Dagblaðið Vísir - DV - 08.09.2015, Qupperneq 97

Vikublað 8.–10. september 201576 Menning
Veisla fyrir
lesendur
Bókmenntahátíð í Reykjavík
verður sett miðvikudaginn 9.
september næstkomandi. Hún
stendur í fjóra daga og lýkur
laugardaginn 12. september. Há-
tíðin fer fram í Norræna húsinu
og í Iðnó og taka 32 höfundar
þátt í dagskránni, bæði íslenskir
og erlendir. Á dagskránni verða
einkum málstofur en einnig fyrir-
lestrar, kvikmynd og ljósmynda-
sýningar. Dagskrá hátíðarinnar
fer, fyrir utan upplestra höfund-
anna, að miklu leyti fram á ensku
nema annað sé tekið fram. Upp-
lýsingar um hátíðina má finna á
síðunni www.bokmenntahatid.is
Fjöldi höfunda kemur fram
á hátíðinni, íslenskir og erlend-
ir. Meðal erlendu höfundanna
má nefna Lenu Anderson, Dave
Eggers, Pierre Lemaitre, David
Mitchell, David Nicholls og
Timur Vernes.
Sjálfstæð sýningarrými
að hverfa úr miðbænum
U
m helgina kvaddi Kling
og Bang húsnæði sitt við
Hverfisgötu þar sem sýn-
ingarrými listamannahóps-
ins hefur verið í rúm sjö ár.
Um leið hverfur hliðarhúsið Kaffi-
stofan sem hefur gegnt hlutverki
nemendagallerís myndlistardeildar
Listaháskóla Íslands. Ástæðan fyr-
ir flutningunum eru áætlaðar fram-
kvæmdir á Brynjureitnum svokallaða
en húsið að Hverfisgötu 42 verður rif-
ið og nýtt íbúða-, atvinnu- og verslun-
arhúsnæði mun rísa. Með brotthvarfi
Kling og Bang af Hverfisgötunni er
lítið orðið eftir af listamannareknum
sýningarrýmum í miðbæ Reykjavíkur
og öll þau stærstu horfin á braut.
Það vakti þannig umtalsverða
athygli þegar Nýlistasafnið sá sér
þann kost vænstan að flytja úr mið-
bænum og upp í Breiðholt í fyrra.
Annað nýlegra listamannarekið
sýningarrými, Kunstschlager, fékk
tímabundið inni í Hafnarhúsinu í
sumar, eftir að leiguverð á fyrra rými
hópsins við Rauðarárstíg hækkaði
upp úr öllu valdi. Týsgallerí þurfti þá
að yfirgefa húsnæði sitt við Týsgötu í
lok júlí og segir Helga Óskarsdóttir,
einn eigenda gallerísins, ólíklegt að
þeim takist að finna annað hentugt
húsnæði í miðbænum.
Þau örfáu listamannareknu sýn-
ingarými sem eftir eru í miðbænum,
Ekkisens, Harbinger og gluggagall-
eríin Better Weather og Wind and
Weather, eru öll umtalsvert minni og
veltur áframhaldandi tilvist þeirra
einungis á dugnaði eins eða örfárra
einstaklinga.
Millibilshúsnæðið er ódýrast
Kling og Bang var stofnað af tíu lista-
mönnum í byrjun árs 2003. Sýn-
ingarrými hópsins var fyrst til húsa
við Laugaveg en undanfarin sjö
og hálft ár hafa þau haft aðsetur á
Hverfisgötu 42. Að húsnæðið yrði
rifið hefur verið ljóst í nokkurn tíma
þó að nákvæm dagsetning hafi ekki
verið ljós fyrr en nýlega. Þetta segir
Ingibjörg Sigurjónsdóttir, einn með-
limur Kling og Bang, ekki hafa verið
kjöraðstæður fyrir gallerí enda sé
óhentugt að geta ekki skipulagt sýn-
ingar fram í tímann.
„En starfsemin er þess eðlis að við
getum ekki borgað mjög háa leigu,
þannig að við erum svolítið háð því
að vera í slíku millibilshúsnæði sem
við getum leigt ódýrt. Við höfum því
fengið betri samninga en almennt
gengur og gerist og höfum þess
vegna getað verið svo lengi í mið-
bænum. Við erum mjög þakklát fyrir
að hafa fengið að vera þó þetta lengi í
húsnæðinu,“ segir Ingibjörg.
Vilja vera áfram í miðborginni
„Kling og Bang hefur verið rekið með
alveg ævintýralega litlu fjármagni
því allt er unnið í sjálfboðavinnu og
enginn starfsmaður á launum. Við
höfum fengið styrki sem hafa rétt
nægt fyrir húsnæðinu en síðan hefur
þetta rekið sig á samtakamættinum.
Þetta hefur gengið upp vegna ótrú-
legrar góðvildar í listasenunni, hjá
fyrirtækjum, iðnaðarmönnum og
alls konar fólki,“ segir Ingibjörg. En
til að sýningarrýmið geti verið áfram
í miðbænum er ljóst að hópurinn
þarf á auknu fjármagni að halda.
„Reykjavíkurborg hefur alltaf verið
okkar helsti bakhjarl þannig að ég
reikna með því að við munum leita
eitthvað til þeirra um mögulegar
lausnir,“ segir Ingibjörg.
