Tímarit hjúkrunarfræðinga - 01.02.1999, Blaðsíða 74

S J Ú KRAH Ú S
REYKJAVÍ KU R
Hjúkrun
Þekking í þína þágu
Á Sjúkrahúsi Reykjavíkur eru lausar stöður á hjúkrunarsviði. Boðið er upp á margvísleg spennandi
atvinnutækifæri fyrir metnaðargjarna og glaðlynda hjúkrunarfræðinga. Sjúkrahús Reykjavíkur er
fjölbreyttur vinnustaður þar sem hjúkrunarfræðingum gefst tækifæri til að þjálfa huga og hönd í hinum
fjölmörgu sérgeinum hjúkrunar. Mörg tækifæri gefast til símenntunar og þátttöku í rannsóknarvinnu. Við
leggjum áherslu á vinsamlegt og faglegt starfsumhverfi þar sem hver einstaklingur fær að njóta sín.
Geðsvið
Á geðsviði er rekin þjónusta í Fossvogi, á Hvítabandi og að Arnarholti við bráðveika og langveika geðfatlaða. Þjónustan er í formi innlagna,
dagvistunar, hópvinnu og endurhæfingar. Þar gefst tækifæri til að kynna sér mörg mismunandi meðferðarform á flóknum og krefjandi
viðfangsefnum. Geðsvið SHR hefur sérstöðu vegna nálægðar við slysa- og bráðamóttöku SHR.
Nánari upplýsingar veitir Guðný Anna Arnþórsdóttir
hjúkrunarframkvæmdastjóri í síma 525-1405 eða deildarstjórar í síma 525-1000.
Lyflækníngasvið
Á lyflækningasviði eru almennar og sérhæfðar lyflækningadeildir með mjög fjölbreytt verkefni.
Þar er einnig barnadeild sem leggur áherslu á heildstæða þjónustu við börn og fjöiskyldur þeirra.
Nánari upplýsingar veitir Áslaug Þóra Karlsdóttir, hjúkrunarframkvæmdastjóri, í síma 525-1555
eða deildarstjórar í síma 525-1000.
Endurhæfingar- og taugasvið
Að Grensásdeild eru sjúklingar með ýmsa taugasjúkdóma og verkjavandamál ásamt sjúklingum
sem þarfnast umfangsmikillar endurhæfingar vegna sjúkdóma eða slysa.
Nánari upplýsingar veitir Guðlaug Rakel Guðjónsdóttir,
hjúkrunarframkvæmdastjóri, í síma 525-1652 eða deildarstjórar í síma 525-1000.
Skurðlækningasvið
Á skurðlækningasviði eru legudeildir fyrir aðgerðasjúklinga, skurðstofur, svæfingadeild, gjörgæsludeild, sótthreinsunardeild, göngudeild og
dagdeild. Dæmi um aðgerðir sem gerðar eru á sjúkrahúsinu eru heila- og taugaaðgerðir, háls-, nef- og eyrnaaðgerðir, brjósthols- og
kviðarholsaðgerðir, bæklunaraðgerðir og aðgerðir á þvagfærum. Tækifæri til aukinnar þekkingar og þjálfunar eru því fjölmörg og spennandi.
Nánari upplýsingar veitir Gyða Halldórsdóttir, hjúkrunarframkvæmdastjóri,
í síma 525-1305 eða deildarstjórar í síma 525-1000.
Slysa- og bráðasvið
Deildir slysa- og bráðasviðs sinna mörgum spennandi og krefjandi verkefnum. Má þar nefna móttöku og hjúkrun bráðveikra og slasaðra,
forgangsröðun, símaráðgjöf, áfallahjálp og hjúkrun þolenda kynferðisofbeldis. Göngudeild G-3 sinnir eftirliti og ráðgjöf. Gæsludeild sinnir eftirliti
og meðferð fyrsta sólarhring eftir innlögn.
Nánari upplýsingar veitir Guðbjörg Pálsdóttir, hjúkrunarrframkvæmdastjóri,
í síma 525-1705 eða deildarstjórar í síma 525-1000.
Qldrunarsvið
Deildir öldrunarsviðs eru flestar staðsettar á Landakoti, ein legudeild er í Fossvogi. Starfsemin er mjög fjölbreytt.
Unnið er í teymisvinnu við að finna bestu meðferðarúrræði fyrir hvern einstakling og fjölskyldu hans.
Nánari upplýsingar veitir Anna Birna Jensdóttir, hjúkrunarframkvæmdastjóri,
í síma 525-1888 eða deildarstjórar í síma 525-1800.
Kiörár
Tilgangur kjörárs er að veita nýjum hjúkrunarfræðingum á Sjúkrahúsi Reykjavíkur markvissa aðlögun og faglegan stuðning á nýjum vinnustað.
Þeir hjúkrunarfræðingar sem skrá sig á kjörár starfa í 1 ár í 80-100% starfi, velja tvær valdeildir (5,5 mán. x 2) og eina sérdeild í 2 vikur. Markviss
aðlögun, fyrirlestrar og lesdagar er hluti af dagskrá kjörárs. Boðið er upp á reglubundna fundi með reyndum hjúkrunarfræðingum.
Verið velkomin að leita upplýsinga á skrifstofu hjúkrunarforstjóra í Fossvogi í síma 525-1221 eða
beint hjá viðkomandi hjúkrunarframkvæmdastjóra eða deildarstjóra.
Laun samkvæmt gildandi samningum viðkomandi stéttarfélags og fjármálaráðherra.
74
Tímarit hjúkrunarfræðinga • 1. tbl. 75. árg. 1999