Tímarit hjúkrunarfræðinga - 01.02.1999, Blaðsíða 60

skal að því að koma á endur- og símenntun með
fjarkennslu í samstarfi við háskólastofnanir.
allt frá meðferð mikið veikra sjúklinga að stefnumótum
heilbrigðisþjónustunnar í heild.
Hópurinn komst að þeirri niðurstöðu að margir þættir
innan heilbrigðisþjónustunnar væru frábrugðnir í dreifbýli og
þéttbýli og svo virtist sem lítill skilningur væri á þeim málum
innan félagsins svo og almennt innan heilbrigðiskerfisins.
Hópurinn kom því fram með tillögu um að skipuð yrði
nefnd fulltrúa svæðisdeilda félagsins til að samræma
tillögur og ályktanir frá svæðisdeildum og setja fram sér-
staka stefnu um hjúkrun og heilbrigðisþjónustu í dreifbýli.
Samantekt
Nám hjúkrunarfræðinga og möguleikar þeirra á að stunda
endur- og símenntun er þeim ofarlega í huga og nefna 5
hópar möguleika á framhaldsnámi, viðbótar- og símenntun
fyrir hjúkrunarfræðinga sem eitt af brýnustu verkefnum á
sínu sviði.
Aukin áhersla á fyrirbyggjandi þjónustu og forvarnir
kemur fram hjá hópunum sem fjölluðu um stefnu félagsins
í geðheilbrigðismálum, heilbrigðisþjónustu aldraðra og
heilsugæslu. Heilsugæsluhjúkrunarfræðingar og geðhjúkr-
unarfræðingar benda á mikilvægi aukinnar þjónustu á
heilsugæslustöðvum hvað varðar m.a. geðvernd og
heilsugæslu í framhaldsskólum þar sem lögð er áhersla á
forvarnir auk sálfélagslegs stuðnings.
Þá benda geðhjúkrunarfræðingar á að auka þurfi
geðhjúkrun inni í fangelsum.
Þeir sem fjölluðu um stefnu í sjúkrahúsþjónustu og
heilbrigðismálum í dreifbýli lögðu áherslu á að standa vörð
um hagsmuni skjólstæðinga varðandi aðgengi að
heilbrigðisþjónustu og vaxandi gjaldtöku.
Að lokum þótti hjúkrunarfræðingum brýnt að rödd
þeirra heyrðist meira varðandi stefnumótun í heilbrigðis-
þjónustunni og hjúkrunarfræðingar tæku virkari þátt í
ákvörðunum sem teknar eru á öllum stigum þjónustunnar,
5 ÁYA
Þann 15. janúar voru fimm ár frá stofnun Félags
íslenskra hjúkrunarfræðinga, en þá voru Félag
Háskólamenntaðra hjúkrunarfræðinga og Félag
íslenskra hjúkrunarkvenna lögð niður og allir
hjúkrunarfræðingar sameinuðust í einu félagi. Engin
afmælisveisla var haldin í tilefni dagsins, en þeir sem
voru svo heppnir að leggja leið slna á skrifstofuna
gátu átt von á að þeim yrði boðið upp á konfektmola
í tilefni afmælisins.
Lokaorð
í framhaldi af stefnu Félags íslenskra hjúkrunarfræðinga í
hjúkrunar- og heilbrigðismálum, sem samþykkt var á full-
trúaþingi félagsins í maí 1997, var ákveðið að fag- og
svæðisdeildir félagsins héldu áfram stefnumótunarvinnunni
hver á sínu sviði. Mikil vinna og góð hefur farið fram í
deildunum. Hluti þeirrar vinnu var kynntur og ræddur á
hjúkrunarþinginu. Með þessari vinnu hefur verið lagður
grunnur að ýtarlegri stefnumótun félagsins sem gerir það
hæfara til að sinna tilgangi sínum sem er m.a. að vinna að
bættu heilsufari landsmanna með því að stuðla að góðri
hjúkrun og betri og hagkvæmari heilbrigðisþjónustu í
landinu. Þessari vinnu er enn ekki lokið en það er von
stjórnar félagsins að fagdeildirnar haldi áfram stefnu-
mótunarvinnunni þannig að félagið eigi tiltæka heildstæða
stefnu í hjúkrunar- og heilbrigðismálum sem nýtist við
þróun og uppbyggingu heilbrigðismála á íslandi.
Golfmót hjúkrunarfræðinga?
Nokkrir hjúkrunarfræðingar hafa á undanförnum árum
sýnt áhuga á að stofna golfklúbb hjúkrunarfræðinga.
Meginstarfsemin yrði golfmót, sem haldið yrði árlega,
og hugsanlega aðrar samverustundir á golfvöllum
landsins. Allt eftir áhuga hjúkrunarfræðinga. Við undir-
ritaðar höfum tekið að okkur að kanna áhuga á að
þetta komi til framkvæmda. Biðjum við þær/þá sem
áhuga hafa að hafa samband við okkur í síma eða
með því að senda okkur tölvupóst.
Sé áhugi fyrir hendi tökum við að okkur að kalla
saman hóp áhugasamra og skipuleggja fyrsta mótið
sumarið 1999.
Golfkveðjur,
Herdís Sveinsdóttir
sími 553 3880 (hs)
525 4971 (vs)
tölvupóstur herdis@rhi.hi.is
Kristín Pálsdóttir
sími 555 1382 (hs)
550 26 00 (vs)
tölvupóstur kristinp@centrum.is
60
Tímarit hjúkrunarfræðinga • 1. tbl. 75. árg. 1999