Fréttatíminn - 12.08.2016, Blaðsíða 68

Horfir á fyrirlestra
í staðinn fyrir sjónvarpið
Fjarlægðin frá Selfossi til Akureyrar að engu orðin
Unnið í samstarfi við
Háskolann á Akureyri
Frímann Birgir Baldurs-son, varðstjóri hjá lög-reglunni á Suðurlandi hefur stundað sveigjanlegt
nám við Háskólann á Akureyri frá
haustinu 2014. „Ég var búinn að
reyna að fara í Háskóla Íslands
en þar mætti ég ósveigjanleika
sem hentaði mér illa þar sem ég
var einnig í fullri vinnu með námi.
Þegar ég hóf námið við HA komst
ég því hvað þetta hentar mér vel.
Ég stjórna því hvenær dagsins
ég horfi á fyrirlestrana og þeir
eru alveg þeir sömu og staðnem-
arnir frá,“ segir Frímann. Hann er
búsettur ásamt fjölskyldu sinni á
Selfossi en þrátt fyrir mikla fjar-
lægð frá Akureyri er það síður en
svo til trafala. „Þegar ég er svo
staddur fyrir norðan „droppa“
ég bara við í tíma. Það er
góð tilfinning að vita
að ég er staddur á
nákvæmlega sama
stað í náminu og
hinir nemendurn-
ir og það skipt-
ir raunar ekki
máli hvort ég er
staddur heima eða
í skólanum,“ segir
Frímann og bætir við
að aðgengi að kennur-
unum sé afar gott, þeir svari
Ríkari kröfur til nemandans
Sveigjanlegt nám við Háskólann á Akureyri reynist vel. „Gott að geta „pásað“ kennarann.“
Unnið í samstarfi við
Háskólann á Akureyri
Kjartan Ólafsson, lektor við HA, hefur ýmsa fjöruna sopið hvað sveigjanlega námið við skólann varðar
og man það vel þegar fjarnám-
ið var að líta dagsins ljós. „Þegar
ég byrjaði að starfa við Háskól-
ann á Akureyri, árið 2000, vorum
við og fleiri skólar í landinu að
fikra okkur af stað með það sem
við kölluðum þá fjarnám. Þá var
upphaflega hugmyndin að nánast
útvarpa til eða flytja fyrirlestra til
nemenda sem voru fjarverandi. Ég
man að mín fyrstu skref voru að
flytja fyrirlestra í fjarfundabún-
aði,“ segir Kjartan og rifjar einnig
upp hvernig hljóð voru tekin upp
á powerpointglærur. „Hugmyndin
var sú, hjá okkur kennurunum á
þeim tíma, var að sjálfsögðu vildu
nemendur frekar vilja hlusta á
okkur „live“ en að reiða sig á upp-
tökur. Þróunin hefur síðan verið
sú að gæðin á efninu er alltaf að
verða betri. Núna eru skilin á milli
þess hvað er staðnám og hvað
er fjarnám miklu óljósari,“ segir
Kjartan og bætir við að margt af
því efni sem upphaflega var hugs-
að fyrir fjarnema gagnist öllum
nemendum. Því fari mun betur á
því að tala um sveigjanlegt nám
en fjarnám.
Bera ábyrgð á eigin námi
Með sveigjanlegu námi verður
hugmyndin um það að skólinn
ákveði hvernig efni nemandinn
hefur aðgang að og sækir sér,
úrelt. „Með þessu eru gerðar
ríkari kröfur til nemandans, hann
verður að bera sjálfur ábyrgð á
því efni sem hann sækir sér. Sem
dæmi má nefna eitt námskeið
sem ég kenni, ef nemandi ætlaði
að horfa á allar upptökur, hvort
sem það eru fyrirlestrar eða ann-
að stoðefni þá væri það eins og
að horfa á allar 10 seríurnar af
Friends frá upphafi til enda.“
Fjarnám er síður en svo annars
flokks nám, að sögn Kjartans, þó
að það hafi verið litið hornauga
gegnum tíðina. „Sumum finnst að
fjarnám hljóti að vera einhvers-
konar verri útgáfa af námi, síðri
kostur, en ef eitthvað er þá þýðir
það að meira af efni er aðgengi-
legt og meiri kröfur gerðar til
nemandans sem verður að taka
skynsamlegar ákvarðanir um það
hvað hann notar og hvað ekki.