Borgin hefur látið sig slík mál áður
varða og aðstoðaði Nýlistasafnið
til að mynda með því að framleigja
húsnæði í Breiðholti til safnsins á
góðum kjörum. En kemur til greina
að Kling og Bang færi sig í úthverfi
líkt og Nýló? „Það er allt opið og við
erum með alla anga úti. Okkur líður
best miðsvæðis, við búum flest á
þeim slóðum og þar er orka sem við
höfum kunnað vel við okkur í. Það
trónir efst á óskalistanum að geta
n Kling og Bang víkur fyrir nýbyggingum n Vilja vera áfram í miðbænum
Kristján Guðjónsson
kristjan@dv.is Týsgallerí
Týsgallerí opnaði sýninga-
rými að Týsgötu 3 um miðjan
október 2013 en þurfti að flytja
út í lok júlí. „Sá sem átti hús-
næðið seldi og nýi eigandinn
vildi hefja annan rekstur þannig
að það hentaði honum ekki að
leigja okkur áfram,“ segir Helga
Óskars dóttir, annar aðstandenda
gallerísins. Hún segir að hér sé
ekki verið að taka húsið undir
hótel heldur verði þar einhvers
konar handverkstengd verslun.
„Leigan hefur hækka það
mikið í miðbænum að fáar
tegundir af starfsemi geta þrifist
þar núna, það eru fyrst og fremst
há-innkomu fyrirtæki eins og
veitingastaðir, gistirými eða
þessar svokölluðu lundabúðir.
Rekstrareiningar sem ganga ekki
bara út á mikinn gróða eru svo-
lítið að missa hópana nema þær
séu til dæmis mjög heppnar og
hafi gert góðan leigusamning
áður en allt fór að hækka upp úr
öllu valdi. Ég sé til dæmis ekki
fyrir mér að við munum finna
verslunarhúsnæði eða skemmti-
legt gallerírými niðri í bæ. Við
vorum mjög heppnar þegar við
fengum okkar fyrsta húsnæði.
En núna myndum við líklega
leita að húsnæði einhvers stað-
ar fyrir ofan Hlemm eða í útjaðri
miðbæjarins,“ segir Helga og
tekur fram að galleríið hafi ekki
lagt upp laupana þó að ekki sé
enn ljóst hvort það muni starfa
áfram í sömu mynd.
Nýlistasafnið
Nýlistasafnið hafði verið stað-
sett á ýmsum stöðum í mið-
bænum frá stofnun árið 1978
og til ársins 2014 þegar þetta
eina listamannarekna nú-
tímalistasafn landsins flutti
safneign sína og sýningar-
rými í Völvufell í Breiðholti.
„Þetta hafði komið upp hjá
stjórn oftar en tvisvar áður
en við ákváðum að eiga fund
með Reykjavíkurborg og athuga hvort fólk á þeim bæ vissi um eitt-
hvert rými. Það gengur nefnilega ekki að standa í flutningum á fimm
ára fresti, sem eru ógeðslega leiðinlegir, kostnaðarsamir og tímafrekir,“
sagði Þorgerður Ólafsdóttir í viðtali við DV í janúar.
Nú í fyrsta skipti, nánast frá stofnun, eru verkin tvö þúsund í safn-
eigninni komin í öruggt framtíðarhúsnæði. Safnið er með tíu ára leigu-
samning við borgina sem leigir af eiganda og er svo með forleigurétt að
samningstíma loknum. Húsnæðið er um 400 fermetrar: nóg pláss und-
ir safneignina, skrifstofu í opnu rými, lítið eldhús og pláss fyrir stöðugt
rúllandi safneignarsýningu. Á efri hæðinni er svo sýningarrými fyrir ný
verk í gömlu bakaríi.
„Flutningurinn upp í Breiðholtið hefur vakið athygli af því að þetta er
ofboðslega lítið samfélag og eitthvað svona hefur ekki gerst áður. Þetta
á sér miklu, miklu lengri sögu og reynslu erlendis þar sem myndlistar-
senan og önnur menningarstarfsemi flytur út í úthverfin vegna þess að
leiguverð miðsvæðis er allt of hátt.“
„Kling og Bang
hefur verið rekið
með alveg ævintýralega
litlu fjármagni því allt er
unnið í sjálfboðavinnu.
Örsögur frá
Argentínu
Argentínska skáldkonan Ana
María Shua er gestur Bók-
menntahátíðar. Smáskammtar er
bók sem geymir örsögur henn-
ar. Þetta eru 100 sögur úr fimm
ólíkum smásagnasöfnum sem
mynda þó ákveðna heild. Kristín
Guðrún Jónsdóttir þýddi.
Harkalegar sögur
Bókmenntahátíð er að hefjast og
af því tilefni koma út þýdd verk
eftir nokkra gesti hátíðarinnar.
Ein þessara bóka er Þúsund og
einn hnífur og fleiri sögur frá Írak
eftir Hassan Blasim. Bókin geym-
ir úrval af smásögum hans sem
hafa vakið mikla athygli víða um
heim og eru hispurslausar og
harkalegar. Sölvi Björn Sigurðs-
son þýddi.
David Mitchell
Ingibjörg Sigurjónsdóttir
Einn meðlimur Kling og Bang.
MynD ÞorMar VIGnIr GunnarSSon