Tímarit hjúkrunarfræðinga - 01.07.2004, Qupperneq 48

Halla Grétarsdóttir framkvæmdastjóri Loft 2004
r
Ráöstefna um tóbaksvarnir á Islandi
Dagana 16. -17. september 2004 veröur haldin á Hótel Örk,
Hverageröi ráöstefna um tóbaksvarnir á íslandi. Ráöstefnan
er ætluð öllu heilbrigöisstarfsfólki, sem og ööru áhugafólki
um tóbaksvarnir.
Þetta er þriðja Loft ráðstefnan um tóbaksvarnir og að þessu sinni
verður hún í umsjón Heilsustofnunar Náttúrulækningafélags
Islands í Hveragerði. Ráðstefnan er sjálfstætt framhald af
ráðstefnunni Loft 2002 sem haldin var af Heilbrigðisstofnun
Þingeyinga í Mývatnssveit 27.-28. september 2002. Umfjöllun
um Loft 2002 var birt í Tímariti hjúkrunarfræðinga 2.tbl.79.
árg.2003 og hægt er að nálgast greinina í gegnum vefinn www.
hjukrun.is. Fyrsta ráðstefnan var haldin á Egilstöðum 1998.
Hugmyndin er að fá sem Hestar heilbrigðisstofnanir í samstarf
um að halda ráðstefnu á tveggja ára fresti vítt og breitt um
Iandið. En meginmarkmið með ráðstefnunni er einmitt að efla
samstarf allra sem vinna að tóbaksvörum á Islandi.
Ráðstefnan er samstarfsverkefni Heilsustofnunar NLFI,
landlæknisembættisins, Lýðheilsustöðvar, ráðgjafar í reyk-
bindindi, lækna gegn tóbaki, fagdeildar lungnahjúkrunar-
fræðinga og fleiri aðila.
A dagskránni eru mörg áhugaverð erindi innlendra og erlendra
fyrirlesara auk þess sem vinnuhópar verða starfræktir. Megin
viðfangsefni ráðstefnunnar að þessu sinni eru :
• Reykleysismeðferð
• Reyklaust umhverfi
• Reyklaust tóbak/munntóbak
Fyrri daginn flytja erindi Kari Huseby og Rita Lindbakfrá norska
heilbrigðisráðuneytinu, þær ætla að segja okkur hvernig staðið
var að banni á reykingum á börum og veitinga- og- skemmti-
stöðum, og hvernig til hefur tekist. Lögin tóku gildi í Noregi
þann 1. júní 2004. Þá verður Kristinn Tómasson með erindi
um vinnuvernd og tóbaksvarnir og Anna Elísabet Olafsdóttir,
forstjóri Lýðheilsustöðvar, verður með kynningu
á stefnu og hlutverki Lýðheilsustöðvar. Auk
þeirra verður Ásgeir Helgason, dósent í sálfræði
og lýðheilsufræðum með erindið: Munntóbak,
ógn eða blessun ?
Seinni dagur ráðstefnunnar verður helgaður reyk-
leysismeðferð og þar verður gestafyrirlesari Libby
Rönnbeg hjúkrunarfræðingur Árekliniken. Auk
hennar flytur fjöldinn allur af fulltrúum íslenskra
meðferðaraðilaerindi.máþarnefnaHeilsustofnun
NLFI, Landspítala Háskólasjúkrahús, Reykja-
lund, Ráðgjöf í reykbindindi auk Guðjóns Berg-
manns. Þá verður einnig erindi um klíniskar
leiðbeiningar, en vinnusmiðjur ráðstefnunnar
eru enn í mótun og verða kynntar á vefsíðu
ráðstefnunnar www.hnlfi.is/loft2004 um leið og
þær verða tilbúnar til kynningar.
Fundarstjórar ráðstefnunnar verða Elsa B.
Friðfinnsdóttir, formaður Félags íslenskra hjúk-
runarfræðinga og Sigurbjörn Sveinsson, formaður
Læknafélagsins.
í undirbúningsnefndinni sitja: Ásgeir R.
Helgason, dósent í sálfræði og lýðheilsufræðum
Karolinska Institutet, Stokkhólmi, Briged
McEvoy, verkefnisstjóri tóbaksvarnarnámskeiða
Heilsustofnunar NLFÍ, Halla Grétarsdóttir,
hjúkrunarfræðingur, Kristján G. Guðmundsson
yfirlæknir Heilsustofnunar NLFI, Pétur
Heimisson formaður lækna gegn tóbaki, Rósa
Jónsdóttir formaður fagdeildar lungnahjúkrunar-
fræðinga og Vilborg Ingólfsdóttir yfirhjúkrunar-
fræðingur Landlæknisembættinu.
Búast má við fróðlegri og skemmtilegri ráðstefnu,
og við vonumst til að sem flestir hjúkrunar-
fræðingar mæti. Þrátt fyrir að góður árangur
hafi náðst á liðnum árum eru reykingar enn eitt
stærsta heilbrigðisvandamálið á íslandi. Full þörf
er fyrir hjúkrunarfræðinga til að láta tóbaksvarnir
og reykleysismeðferð til sín taka hvar sem þeir
starfa. Betri árangur í tóbaksvörnum krefst öflug-
rar samvinnu allra heilbrigðisstarfsmanna og þar
gegna hjúkrunarfræðingar lykilhlutverki.
Sjáumst í Hveragerði í september.
Nánari upplýsingar er að finna á vefnum: www.hnlfi.is/loft2004
46
Tímarit hjúkrunarfræðinga 3. tbl. 80. árg. 2004