Tímarit Hjúkrunarfélags Íslands - 01.12.1976, Blaðsíða 20
kennarar námsbrautarinnar, tveir fulltrúar læknadeildar
kosnir til tveggja ára í senn og einn fulltrúi háskólaráðs
kosinn til sama tíma. Ennfremur fulltrúar stúdenta og
fer um tölu þeirra eftir sömu reglum og gilda um setu
stúdenta á deildarfundum. Stjórnin kýs formann úr sín-
um hópi.
95. gr.
Þegar háskólaráð eða deildarráð læknadeildar fjallar
sérstaklega um málefni námsbrautarinnar skal boða
formann námsbrautarstjórnar eða þann, sem hann kveð-
ur til úr hópi stjórnarmanna á fund háskólaráðs eða
deildarráðs og hefur hann þar fullt málfrelsi og tillögu-
rétt.
96. gr.
Námsbrautarstjórn gerir árlega áætlun um kennslu,
húsnæðisþörf, rekstrarkostnað og þróun námsbrautar-
inn. Námsbrautarstjórn fjallar um umsóknir um starf
námsbrautarstjóra og fastra kennara. Námsbrautar-
stjórn ræður stundakennara í samráði við námsbrautar-
stjóra.
97. gr.
Námsbrautarstjóri skal starfa við námsbrautina þar til
minnst 3 fastir kennarar hafa verið ráðnir, eða annað
verður ákveðið. Hann skipuleggur námið eins og það
er ákveðið af námsbrautarstjórn. Hann ber ábyrgð á
daglegri stjórn námsins, semur lestrar- og kennsluáætl-
anir í samráði við kennara, samræmir námsefni,
kennslu og próf, veitir nemendum leiðbeiningar og ráð-
gjöf, skipuleggur og hefur eftirlit með prófum í sam-
ráði við kennara og prófstjóra Háskóla lslands og hlut-
ast til um að nemendur geti eftir atvikum átt aðild að
rannsóknarverkefnum. Námsbrautarstjórn ákveður
kennsluskyldu námsbrautarstj óra.
98. gr.
Hjúkrunarfræði á námsbrautinni er fjögurra ára nám
og lýkur með B. S.-gráðu í greininni. Hámarksnámstími
er sex ár. Námsbrautarstjórn er heimilt að veita undan-
þágu frá ákvæði þessu, ef sérstaklega stendur á.
99. gr.
Námsbrautarstjórn ákvarðar vægi kennslugreina nema
greinin sé tekin að öllu leyti á vegum annarrar deildar
eða námsbrautar.
Kennsla í hverri námsgrein er miðuð við það, að stúd-
entar fái sem fyllsta yfirferð yfir hana áður en þeir skrá
sig til prófs í greininni. Kennslan fer fram í fyrirlestr-
um, samtölum, umræðuhópum, með sýningum og verk-
legum æfingum.
100. gr.
A vegum námsbrautarinnar eru kennd almenn hjúkrun-
arfræði og sérgreinar hjúkrunar. Eftirtaldar námsgrein-
ar og námsgreinaflokka skal sækja til deilda háskólans:
1. Efnafræði 6. Lífefnafræði
2. Félagsfræði 7. Lífeðlisfræði
3. Líffærafræði 8. Lyfjafræði
4. Sýkla- og ónæmisfræði 9. Meinafræði
5. Sálarfræði
Leitast skal við að þau námskeið, sem sótt eru til
deilda, séu sem mest sniðin við hæfi nemenda í hjúkr-
unarfræðum. Sé þess ekki kostur skal efnt til sérstakra
námskeiða.
101. gr.
Um almenn ákvæði um próf vísast til 6. kafla reglu-
gerðar Háskóla íslands. Prófað er í janúar, að vori og
hausti. Haustpróf eru eingöngu upptöku- og sjúkrapróf
og skal lokið fyrir 15. september. Námsbrautarstjórn
getur þó ákveðið í samráði við kennara próf á öðrum
tímum.
Próf skulu vera skrifleg, verkleg eða munnleg eftir
nánari ákvörðun námsbrautarstjórnar og í samráði við
kennara. Prófa skal sem víðast úr námsefni. Stúdent
skal ljúka námsefni 1. og 2. árs á þremur árum hið
mesta. Námsbrautarstjórn er heimilt að veita undan-
þágu frá þessu ákvæði, þegar sérstaklega stendur á.
Einkunnir skal skrá í heilum og hálfum tölum frá 0-
10. Stúdent, sem nær ekki einkunn 5,0 á einhverju
prófi, telst ekki hafa staðist það próf.
102. gr.
Námsbraut í hjúkrunarfræðum er heimilt að standa fyr-
ir námskeiðum til endurmenntunar eða framhalds-
menntunar fyrir þá, sem lokið hafa prófi í greininni við
háskóla eða sérskóla.
Lokaord
Ég hef stiklað á stóru, reynt að ná saman aðalatriðum.
Margt er þó ósagt. Námsbraut í hjúkrunarfræði er enn
að mótast. Mikið og vandasamt verk er framundan —
hvernig til tekst er óséð.
Eitt skulum við hafa í huga: Skóli er lífæð hverrar
starfsgreinar. Á miklu veltur, að sú lífæð sé sterk og
traust og slái í takt við tímann.
24. október 1976.
Kennsluskrá námsbrautarinnar liggur frammi í skrif-
stofu HFÍ fyrir þá, sem hafa hug á að kynna sér náms-
efnið nánar.
Ritstjóri.
146
TÍMARIT HJÚKRUNARFÉLAGS ÍSLANDS