Tímarit Hjúkrunarfélags Íslands - 01.12.1976, Blaðsíða 39
með þunnum plástri, sé sárið stærra
er hægt að klippa ofan af þvagpoka
sem tengdur er súrefninu. 10 1 per
mín. af súrefni í eina klst. Eftir það
er grisja með 40% glucose sett í sár-
ið og höfð í fjóra tíma, því næst ?úr-
efni í einn tíma. Eftir þessa meðferð
eru lagðar á þurrar umhúðir og
sjúklingurinn látinn hvíla sig til
næsta dags.
Daginn eftir sjáum við oft okkur
til mikillar ánægju, að sárbarmarnir
hafa dregist saman.
Ef sjúklingurinn þolir að með-
ferðin sé endurtekin daglega gerum
við það, ef ekki þá annan hvern dag.
Þá daga, sem hann fær ekki áður-
nefnda meðferð, setjum við til skipt-
is Dianabol krem og Vitapansmyrsl í
sárið (Dianahol krem er vefsupp-
byggjandi, og má ekki hlandast sam-
an við önnur krem. Vitapansmyrsl
inniheldur 4200 IE A-vítamín og
græðir mjög vel).
Þegar sárið er meðhöndlað verð-
ur að gæta ýtrustu varkárni lil að
eyðileggja ekki granulations vefinn.
Til hreinsunar á umhverfi sársins og
e. t. v. fyrst í stað sárið sjálft, notum
við Benzalkoni upplausn 0,1% eða
Pyrisept (1 %c, 1 prómill), en slíkir
hreinsivökvar mega alls ekki koma í
sárið sjálft, eftir að granulation er
byrjuð. Sárbarma, sem byrjaðir eru
að dragast saman, verður að með-
höndla gætilega, því húðin er þunn
og viðkvæm. Við notum Jecsderm-
smyrsl. Það er mjög gott að smyrja
því, og auk þess vatnsverjandi.
Með þessari meðferð höfum við
náð slíkum árangri að legusár er áð-
ur virtust vonlaus, hafa náð að gróa.
□
Kennarafundur i Munaðarnesi
Framh. aj bls. 157.
stæðingsins. Þeim mun ítarlegri
skulu þær vera, sem hjúkrunarþörf-
in er meiri.
Eins og áður sagði er eðlilegast að
hjúkrunarfræðingurinn geri hjúkr-
unarskrá að mestu leyti um leið og
hann tekur á móti skjólstæðingnum.
Síðan gæti læknir lesið hana áður en
hann skrifar sj úkraskýrslu og mundi
þá vera hægt að komast hjá að marg-
spyrja skjólstæðinginn um sömu at-
riði. I þeim tilvikum, er skjólstæð-
ingurinn liefur áður verið á sömu
stofnun, er rétt að allar upplýsingar,
sem stofnunin hefur um hann, liggi
fyrir áður en hann kemur.
Astæða er til að minna á að fara
með allar upplýsingar sem trúnaðar-
mál.
2. Mat árangurs - túlkun gagna
Matið byggist á þeim upplýsingum,
sem aflað hefur verið. Hafa verður i
huga, að viðbótarupplýsingar geta
breytt matinu.
3. Skráning vandamála - val verk-
efna
Hjúkrunarfræðingurinn leitast við
að koma til móts við þær grundvall-
arþarfir skjólstæðingsins, sem eru
mest aðkallandi hverju sinni.
4. Markmiðsgerð
Hjúkrunarfræðingurinn gætir þess
að skjólstæöingurinn sé alltaf með í
markmiðsgerð, sé hann fær um það.
Það ýtir undir að hann fái upplýs-
ingar um fyrirhugaða meðferð, hvet-
ur hann til þátttöku í meðferðinni og
auðveldar honum að koma auga á og
e. t. v. gleðjast yfir árangrinum. Við
markmiðsgerð skal taka tillit til á-
kvarðana læknis um meðferö, til ann-
arra starfsmanna og í mörgum tilfell-
um fjölskyldu skjólstæðingsins.
5. Hjúkrunaráœtlun
Áætlunin verður ekki gerð í eitt
skipti fyrir öll, heldur er hún í stöð-
ugri endurskoöun, með tilliti til þess
á hvern hátt ástand skjólstæöingsins
breytist, á meðan hann er í umsjá
hjúkrunarfræðings. Tillögur til
lausnar vandamálum miða að sjálf-
sögðu að því að ná markmiðinu sem
áður var sett.
6. Mat
Matið ákvarðast af árangri meðferð-
ar, að áliti fyrrnefndra aðila.
Gréta Aðalsteinsdóttir,
Lilja Oskarsdóttir,
Sigþrúður Ingimundardóttir.
Siþjálfun likamans
Framh. af bls. 159.
ur losað menn við innibyrgða reiði
og aðrar bælingar.
Máli skiptir að menn gleymi því
ekki að þeir eru hreyfiverur, að þeir
eru skapaðir með þann eiginleika að
geta hreyft sig og erfiðaö og að þeir
verða að gera hvoru tveggja ef lík-
aminn á að halda reisn sinni og al-
mennri starfshæfni. Krefji hið dag-
lega líf manninn ekki um slíkar
hreyfingar og erfiði verður hann að
skammta sér hvort tveggja sjálfur á
virkan hátt. I þeim efnum er úr
mörgu að velja. Leikir og íþróttir
bjóðast nú til dags í meira úrvali en
nokkru sinni fyrr. Þó eru leikir og
íþróttir ekki öllum að skapi. Þeir sem
ekki hafa áhuga fyrir sundi, hlaupi,
blaki, hniti, boltaleikjum eða öðru í
þeim dúr, geta valið sér einfalt og ó-
dýrt form líkamsþjálfunar ef þeir
vilja: Göngur. Að ganga ákveðnar
vegalengdir dag hvern er flestum til-
tæk þjálfunaraðferð, en þá verður
að gæta þess að ganga allhratt. Sam-
tímis njóta menn góðs af útiveru.
Menn eru í eðli sínu latir og ótrú-
lega fúsir að taka áhættuna af ónógu
líkamserfiði. Samt er ekki mikils
krafist: Til þess að viðhalda dágóðri
starfshæfni líffæra og líkamans í
heild nægir 15-30 mínútna líkams-
þjálfun á dag ef vel er unnið. Saman-
lagt krefst þetta aðeins l%-3 klst. á
viku. Q
TÍMARIT HJÚKRUNARFÉLAGS ÍSLANDS
161