Fréttatíminn - 18.12.2015, Qupperneq 36

Gekk Jakobsveginn til að
finna tilgang í lífinu
Hildur Þórðardóttir sendi frá sér á dögunum
skáldsöguna Á leið stjarnanna og vindsins.
Þetta er fyrsta skáldsaga Hildar en hún hafði
áður sent frá sér bækurnar Taumhald á til-
finningunum, Finndu styrkinn til að gera það
sem þú vilt og Heal Yourself to Happiness.
Hildur byrjaði að skrifa söguna á sama tíma og
hún gekk Jakobsveginn og segir söguna hafa
fljótlega tekið yfir og orðið að því sem hún er.
„Í sögunni er ég að skoða
sambönd og reyna að
finna út hvað þarf til að
samband gangi. Þarf
manneskjan að vera í sam-
bandi eða getur hún verið
sjálfri sér næg? Hvernig er
hægt að vinna með höfnun
og hvort er sársaukafyllra
að elska einhvern sem
þú veist að mun líklega
yfirgefa þig eða neita sér
um að elska viðkomandi?“
Ljósmynd/Hari
Spurningar um Guð
„Mig langaði að skrifa skáldsögu
með djúpa merkingu og sendi þá
ósk upp til þeirra andlegu sem
skrifa með mér,“ segir Hildur.
„Þegar ég rakst svo á bók eftir tyrk-
neska konu sem skrifaði skáldsögu
um súfisma og múslimatrú og mis-
munandi leiðir til að túlka Kóran-
inn, vissi ég að svona bók vildi
ég skrifa. Svo fæddist sagan bara
smám saman og var fljót að streyma
til mín. Það tók alls sex vikur að
skrifa hana, þótt ég skrifaði hana í
tveimur hollum. En svo tók að sjálf-
sögðu óratíma að vinna í textanum
og setja hana upp,“ segir hún.
„Sagan gerist á tveimur tíma-
skeiðum sem er skemmtilegt því
þá fá lesendur að kynnast sama
svæði á tveimur tímum. Tvær sögu-
persónur ganga Jakobsveginn á
miðöldum og tvær í nútímanum. Í
sögunni er ég að skoða sambönd
og reyna að finna út hvað þarf til að
samband gangi. Þarf manneskjan
að vera í sambandi eða getur hún
verið sjálfri sér næg? Hvernig er
hægt að vinna með höfnun og hvort
er sársaukafyllra að elska einhvern
sem þú veist að mun líklega yfir-
gefa þig eða neita sér um að elska
viðkomandi? Í sögunni birtist líka
samband okkar við Guð í gegnum
tíðina,“ segir Hildur. „Er Guð vond-
ur og refsiglaður eða er hann góður
og verndandi? Er hann maður með
skegg eða óræð kærleiksorka? Og
hvað gerist svo þegar við deyjum?
Ég mátti engu breyta í sögunni.
Á einum tímapunkti varð ég ósátt
við framvindu mála og skrifaði
ástríðuna út, en þá hætti streymið
og ég varð að gjöra svo vel að
breyta aftur til baka til að streym-
ið hæfist aftur,“ segir hún. „En
orðalagið er mitt, svo þar mátti ég
snurfusa að vild. Ef ég tók eitthvað
út sem átti að vera inni, hékk það
inni í höfðinu á mér þar til ég setti
það inn í söguna aftur. Þannig að
allt er eins og það á að vera.“
Gekk Veginn í leit að tilgangi
Jakobsvegur, eða Vegur heilags
Jakobs, er ein þekktasta pílagrímal-
eið í Evrópu. Hann heitir á galisísku
O camiño de Santiago, á spænsku
El Camino de Santiago og frönsku
Chemins de Saint-Jacques. Jakobs-
vegurinn endar í dómkirkjunni í
Santiago de Compostela, í héraðinu
Galisíu á Spáni, en hefst þar sem
pílagrímurinn leggur af stað.
„Allt frá því ég heyrði um Jakobs-
veginn langaði mig að ganga hann,“
segir Hildur. „Svo eitt sinn þegar
ég fann engan tilgang með lífinu,
alveg eins og ein aðalpersónan,
ákvað ég að ganga Veginn til að
finna tilganginn á ný. Á sama tíma
byrjaði ég að skrifa söguna, svona
eins og þegar maður skrifar til sín
það sem maður vill að gerist,“ segir
hún. „Þess vegna varð ég svo ósátt
við framvindu mála í sögunni, því
þetta var það síðasta sem mig lang-
aði að kæmi fyrir mig. En þá tók
sagan sjálf bara yfir og varð eins og
hún vildi vera. Því miður gat ég svo
ekki gengið alla leiðina eins og ég
hefði viljað. En ég hef gengið Veg-
inn áður í fyrri lífum svo það var
ekkert mál að tengja mig inn á það
til að skrifa söguna. Enda er þetta
ekki leiðarbók um Jakobsveginn,
heldur skáldsaga,“ segir Hildur.
