Tímarit hjúkrunarfræðinga - 01.12.2004, Qupperneq 12

Elsa B. Friðfinnsdóttir
r
Avarp á hjúkrunarþingi
„Hjúkrunarfræöingar eru þeir heilbrigðisstarfsmenn
sem standa skjólstæöingum næst"
Heilbrigðis- og tryggingamálaráðherra, heiðursfélagar, ágætu
hjúkrunarfræðingar, góðir gestir.
Ég bíð ykkur öll hjartanlega velkomin til hjúkrunarþings 2004.
Það er sérstaklega ánægjulegt hvað þingið er fjölmennt, hér
! eru yfir 200 þingfulltrúar. Við gerðum ráð fyrir að geta tekið á
móti tvöfalt fleiri gestum en á hjúkrunarþingi 2002. Það gekk
eftir og vel það, og svo fór, því miður, að lokum að ekki var
hægt að skrá fleiri til þátttöku vegna húsrýmis. Ég fagna sér-
staklega þessari miklu þátttöku og tel hana til marks um áhuga
hjúkrunarfræðinga á mótun faglegrar stefnu félagsins og því að
hafa áhrif á mótun íslenskrar heilbrigðisþjónustu.
Félag íslenskra hjúkrunarfræðinga heldur hjúkrunarþing annað
hvert ár en samkvæmt lögum félagsins skal þar fjalla um stefnu
þess í faglegum málefnum hjúkrunar. Yfirskrift hjúkrunarþings
2004 er „Hjúkrun - hvert stefnir?"
! Líklega eiga sér meiri breytingar stað í heilbrigðisþjónustu hér
á landi þessi misserin og árin en orðið hafa um allnokkurn
tíma. Ekki einasta fleygir tækninni fram þannig að nú getum
við gert það sem fyrir fáeinum árum taldist nánast óhugsandi
- eins og að setja gervihjörtu í fólk, en eins og þið vitið stendur
nú yfir söfnun til að koma því verkefni á laggirnar - heldur
þarf íslensk heilbrigðisþjónusta að breytast með hliðsjón af
hækkandi aldri þjóðarinnar, breytingum sem stafa af þeim
lifnaðarháttum sem við höfum tamið okkur og fleira slíku.
Þó tækniframfarir leiði oft til styttingar á legutíma sjúldinga
á sjúkrahúsum þá kalla þær samhliða á meiri og sérhæfðari
hjúkrunarþjónustu. Hið sama má segja um hækkandi meðal-
aldur þjóðarinnar. Hlutverk og mikilvægi hjúkrunar og hjúkr-
unarfræöinga í íslenskri heilbrigðisþjónustu mun því aukast
mjög á komandi árum.
I stefnu Félags íslenskra hjúkrunarfræðinga í hjúkrunar- og
heilbrigðismálum, sem sett var fram árið 1997, segir m.a. um
hjúkrun: „Hjúkrunarfræðingar bera faglega ábyrgð á hjúkr-
unarþjónustu í landinu. Þarfir þjóðfélagsþegna fyrir hjúkr-
unarþjónustu eru það grundvallaratriði sem markar störf
þeirra. Hjúkrunarfræðingar hafa fjölþætta menntun og reynslu
af að starfa á öllum sviðum heilbrigðisþjónustunnar. Því er
mikilvægt að þeir séu virkir þátttakendur í stefnumótun og
breytingum innan hennar þannig að þekking, reynsla og sjón-
armið þeirra komi fram og nýtist til hagsbóta fyrir alla þjóðina.
*°NA KÍ&
„Framlag hjúkrunarfræðinga og reynsla þeirra er því afar mikilvæg
þegar kemur að stefnumótun í heilbrigðismálum"
Alls staðar þar sem ákvörðunartaka varðandi
heilbrigðisþjónustuna fer fram er innlegg hjúkr-
unarfræðinga mikilvægt, s.s. á Alþingi, í sveita-
stjórnum, í ráðuneytum, innan stjórnmálaflokka,
heilbrigðisstofnana og hagsmunahópa.'‘
Þetta segir í stefnu félagsins. Af þessum orðum
má Ijóst vera að hjúkrunarfræðingar telja
sig bæði þess megnuga og bera skyldu til að
hafa áhrif á þróun heilbrigðisþjónustunnar.
Hjúkrunarfræðingar eru þeir heilbrigðisstarfs-
menn sem standa skjólstæðingunum hvað næst,
hvort heldur er inni á stofnunum eða í samfé-
laginu. Þeirra mat á aðstæðum og lífsskilyrðum
þjóðarinnar er þess vegna kannski eitt það rétt-
mætasta hverju sinni. Hjúkrunarfræðingar fara
inn á heimili fólks til að hjúkra; hjúkra börnum
í grunnskólum þessa lands; hjúkra ungum verð-
andi foreldrum sem þurfa m.a. að glíma við þann
vanda sem lífsgæðakapphlaupið setur þá í; hjúkra

Tímarit hjúkrunarfræöinga 5. tbl. 80. árg. 2004