Hugleiðingar
fyrir þá sem
fara út á land
Ég tek eftir því í póstinum sem berst
okkur í þjálfuninni að margar konur
leggja leið sína í sumarbústað eða fara
í heimsókn til ættingja úti á landi. Þá
vaknar oft sú spurning hvernig takast
eigi á við þær aðstæður, þar sem
enginn aðgangur er að líkamsrækt.
Þetta eru einungis örfáir dagar
og því fyrst og fremst gott að hafa
bak við eyrað að velja betri kostina í
mataræðinu, en það er einmitt stærsti
þátturinn í öllum árangri. Ef viðkom-
andi er að fara í bústað þá er gott að
gera innkaupalista og kaupa hollan
mat. Svo er líka auðveldara að grípa í
hollustuna þegar hún er til staðar og
öfugt með óhollustuna.
Svo má ekki gleyma útiverunni, það
er hægt að fara í göngutúra alls staðar
og því sniðugt að nýta sér það ef tök
eru á, jafnvel taka með sér sippuband
og gera æfingar með teygjum.
Annars er það ekki hundrað í hætt-
unni ef 1–3 æfingar falla niður, það
koma alltaf dagar eftir þessa til þess
að mæta í ræktina.
Alexandra Sif
Nikulásdóttir
ale_sif@hotmail.com
Sítrónuvatn
Það eru ófáar greinar sem fjalla um
það hversu gott sítrónuvatn er í
morgunsárið. Ég las einmitt nokkrar
þannig greinar í fyrra en þar var fjallað
um að sítrónuvatn væri allra meina
bót og gott fyrir magann. Þar sem ég
er mjög viðkvæm í maga ákvað ég að
láta reyna á þessa kenningu og eftir að
hafa gert það er ég ekki frá því að það
geri maganum og líkamanum einungis
gott. Best er að kreista hálfa sítrónu í
volgt vagn og drekka á fastandi maga.
Ástæðan fyrir því að ég tek þetta
fyrir með þessum pistli er sú að
páskarnir innihalda mikið af þungum,
söltum og reyktum mat og auðvitað
páskaeggin góðu. Gott er að byrja
daginn á sítrónuvatninu
og þannig
hjálpa
líkam-
anum að
vinna úr öllu
góðgætinu.
Gaman á vélsleða „Á jólum og
páskum liggur leið mín oft á Langjökul
þar sem ég fer á vélsleða með pabba og
systrum mínum. Skemmtilegast finnst
mér að fara um páskana þegar veðrið er
orðið betra og ég get notið útsýnisins.“
Eitt stórt, eitt lítið „Stærra egginu ætla ég að deila með mínum nánustu. Það minna er svo handa mér.“