„Að sjálfsögðu fór ég í mikla
heimildavinnu og þekkingin úr
þjóðfræðinni nýttist mér í miðalda-
köflunum. En sumt kom bara til
mín að ofan, eins og til dæmis
ýmis viðhorf á miðöldum sem ekki
nokkur leið er að finna í sagnfræði-
ritum. Kápan kom líka til mín eins
og hún vildi vera. Hörpudiskurinn
er tákn pílagrímsins á Jakobsveg-
inum og þau eru fjögur sem ganga
hann. Saman mynda skeljarnar
kross, enda er mikið fjallað um trú
og almættið og Vegurinn byggður á
kristinni trú,“ segir hún.
„Jafnarma kross, eins og þessi,
er samt miklu eldra tákn en kristið.
Þetta tákn þýðir jafnvægi, áttirnar
fjórar og líka elementin fjögur, jörð,
loft, vatn og eld. Í raun inniheldur
jafnarma krossinn öll trúarbrögð
og því geta öll heimsins trúar-
brögð sameinast í því. Ég er mjög
fylgjandi því að við finnum leiðir til
að sameinast frekar en að finna það
sem aðgreinir okkur. Það er svaka-
leg orka í þessari bók, mismunandi
orka fyrir hverja persónu og gaman
fyrir lesendur að finna mismunandi
orku,“ segir Hildur. „Ég er heilari
og vinn því mikið með orku og
orkulíkamann. Alveg eins og í leik-
ritaskrifunum varð ég persónan
sem ég var að skrifa hverju sinni í
sögunni. Í leikritaskrifunum komu
persónurnar fullmótaðar til mín og
það var eins með þessa sögu. Þær
vissu alveg hvaðan þær komu og til-
ganginn með sögunni.“
Gott að bækur hreyfi við fólki
„Ég hugsaði þegar ég var að skrifa
fyrstu bókina að ég fengi aldrei
verðlaun fyrir stíl, því tungutakið
var svo einfalt, að mér fannst,“
segir Hildur. „Mér fannst nefnilega
skipta meira máli að allir gætu lesið
hana og tileinkað sér efnið heldur
en að skrifa hana á einhverju rósa-
máli. Enda á fólk á mjög auðvelt
með að tengja við það sem ég
skrifa. En svo fékk ég einmitt svo
jákvæð viðbrögð frá íslenskufræð-
ingum og bókmenntafræðingum
sem höfðu orð í því hversu vel hún
væri skrifuð. Það gladdi mig að
sjálfsögðu mikið og varð frekari
hvatning,“ segir hún. „Bókin fjallar
um erfiðar tilfinningar og getur
kveikt á tilfinningum fólks. Það
er gott að bækur hreyfi við fólki
og vekji það til umhugsunar. En
bókinni fylgir líka mjög mikil vel-
líðan, sérstaklega í endinum þegar
hún flýgur frá Santiago og er að
hugsa um hvernig Vegurinn og lífið
speglast. Mér leið alla vega alltaf
svo vel þegar ég var að klára hana
og ég las hana örugglega tuttugu
sinnum í gegn og hefði réttilega
átt að vera komin með hundleið á
sögunni. Þess vegna hvet ég alla til
að klára að lesa söguna, alveg aftur
á síðustu blaðsíðu,“ segir Hildur
Þórðardóttir rithöfundur.
Hannes Friðbjarnarson
hannes@frettatiminn.is
É g er þjóðfræðingur að mennt og lærði líka útlits-ráðgjöf og hitt og þetta,“ segir Hildur Þórðardótt-ir rithöfundur. „Undanfarin ár hafa ritstörf verið
mín aðalvinna þótt ég þurfi að vera í aukavinnu til að
borga reikningana. Þetta er algjör hugsjón hjá mér og
ein af ástæðunum fyrir því að ég fæddist inn í þetta líf.
Um tíma samdi ég leikrit og einþáttunga, en svo þróuð-
ust þau skrif inn í sjálfstyrkingarbækur,“ segir hún.
„Ég ætlaði bara að skrifa eina bók um andlegan þroska
en þegar Taumhald á tilfinningunum – leið til betra
lífs kom út, fékk hún svo góðar viðtökur að ég gat ekki
hætt. Fólk þakkaði mér fyrir bókina, loksins bók um
andlegan þroska á mannamáli og kraftaverkabók. Hún
er skrifuð fyrir næmt fólk sem tekur mikið inn á sig og
dettur niður í depurð og þunglyndi eða geðhvarfasýki.
Mér fannst vanta í fyrri bókina að taka ábyrgð á sjálfum
sér og því skrifaði ég fljótlega þá næstu, Finndu styrk-
inn til að gera það sem þú vilt. Sú bók varð allt öðruvísi
og þá frekar fyrir fólk sem ólst upp í erfiðum aðstæðum
sem bældu það eða drógu úr því kjarkinn og hvernig
það getur öðlast kjarkinn á ný. Hún fékk líka frábærar
viðtökur lesenda,“ segir Hildur.
Opið mán. - föst. 8:30 - 19:00 og 10 - 18 um helgar
facebook.com/krumma.is krumma.is Gylfaflöt 7 112 Reykjavík
Jólagjöfin fæst í KRUMMA
Frá 16.800.-
Dúkkuvagnar
13.500.-
Gönguvagn
með kubbum
5.235.-
Lestarsett
Safari
frá
Krum
m
a
36 viðtal Helgin 18.-20. desember 2015