Læknablaðið - 01.10.2016, Qupperneq 49

LÆKNAblaðið 2016/102 465
U M F J Ö L L U N O G G R E I N A R
að skapferli þeirra og framferði allt breytt-
ist við það að þeir komust til valda. Þessir
menn voru Tony Blair forsætisráðherra
Bretlands og Jónas Jónsson frá Hriflu sem
meðal annars átti í útistöðum við íslenska
geðlækna meðan hann gegndi embætti
dómsmálaráðherra árið 1930. Þær hugsanir
sem kviknuðu í huga undirritaðs voru þó
um öllu nýrri atburði í íslenskum stjórn-
málum sem sumir hverjir eru tæpast til
lykta leiddir þegar þetta er ritað.
En hvað sem því líður þá var gerður
góður rómur að málflutningi gestanna
og raunar fundinum öllum og fóru hinir
norrænu gestir brosandi heim úr síðsum-
arblíðunni, ögn fróðari um íslenska pólitík
og heilbrigðismál.
Þing lyflækna 2.-3. desember í Hörpu
XXII. þing Félags íslenskra lyflækna verður haldið í Hörpu í Reykjavík dagana 2.-3. desember. Þema þingsins er lyflækningar framtíðarinnar. Á þinginu
verður fjallað um sjúkrahús framtíðarinnar, göngudeildarþjónustu framtíðarinnar, einstaklingsmiðaða læknisfræði, notkun og misnotkun ópíata í lækn-
isfræði svo og nýmæli i lyfjameðferð.
Vísindarannsóknir verða kynntar með ágripum sem gefin verða út samhliða þinghaldinu og efni þeirra skýrt með veggspjöldum.
Skilafrestur ágripa er til 20. október.
Leiðbeiningar varðandi ágrip:
Hámarkslengd ágripa miðast við 250 orð (titill ágrips og nöfn höfunda og stofnana ekki talin með).
Ágrip skulu rituð á íslensku og er ætlast til að vandað sé til orðfæris og efnistaka. Lyfjaheiti skal rita með íslenskum rithætti.
Innsending ágripa og skráning á þingið á heimasíðu Athygli ráðstefna.
Skipulagningu þingsins annast Athygli ráðstefnur:
birna@athygliradstefnur.is, tobba@athygliradstefnur.is
Einnig er unnt að leita upplýsinga hjá stjórn Félags íslenskra lyflækna:
Davíð O. Arnar formaður, davidar@landspitali.is
Gerður Gröndal ritari, gerdurgr@landspitali.is
Góð fundaaðstaða í Slipp-
bíóinu á hótel Marina og
einbeitingin ósvikin.