Dagblaðið Vísir - DV - 31.03.2015, Blaðsíða 12
12 Fréttir Páskablað 31. mars–7. apríl 2015
Lakkað smeLLuparket • 30 ára ábyrgð
Parket & gólf • Ármúla 32, 108 Reykjavík • S: 5681888 • parketoggolf.is
Verð: 9.060 kr. m²
Nú á tilboðsverði: 6.342 kr. m²
Hágæða
PlankaParket
- eik Sauvage
einstakt tilboð
-30% afsláttur
ATH TAkmArkAð mAgn Parket og gólf
Ekki gEfins að
gEfa upp öndina
n „kostnaðurinn við dánartilkynningarnar kom mér mest á óvart“
k
ostnaður við útför að-
standenda kemur fólki oft-
ar en ekki á óvart. Yfirleitt
er skammur tími til stefnu,
velja þarf útfararstofu fljót-
lega eftir andlátið og sjaldnast ger-
ir fólk víðtækan verðsamanburð
eða íhugar aðra kosti. DV tók saman
kostnað við útför og 200 manna erfi-
drykkju þar sem nokkuð vel er í lagt.
Leitað var eftir verði á vef útfararstofa
en aðeins tvær stofur gefa upp verð-
dæmi á sínum heimasíðum: Útfarar-
stofa Kirkjugarðanna og Útfararstofa
Íslands. Ákveðið var að miða við
verðskrá þeirrar síðastnefndu þar
sem hún er mun ítarlegri.
Fyrir utan sjálfa útfararþjón-
ustuna, sem er á sambærilegu verði
þá standa aðstandendur frammi
fyrir mörgum ákvörðunum varð-
andi athöfina. Velja þarf kistu og
fjölbreytt úrval af skreytingum. Ein
stærsta ákvörðunin er hvort að boð-
ið verði upp á tónlistaratriði við
athöfnina en kostnaðurinn við slíkt
getur verið ærinn. Flestir sem staðið
hafa í þessum sporum eru þó sam-
mála um eitt. Það er erfitt að setja
sig í þær stellingar að fara að spara
í sérhverjum lið, flestum finnst það
niðurdrepandi tilhugsun ekki nema
fjárhagurinn bjóði hreinlega ekki
upp á annað.
„Fólk spyr meira út í einstaka
kostnaðarliði eftir hrun
„Það sem hefur breyst frá hruni
er það að fólk spyr mun meira út
í einstaka kostnaðarliði og hvaða
möguleikar séu í boði,“ segir Sverrir
Einarsson, eigandi Útfararþjónustu
Íslands. „Það er algengur misskiln-
ingur að útför í kyrrþey sé ódýrari.
Eini munurinn er sá að hún er aug-
lýst eftir á, að öðru leyti er um að
ræða sama kostnaðinn. Sama má
segja um bálfarir. Bálfararkisturn-
ar eru mögulega aðeins ódýrari en
svo þarf að panta duftker aukalega,“
segir Sverrir. Það blasir kannski ekki
við en það er nauðsynlegt að kaupa
kistu fyrir bálförina vegna þess að
ákveðið magn af timbri verður að
fara með í rafmagnsofnana sem eru
notaðir.
„En auðvitað fáum við viðskipta-
vini með alls konar fjárráð og því eru
ýmsar lausnir í boði. Það er hægt að
sleppa tónlistaratriðum, blómum
og velja kistur í mismunandi verð-
flokkum. Einnig geta eignalausir
sótt styrk til velferðarsviðs fyrir út-
förinni og fólk getur oft og tíðum
sótt styrk til lífeyrissjóða sinna. Við
vísum fólki á allar mögulegar leiðir,“
segir Sverrir enn fremur.
Kostnaðurinn við andláts
tilkynningar kom á óvart
Hildur Bára Leifsdóttir skipulagði
nýlega útför föður síns. Hún var
búin að heyra að ferlið væri kostn-
aðarsamt og tók undir það að erfitt
væri að setja sig í sparnaðargírinn
þegar maður væri að jarðsyngja ást-
vin. Andlátið bar líka skjótt að og
því lítið ráðrúm til að gera verðsam-
anburð. „Það sem kom mér mest á
óvart var kostnaðurinn við að birta
tilkynningar í fjölmiðlum; Moggan-
um, Fréttablaðinu og RÚV. Ég vissi
að það kostaði eitthvað en flestir
láta birta þrjár tilkynningar á hverj-
um stað og þá er þetta orðið rúm-
lega 100 þúsund krónur í heildina.“
Faðir Hildar vildi vera jarðaður í
kyrrþey og því voru tilkynningarn-
ar í fjölmiðla færri og athöfnin fá-
mennari en ella. Erfidrykkjan var
því ekki eins kostnaðarsöm. Hildur
og fjölskylda voru þó undir það búin
að kostnaðurinn yrði mikill og sú
varð svo sannarlega raunin. n
Björn Þorfinnsson
bjornth@dv.is
Kostnaður við útför
Samkvæmt heimasíðu
Útfararþjónustu Íslands
n Kista: 220.000 kr. *
n Sæng, koddi og klútur
(yfir ásjónu): 15.000 kr.
n Líkklæði: 5.000 kr.
n Kross-púlt á leiði: 10.500 kr.
n Skilti á kross-púlt: 7.500 kr.
n Blómaskreyting á kistu: 30.000 kr. *
n Altarisblóm: 10.000 kr. *
n Krans: 28.000 kr. *
Sálmaskrá (200 manns): 69.528 kr.
Útfararþjónusta: 110.500
Kirkjuvörður: 8.000 kr.
Samtals: 514.028 kr.
* Til eru ódýrari valkostir sem hægt er að
kynna sér á heimasíðu Útfararstofu Íslands.
Tónlist
n Orgelleikur - kistulagning: 15.825 kr.
n Orgelleikur - útför m/söng: 29.436 kr.
n Kór - 6 manna: 90.000 kr.
n Einsöngur: 50.000 kr.
n 5% stefgjald: 9.236 kr.
n Umsjónarmaður kórs: 8.445 kr.
n Gjald til FÍH: 3.500 kr.
n Umsjónargjald útfararstofu (10%):
20.645 kr.
Samtals: 206.450 kr.
Erfidrykkjur
og tilkynn-
ingar í blöðum
n Hótel Saga er vinsæll vettvangur fyrir
erfidrykkjur og samkvæmt heimasíðu
hótelsins er kostnaðurinn 2.200 kr. fyrir
hvern gest.
Samtals: 440.000 (m.v. 200 manns)
Dánartilkynningar í Morgunblaðinu og
Fréttablaðinu kosta rúmlega 18.000 krón-
ur hver birting. Flestir birta þrjár tilkynn-
ingar á hverjum stað – fyrst er tilkynnt um
andlátið, því næst um athöfnina og svo er
þakkað fyrir auðsýnda samúð.
n Fréttablaðið (3 birtingar): 56.736 kr.
n Morgunblaðið (3 birtingar): 54.231 kr.
n RÚV (3 birtingar, 30 orð): 24.030 kr.
Samtals: 134.997 kr.
niðurstaða
n Útför: 514.028 kr.
n Tónlistaratriði: 206.450 kr.
n Erfidrykkja (200 manns): 440.000 kr.
n Birtingar tilkynninga í fjölmiðlum:
134.997 kr.
Samtals: 1.331.475 kr.
„Það sem hefur
breyst frá hruni
er það að fólk spyr mun
meira út í einstaka
kostnaðarliði og hvaða
möguleikar séu í boði.