Tímarit hjúkrunarfræðinga - 01.02.1999, Qupperneq 35
hvergi minnst á þátt hjúkrunar í góðum árangri þeirra.
Læknar minnast sjaldan á þátt hjúkrunarinnar, virðast líta á
þann þátt sem gefinn, en það er okkar hlutverk að halda
mikilvægi hjúkrunarinnar á lofti. Hjúkrunin hefur verið svo til
ósýnileg en við verðum að gera hana sýnilegri og það
gerum við m.a. með því að tala um hjúkrunina, ræða um
hvað við erum að gera og hvernig við gerum það. Við
höfum ekki haft sterka rödd en því verðum við að breyta.
Við erum sérfræðingar í því að hlúa að öðrum og við
höfum ýmislegt fram að færa varðandi það hvað best sé
að gera fyrir sjúklinginn hverju sinni.“
En er ekki skortur á hjúkrunarfræðingum í Noregi eins og
hér á landi? „Ég held að það sé nóg til af menntuðum hjúkr-
unarfræðingum," svarar hún. „Við þurfum hins vegar að
kanna hvað við höfum gert til að halda þeim í vinnu, hvernig
sjúkrahúsin eru skipulögð og við þurfum að endurskoða
hlutverk yfirmanna. Við verðum að bjóða hjúkrunarfræðing-
um upp á möguleika á starfsframa, auka símenntunarnám-
skeið og bjóða upp á ýmsa aðra starfsþjálfun. Of mikið
vinnuálag og einhæfni í starfi eykur líkurnar á því að hjúkr-
unarfræðingar segi upp störfum og leiti annað. Hjúkrunar-
fræðingar vinna oft og tíðum undir miklu álagi og þeir þurfa
umönnun eins og aðrir og það er hlutverk stjórnenda að sjá
um að þörfum þeirra sé fullnægt og þeir séu ánægðir í
starfi. Þeir þurfa að fá faglega og persónulega hvatningu."
Hún leggur áherslu á mikilvægi þessara menntunar- og
félagslegu þátta í því að halda í starfsfólk sjúkrahúsanna.
„Við lifum á þeim tímum þar sem mjög margt er hægt að
gera fyrir sjúklinginn, m.a. vegna tækniframfara og ýmiss
konar nýjunga á sviði læknavísindanna. Þessar breytingar
hafa átt sér stað um heim allan, ekki bara í Noregi, og því
er kominn tími til að kanna hvernig við getum nýtt mennt-
un og þekkingu starfsfólks á þann hátt sem nýtist
sjúklingnum best og í því tilliti þurfum við að athuga
hvernig innra skipulag sjúkrastofnana og hlutverk stjórn-
enda getur veitt sem besta þjónustu. Sjúklingar eru mun
betur upplýstir nú en áður og við krefjumst betri þjónustu.
Við viljum fá að vita um ýmsa meðferðarmöguleika og
hvaða afleiðingar þeir hafa. Hvaða lyf er verið að ráðleggja
okkur að taka og hverjar helstu aukaverkanir eru. Læknar
og hjúkrunarfræðingar verða að vera opnari og miðla
upplýsingum til sjúklinganna. Það veitir ekki bara betri
þjónustu, það sparar einnig peninga."
Og hún tekur dæmi af sjálfri sér er hún þurfti að fara í
aðgerð á auga. Hún segist hafa fengið upplýsingar um
aðgerðina en ekki nægar, ýtarlegri upplýsingar hefðu dreg-
ið úr áhyggjum og auðveldað daglegt líf eftir aðgerðina. „Af
hverju var mér t.d. ekki sagt að ég þyrfti að taka með mér
sólgleraugu þar sem ég þoldi ekki Ijósbirtuna fyrst á eftir?
Einfaldar upplýsingar sem þessar hefðu auðveldað mér
lífið, og hvað má þá segja um aðra sem fara í stærri og
flóknari aðgerðir? Tökum sem dæmi konu sem þarf að
láta fjarlægja annað brjóstið vegna krabbameins. Það er
hægt að draga heilmikið úr kvíða og áhyggjum með
fræðslu og upplýsingum. Kona, sem fer í slíka aðgerð án
þess að hlúð sé að henni eða hún upplýst nægilega, gæti
fundið fyrir þunglyndi á eftir, gæti jafnvel lent inni á sjúkra-
stofnun vegna þess. Góð hjúkrun er því ekki eingöngu
spurning um líðan sjúklingsins heldur getur hún einnig
sparað samfélaginu stórfé.
Og það er okkar verkefni að koma þessum skilaboðum
á framfæri.“
Féiag fagfólks um hjarta-
og luiA-^tíAtnAurkœf-
ÍHAU
Þann 27.11. sl. var í Reykjavík stofnað félag fagfólks
um hjarta- og lungnaendurhæfingu, en meginmark-
mið félagsins er að auka samstarf fagfólks sem
starfar við eða vill styðja endurhæfingu hjarta- og
lungnasjúklinga, styrkja forvarnir og hvetja til fræðslu
og rannsókna um hjarta- og lungnaendurhæfingu.
Félaginu er því ætlað að vera sameiginlegur vett-
vangur þeirra fagstétta sem með einum eða öðrum
hætti taka þátt í hjarta- og lungnaendurhæfingu, s.s.
lækna, sjúkraþjálfara, hjúkrunarfræðinga, lífeðlisfræð-
inga, næringarfræðinga, íþróttafræðinga, iðjuþjálfa,
sálfræðinga, sjúkraliða og fl.
Stjórn félagsins, sem kosin var á stofnfundi, skipa:
Hans Jakob Beck læknir, Arna Elísabet Karlsdóttir
sjúkraþjálfari, bæði á Reykjalundi og HL-stöðinni í
Hátúni, Sigríður Lóa Rúnarsdóttir, hjúkrunarfræðingur
á SHR, Axel Sigurðsson, læknir á Lsp., og Svava
Engilbertsdóttir, næringarfræðingur á SHR.
Þegar hafa rúmlega fimmtíu manns skráð sig sem
stofnfélaga, en ákveðið hefur verið að þeir sem gangi
í félagið fyrir 1. mars nk. skuli teljast til stofnfélaga.
Félagsgjald er hóflegt, eða 1000 kr. á ári.
Stjórn félagsins vill hvetja alla áhugasama til
þátttöku og getur veitt nánari upplýsingar. Umsóknir,
sem þurfa að vera skriflegar, skal senda til Hans J.
Beck eða Örnu E. Karlsdóttur á Reykjalund, 270
Mosfellsbæ (bréfasími 5668240).
Á umsókn skal tilgreina auk fulls nafns og
heimilsfangs starfsheiti, vinnustað og netfang ef við á.
Stjórn FHLE
Tímarit hjúkrunarfræðinga • 1. tbl. 75. árg. 1999
35