Tímarit Hjúkrunarfélags Íslands - 01.12.1976, Blaðsíða 12
IV. kafli.
Námstími og námsefni.
10. gr.
Skólaárið skal vera 9 mánuðir og
hefjast að hausti, því skal skipt í
haustönn og vorönn og skal náms-
tíminn vera minnst 6 annir.
11. gr.
ASalnámsgreinar skulu vera: al-
menn hjúkrun, heilbrigSisfræSi, sál-
arfræSi, félagsfræði, lífefnafræði,
líffærafræði, lífeðlisfræði, meina-
fræði, sýkla- og ónæmisfræði, lyfja-
fræði, ennfremur hjúkrun og læknis-
fræðileg undirstaða á sviði lyflækn-
inga, handlækninga, geðlækninga,
barnalækninga og öldrunarfræði. I
reglugerð skal setja ákvæði um vægi
greina og tilhögun verklegrar og
bóklegrar kennslu að öðru leyti.
12. gr.
ÁkvæSi um námstima og námsefni
fyrir framhaldsmenntun skulu sett í
reglugerð.
V. kafli.
Próf og einkunnir.
13. gr.
Námsárangur skal metinn í lok
hverrar annar meS prófum eða öðr-
um aðferðum, sem hentugar þykja
og tilgreina má í reglugerð. Einkunn-
ir skulu gefnar í heilum og hálfum
tölum frá 0 upp í 10.
VI. kafli.
Um fjármál og fleira.
14. gr.
Um fjárreiður skólanna skal fara
eftir ákvæðum í reglugerð.
15. gr.
ViS framkvæmd laganna og setn-
ingu reglugerðar skal stefnt að því
að grunnnám það, er hér um ræðir,
fari á háskólastig innan 5 ára frá
gildistöku laganna .
16. gr.
Lög þessi öðlast þegar gildi og
koma til framkvæmda við upphaf
næsta árs eftir gildistöku og eftir því
sem fé er veitt til í fjárlögum. Jafn-
framt falla úr gildi lög um Hjúkrun-
arskóla Islands nr. 35 frá 18. apríl
1962 og lög nr. 81 frá 31. maí 1972
um heimild fyrir ríkisstjórnina til að
stofna og reka hjúkrunarskóla í
tengslum við Borgarspítalann í
Reykj avík.
Skýringar varðandi einstakar
greinar í drögum að frumvarpi
til laga um hjúkunarskóla
2. gr.
AS loknu prófi í hjúkrunarskóla
á hjúkrunarfræðingur að geta:
1. Gert sér ljósa ábyrgð sína og
skyldur sem hjúkrunarfræðingur.
2. Hjúkrað sjúkum og tekið þátt í
heilsurækt og heilsuvernd innan
heilbrigðisstofnana og utan.
3. MetiS hjúkrunarþarfir einstak-
linga, fjölskyldna og hópa.
4. Gert hjúkrunaráætlanir og hjúkr-
að samkvæmt þeim. Metið árang-
ur starfsins og notfært sér niður-
stöðurnar til bættrar þjónustu.
5. Veitt fræðslu á eigin hjúkrunar-
sviði, nemendum, sjúklingum og
öðrum skjólstæðingum.
6. Tekið ábyrgan þátt í stjórnun
hjúkrunarmála.
7. Verið virkur þátttakandi í sam-
starfi heilbrigðisstétta.
8. AflaS sér aukinnar menntunar í
samræmi við þær kröfur sem
gerðar eru til hjúkrunarstéttar-
innar hverju sinni.
3. gr.
Sameiginlegri stjórn skólanna er
ætlað að auðvelda yfirsýn varðandi
þróun hjúkrunarmenntunar í sam-
ræmi við þörf þjóðfélagsins, efla
samstarf, auðvelda verkaskiptingu
og auka hagnýtingu fjármuna og
starfskrafta skólanna.
Níu manna stjórn getur reynst
þung í vöfum, en til þess er ætlast,
að hún annist aðeins ákvarSanir
meiri háttar mála, og því er unnt að
komast af með fáa fundi á hverju
skólaári. Þátttaka nefndra aðila er
nauðsynleg og lögð er áhersla á, að
skólastjórar beggja skólanna hafi
fulla hlutdeild í stjórnarstarfinu.
5. gr.
Mikilvægt er að skólastjórar og
kennarar hafi staðgóSa menntun í
kennslu og stjórnsýslu. Reglugerðar-
ákvæði um menntunarkröfur þeirra
verða að breytast og aukast í sam-
ræmi við þarfir skólanna.
7. gr.
Val hinna einstöku greina og
námsmagn í aðfaranámi er miðaS
við að nemandi í hjúkrunarfræði
hafi gott vald á íslenskri tungu, geti
lesið fræðibækur og fagtímarit á
ensku og dönsku og hafi næga þekk-
ingu í stærðfræði, efnafræði og líf-
fræði sem undirbúning að lífefna-
fræði, lífeðlisfræði, lyfjafræði og
fleiri námsgreinum. Gert er ráð fyrir
að þessar kröfur um aðfaranám komi
til framkvæmda í áföngum, þannig
að settu marki verði náð eigi síðar
en 5 árum eftir gildistöku laganna.
Nauðsynlegt er að öll hjúkrunar-
stéttin hljóti menntun á sama grund-
velli og aðrar þær heilbrigðisstéttir,
er annast álíka fræðileg og tækni-
lega vandasöm störf. Þær stéttir
eru m.a. tannlæknar, lyfjafræðingar,
félagsráðgjafar og sjúkraþjálfarar.
Nám þessara stétta hefir verið fært
á háskólastig í þeim tilgangi að þær
njóti betri menntunar og rannsókn-
araðstöðu.
VarSandi aðfaranámið skal vakin
á því athygli, að líklegt er að Há-
skóli íslands hverfi frá því að miða
eingöngu við stúdentspróf sem inn-
tökuskilyrði.
10. gr.
ESlilegt er að hjúkrunarskólar
starfi 9 mánuði á ári sem og aðrir
skólar. Nemendur taki ekki laun, en
eigi kost á námslánum og styrkjum
til jafns við aðra.
138
TÍMARIT HJÚKRUNARFÉLAGS ÍSLANDS