Tímarit hjúkrunarfræðinga - 01.02.1999, Blaðsíða 7

Gleðilegt ár!
Þó áriö sé nýbyrjað eru tveir fyrstu
mánuðirnir senn á enda. Við erum
stöðugt minnt á hve tíminn flýgur
hratt, nú er 20. öldin senn liðin og
um næstu áramót göngum við á vit
nýrrar aldar. Tækniþróunin, sem hefur
sett svip sinn á öldina, einkum þó
síðustu áratugi, heldur eflaust áfram
að koma fram með nýjungar sem
okkur órar ekki fyrir í dag. Það eru
t.d. ekki nema 20 ár síðan fyrstu
tölvurnar voru almennt teknar í
notkun hér á landi, þá voru þær
gríðarstórar og lögðu undir sig heilu
herbergin. í dag geta fistölvur
afkastað því sem þessir frumherjar á
tölvumarkaðnum gátu áður og gott
betur. Á heilbrigðissviðinu eru sífellt
að koma fram tækninýjungar og nýjar
upplýsingar grundvallaðar á
rannsóknum sem geta bætt heilsufar
i okkar og leyst heilbrigðisvandamál á
árangursríkari og einfaldari hátt en
áður. Meðalævi manna lengist en
þrátt fyrir það erum við stöðugt minnt
á hve mannsævin er stutt, aðeins eitt
örlítið brot í eilífðinni. Nú þegar ár
aldraðra er gengið í garð er mikilvægt
að leggja áherslu á að nýta árin sem
best, bæta lífi við árin en ekki
endilega einungis árum við lífið.
í þessu fyrsta tölublaði ársins
1999 er reynt að hafa efnið sem
fjölbreyttast þannig að líkur séu á því
að flestir finni eitthvað við sitt hæfi.
í þessu tölublaði bætist ein ritrýnd
grein í hóp þeirra sem birst hafa
áður, en þar að auki er grein í
greinaflokknum um heilbrigði kvenna
og fræðigrein um verkjameðferð með
ópíumlíkum lyfjum. Nýr landlæknir
i hefur tekið til starfa og er hann
heimsóttur á skrifstofuna sína. Ólafur
Ólafsson, fráfarandi landlæknir, hefur
frá ýmsu að segja og viðrar skoðanir
sínar eftir 26 ár í starfi. Við heyrum í
hjúkrunarforstjóra frá Noregi,
kynnumst stefnumótun í geðheil-
brigðismálum, kynnumst nýju fram-
gangskerfi innan hjúkrunarinnar og
hvernig það hefur verið framkvæmt á
Landspítalanum og Sjúkrahúsi
Reykjavíkur. Auk þess er að finna í
blaðinu ýmsar hagnýtar upplýsingar,
svo sem um orlofssjóð og vísinda-
sjóð, ritstjórnarstefnu, upplýsingar
um starfsfólk og netföng þeirra, lista
yfir formenn fagdeilda og svæðis-
deilda o.fl. þess háttar. Nýr
forvarnarpistill hefur hafið göngu sína
og skrifar Sigríður Ólafsdóttir
hjúkrunarfræðingur um mikilvægi
sojabauna.
Ég var að fletta gömlum tölu-
blöðum og sé að sífellt er verið að
minna á mikilvægi þess að miðla
upplýsingum innan stéttarinnar. í
leiðara fyrsta tölublaðs Hjúkrunar
sem gefið var út í júní 1925 stendur
m.a.: „Hver einasta manneskja, sem
fæst við hjúkrunarstarf, verður fyrir
margvíslegri reynslu sem er séreign
hennar, reynslu sem hún getur
auðgað hinar starfsystur sínar af.
hugsjónum sem hún getur gefið,
vandamálum sem hún getur á sama
hátt borið undir þær.“ Þessi orð eiga
ekki síður við í dag en þegar þau
voru skrifuð. Hjúkrunarfræðingum
hefur fjölgað og sérhæfing hefur
aukist innan stéttarinnar og því er
enn mikilvægara að miðla upplýs-
ingum og þekkingu. Tækniframfarir
auðvelda samband lesenda og
blaðsins þar sem nú er hægt að
senda greinar og myndir með
tölvupósti.
Með kveðju og von um að fá
margar góðar sendingar á næstunni.
Valgerður Katrín Jónsdóttir
Tímarit hjúkrunarfræðinga • 1. tbl. 75. árg. 1999
7