Þegar ég var í námi þurfti mað-
ur að ákveða hvað maður ætlaði
að lesa af kennslubókinni, varð
kannski djarfur og sleppti ein-
hverjum köflum en þetta er orðið
mun flóknara núna,“ segir hann.
Gott að geta „pásað“
kennarann!
Kjartan segir marga nemend-
ur nýta sér sveigjanlega námið á
mjög áhrifaríkan hátt. „Það er
aðdáunarvert að sjá hvernig
sumir nemendur nýta sér efnið.
Auðvitað eru til og hafa alltaf
verið til nemendur sem sinna
náminu ekki vel og finnst hægt
að sleppa því að mæta í tíma ef
mikið er að gera eða veðrið bara
vont og ætla sér að kíkja á tímann
seinna. Þetta gengur ekki upp
því þá safnast upp ókleift fjall.
Svo sér maður á hinum endan-
um nemendur sem eru að gera
mjög mikið, eru að fylgjast mjög
vel með efni úr tímum, hlusta á
það sem kennarinn segir aftur og
aftur, setja á pásu, garfa á netinu
og fletta upp í bókinni. Fyrir
okkur kennarana getur auðvitað
verið pínu „frústrerandi“ þegar
nemandi segir að það sé betra
að hlusta bara á mig í upptök-
unni því þá sé bara hægt að pása
mig þegar ég er farinn að tala of
hratt!“
Að sögn Kjartans hentar sveigj-
anlega námið sérstaklega þeim
nemendum sem geta tileinkað sér
öguð vinnubrögð. „Svona nám
gerir ríkulegri kröfur á nemend-
ur um sjálfsaga, þeir verða að
fylgjast reglulega með og vinna
jafnt og þétt. Námsformið hentar
nemendum sem ráða við þetta
mjög vel.“
tölvupóstum og síma eftir
fremsta mætti.
Sveigjanleikinn
hentar Frímanni vel
eins og áður seg-
ir og í stað þess að
leggjast fyrir fram-
an sjónvarpið þegar
börnin eru komin í ró
þá eyðir hann tímanum
í að horfa á fyrirlestrana.
Um miðbik annar eru síð-
an staðarlotur og þá mæta allir
nemendurnir á Akureyri og vinna
verkefni. „Þá höfum við tækifæri
til að hitta aðra nemendur og
kennarana augliti til auglitis.“
Á Selfossi er starfrækt háskóla-
setur og þar tekur Frímann öll
próf á sama tíma og samnemend-
ur hans þreyta þau fyrir norðan.
„Ef það koma einhver vafaatriði
þá er bara hringt í yfirsetumann-
eskjuna fyrir norðan og það
útkljáð.“
…skólar og námskeið 8 | amk… FÖSTUDAGUR 12. ÁGÚST 2016
Býr á Selfossi Frímann Birgir Baldursson, varðstjóri, býr á Selfossi en stundar nám við
Háskólann á Aureyri.
Sólborg. Glæsileg nýbygging HA var tekin í notkun 2013.
Í tíma. Kjartan Ólafsson lektor er einn
þeirra sem hefur tekið virkan þátt í að þróa
sveigjanlega námið í HA.
Háskólinn á Akureyri. Sveigjanlegt nám við Háskólann á Akureyri gefur nemendum kost á að haga náminu eftir þörfum og óskum.
Verkleg kennsla. Nemendur við raunvísindadeild í kennslustund.
„Þá
höfum við
tækifæri til að
hitta aðra nem
endur
og kennarana
augliti til
auglitis.“