Fréttatíminn - 08.01.2016, Qupperneq 8

FAXAFENI 5
Reykjavík
588 8477
DALSBRAUT 1
Akureyri
588 1100
SKEIÐI 1
Ísafirði
456 4566
ÞÚ FINNUR
RÉTTA RÚMIÐ
HJÁ OKKUR

ÚTSAL A
KO M D U O G G
E R Ð U F R Á B Æ R
K A U P
A L LT A Ð
60%A F S L ÁT T U R
Lyftan #1
Friðgeir Trausti Helgason er
staddur í lyftunni hans Spessa
ljósmyndara í gömlu Kassa-
gerðinni á Laugarnesi. Á ferða-
laginu upp fjórar hæðir hússins
útskýrir Friðgeir hvernig leið
hans í lífinu getur aðeins legið
upp á við.
„Ég var svo mikil fyllibytta,
var búinn að drekka mig í
ræsið. Ég hafði náð þeim tíma-
punkti að komast ekki lengur
upp með að vera svona fullur í
vinnunni. Þá einfaldlega hætti
ég að vinna til að geta drukkið
allan daginn. Botninn var árið
2004 þegar ég var heimilislaus
í Los Angeles á „Skid Row“ þar
sem allt heimilslausa liðið er.
Ég fór eins langt niður og hægt
er að komast án þess að drep-
ast. Eftir þetta lá leiðin aðeins
upp á við. Toppurinn var þegar
ég hætti að drekka brennivín
og keyrði um víðáttur Banda-
ríkjanna, með gömlu Pentax
myndavélina mína og nóg af
filmum í skottinu. Að lenda í
ævintýrum, hitta fólk og borða
góðan mat.“
Friðgeir Trausti
Helgason.
Mynd/Spessi
Halla Harðardóttir
halla@frettatiminn.is
„Það var nú ástin sem dró mig hing-
að,“ segir argentínski víngerðarm-
aðuinn Arturo Santoni Rouselle
sem hefur verið með annan fótinn á
Íslandi í 16 ár. Ég sá Grétu, konuna
mína, fyrst í Bólivíu fyrir tuttugu
árum þar sem ég vann við að fram-
leiða vín. Síðan höfum við verið óað-
skiljanleg. Með annan fótinn hér og
hinn í Argentínu og reyndar líka í
Prag þar sem Gréta var í framhalds-
námi í sellóleik.“
Arturo segir vínrækt því miður
ekki koma til greina í kuldanum á
Íslandi en það sé margt sem hafi
togað þau Grétu í Hafnarfjörðinn
þar sem þau hafa komið sér vel fyrir
með dætrum sínum, þeim Salóme
og Perlu. „Ég hef unnið við hitt og
þetta síðan við ákváðum að setjast
að á Íslandi fyrir fimm árum. Núna
sé ég um vínið, sem vínlistana og er
vínþjónn hér á Bryggjunni Brugg-
húsi. Ég kem frá einu mesta vínhér-
aði Argentínu, Mendoza, og margir
í minni fjölskyldu hafa unnið við
eitthvað sem tengist vínrækt. Þetta
er það sem ég hef mest gaman af.“
„Ég kom hingað fyrst í lok nóvem-
ber árið 1999 og ætlaði ekki að trúa
þessu myrkri hérna og ég er enn að
venjast því. Mér er alveg sama um
kuldann og hef aldrei kvartað yfir
honum, það er ekkert mál að fara
bara í peysu,“ segir Arturo sem fer
allra sinna ferða á hjóli, allan árs-
ins hring. Það besta við Ísland er
kyrrðin og náttúran. Heiðmörk,
Mosfellsdalur, Reykjadalur og á
Helgafellssvæðið eru staðir sem við
fjölskyldan erum dugleg að njóta.“
„Auk myrkursins tók mig líka
tíma að skilja hvað Íslendingar eru
lokaðir. Íslendingar eru ekki jafn
félagslyndir og Argentínumenn
og það er það sem ég sakna helst,
óvæntir hittingar og uppákomur.
Það gerist sjaldan eitthvað óvænt
hér og stundum finnst mér eins og
Íslendingum líði best einir, kannski
vegna þess að það er svo stutt síðan
borgir fóru að myndast hér, síðan
fólk bjó hvert á sínum bæ. Í Arg-
entínu getur þú alltaf átt von á því
að einhver banki upp á og þá er að
sjálfsögðu dregið fram kíló af kjöti
og byrjað að grilla. Ef engin ansar
bankinu þá ferðu bara til næsta vin-
ar ef þig langar í félagsskap. Það
hafa allir tíma fyrir hvern annan í
Argentínu.“
Saknar þess óvænta
Argentínski víngerðarmaðuinn Arturo Santoni Rouselle er enn að venjast vetrarmyrkrinu á Íslandi. Mynd/HarI
Hörður Jóhannesson, Sigríður Björk Guðjónsdóttir og
Jón H.B. Snorrason á fyrsta degi Sigríðar Bjarkar í starfi.
Myndin er fengin af Facebook síðu lögreglunnar.
Átök innan lögreglunnar um svartar og hvítar skyrtur
Yfirmenn lögreglunnar á höfuðborgar-
svæðinu fengu undanþágu frá reglu-
gerðum um einkennisbúninga til að
klæðast öðruvísi skyrtum en almennir
lögreglumenn. Í reglugerð um ein-
kennisbúninga lögreglunnar var árið
2012 skotið inn sérstakri málsgrein.
Málsgreinin tilgreinir að „yfirmönnum
lögreglu væri heimilt að nota hvíta
einkennisskyrtu með almennum lög-
reglufatnaði.“
Árið 2007 var nýr einkennisfatnaður
lögreglumanna tekinn í notkun en
ríkislögreglustjóri hafði unnið að inn-
leiðingunni í tvö ár. Fyrir þann tíma
voru bláar skyrtur með almennum ein-
kennisbúningum lögreglunnar. Þegar
búningunum var breytt fengu allir
lögreglumenn svartar skyrtur. Aðeins
eru hvítar skyrtur með hátíðarbúningi
lögreglunnar sem afar sjaldan er not-
aður. Sú sérkennilega undantekning
virðist hafa verið gerð hjá lögreglu-
stjóranum á höfuðborgarsvæðinu, að
yfirmenn klæddust hvítum skyrtum.
Þótti það aðgreina þá með afar skýrum
hætti og var því öllum ljóst að þeir
gegndu ábyrgðarstöðu á lögreglustöð-
inni. Óvitað er hver átti frumkvæðið
að þessu. Innanríkisráðherra þess
tíma, Ögmundur Jónasson, skrifaði
undir breytingu reglugerðarinnar og
samþykkti undanþáguna. Meðal lög-
reglumanna sem Fréttatíminn ræddi
við, þótti þessi hefð yfirmannanna
kjánaleg.
Á fyrsta degi Sigríðar Bjarkar Guð-
jónsdóttur í starfi, 1. september 2014
sem lögreglustjóri á höfuðborgar-
svæðinu, birtist hún í svartri skyrtu,
eins og flestir lögreglumenn notuðu. Á
móti henni tóku hvítklæddir yfirmenn.
Svo virðist sem yfirmenn lögreglunnar
á höfuðborgarsvæðinu hafi farið að
klæðast svörtum skyrtum fljótlega
eftir lögreglustjóraskipti. -þt
Innflytjandi vikunnar
8 | fréttatíminn | Helgin 8. janúar-10. janúar 2016