Fréttatíminn - 08.01.2016, Blaðsíða 20

Utanríkismálanefnd var upplýst um
það í haust að viðskiptaþvinganir
gagnvart Rússum yrðu framlengdar
og meirihluti nefndarinnar studdi
það. Þetta segir Silja Dögg Gunn-
arsdóttir, varaformaður utanríkis-
málanefndar Alþingis og flokks-
systir Gunnars Braga Sveinssonar
utanríkisráðherra, sem er sagður
einangraður innan stjórnarmeiri-
hlutans vegna einarðrar afstöðu
sinnar í málinu.
Silja Dögg segir að það sé sjálf-
sagt að ræða utanríkisstefnuna hve-
nær sem er. Það myndi þó þýða al-
gera umbyltingu í utanríkisstefnu
landsins, ef Íslendingar ætluðu að
fara aðra leið í svona málum en
vestrænar vinaþjóðir. Hún trúi því
ekki að meirihluti Alþingis myndi
vilja það. Útgerðarmenn halda því
fram að sjávarútvegurinn tapi tólf
til þrettán milljörðum á ársgrund-
velli vegna viðskiptabanns Rússa en
utanríkisráðherra heldur fast við af-
stöðu sína.
Von er á skýrslu frá samráðshópi
stjórnarinnar og útgerðarmanna
um áhrif bannsins.
Silja Dögg segir að hörð gagnrýni
á utanríkisráðherra sé skiljanleg í
ljósi þeirra miklu hagsmuna sem
séu undir í málinu. Hávær og valda-
mikill minnihluti leiði umræðuna
í fjölmiðlum og uppnámið núna
sé spuni fárra og lýsi ekki afstöðu
heildarinnar. -tká
Þóra Kristín Ásgeirsdóttir
tka@frettatíminn.is
S jö karlar sem starfa á einni elstu bensínstöð borgarinn-ar telja að Olís hafi tekið sér
óþarflega langan tíma í að rann-
saka myglu sem er grunuð um að
valda endurteknum veikindum
starfsmanna. Örn Einarsson, vak-
stjóri á Klöpp, segir að starfsmenn
séu með sársaukafulla verki í höfði
og maga, þeir séu orkulausir og
syfjaðir, þá klæi um allan líkamann
og svíði í augun. „Starfsmenn hafa
hætt hér út af loftinu á stöðinni
og viðskiptavinir hafa hætt að
koma sökum þess að þeir fengu
alltaf hnerrakast þegar þeir komu
hingað inn,” segir hann.
Hann segir að fyrst hafi komið
upp grunur um myglusvepp fyrir
fimm árum án þess að neitt væri
að gert. Fyrir rúmu ári hafi verið
rifið almenningsklósett við bensín-
stöðina og þá hafi komið í ljós
svartir myglublettir. Í kjölfar þess
hafi starfsmenn þrýst enn frekar á
um að málið yrði rannsakað. Það
var í kjölfar þess að allir starfs-
menn veiktust samtímis í annað
sinn á sama árinu.
Fyrir nokkrum mánuðum komu
menn til að skoða húsnæðið og
kanna hvort þar væru skert loft-
gæði vegna myglusvepps. Gunnar
Kristinsson, hinn vaktstjórinn
á Klöpp, segir að engin formleg
niðurstaða liggi fyrir um það bil
þremur mánuðum seinna og eng-
inn frá fyrirtækinu hafi rætt við
starfsmennina.
„Það er óhætt að segja að við
séum orðnir mjög pirraðir,“ segir
Örn og bætir við að dæmi séu um
starfsmenn sem séu búnir með
alla veikindadaga sem þeir eigi
rétt á. „Kláðinn, sviði í augum,
óþægindi í hálsi, hnerra- og hósta-
köst voru fyrstu einkennin sem ég
tók eftir og þyngsli fyrir augum.
Þá varð hálft andlitið dofið og sjón-
in á hægra auga fór að flökta. Ég er
nú alveg hættur að sjá í fókus með
því auga og það sama hefur einnig
komið fyrir Gunnar,“ segir Örn.
„Það er búið að taka þá rúmlega
ár að athuga málið og okkur finnst
það fremur langur tími miðað við
það sem er í húfi fyrir okkur sem
vinnum hér á hverjum degi,“ segir
Gunnar Kristinsson.
Sjá ekki í fókus
vegna svepps
Starfsmenn hafa hætt út af loftinu á bensínstöðinni. Mynd/Rut
Matthías reyndist sannspár um Moggann
Árni Bergmann, fyrrverandi ritstjóri
Þjóðviljans, vísar til spádóms Matthíasar
Johannessen, fyrrverandi ritstjóra
Morgunblaðsins, í nýrri ævisögu sinni
sem nefnist, Eitt á ég samt. Hann segir
Matthías hafa sagt sér á bókamessunni í
Gautaborg árið 1998 að hann færi senn
að hætta á Morgunblaðinu og bætti við,
„en kannski koma svo þessir kvóta-
greifar og sölsa blaðið mitt undir sig og
sinn málflutning.“
Matthías segir í samtali við Frétta-
tímann að þetta kunni vel að vera rétt:
„Árni er nú varla að búa þetta til. Það
hlýtur að standa þarna vegna þess að
ég sagði þetta,“ segir hann.
„Við höfðum okkar stefnu í
sjávarútvegsmálum og töluðum fyrir
veiðigjöldum á Morgunblaðinu. Við
töldum að kvótakerfið væri ekki nógu
réttlátt. Mörgum útgerðarmönnum og
líka mörgum innan Sjálfstæðisflokksins
var uppsigað við það.“
Matthías virðist hafa verið sannspár
miðað við eignarhald Morgunblaðsins
en stórútgerðarmenn eru þar í miklum
meirihluta. Hann segist þó ekki vilja tjá
sig um blaðið eins og það er í dag. „Ég er
löngu hættur að lesa það, nema helstu
fréttir. Ég er aðallega að einbeita mér að
því að skrifa bækur í dag,“ segir hann.
-tka
Háværir stjórna umræðunni
Silja Dögg
Gunnars-
dóttir,
varaformaður
utanríkis-
málanefndar
Alþingis
20 | fréttatíminn | Helgin 8. janúar-10. janúar 2016
Prófaðu þetta
heyrnartæki í 7 daga
Bókaðu tíma í fría heyrnar mælingu
Sími 568 6880
www.heyrnartaekni.is
Heyrnarskerðing er þreytandi!
Heyrnartækni | Glæsibæ | Álfheimum 74 | 104 Reykjavík | Landsbyggðaþjónusta | Sími 568 6880
Ofurnett - ósýnileg í eyra eða falin á bak við eyra
Alta2 heyrnartækin frá Oticon búa yfir
einstakri tækni sem kallast BrainHearing™.
Þessi tækni hjálpar heilanum að vinna
betur úr hljóði þannig að þú upplifir það
eins eðlilega og hægt er. Með Alta2
heyrnartækjunum verður auðveldara fyrir
þig að heyra og skilja, hvort heldur sem
um lágvært samtal er að ræða eða
samræður í krefjandi aðstæðum.