Tímarit hjúkrunarfræðinga - 01.10.2008, Blaðsíða 5

FORMANNSPISTILL
NÝiR TÍMAR - NÝ TÆKIFÆRI
Elsa B. Friðfinnsdóttir.
Átímumörrabreytingaíheílbrígöísþjónustu
er mikilvægt fyrir hjúkrunarfræðinga aö
taka höndum saman og setja fram skýra
framtíðarsýn í hjúkrun. í hjúkrun, eins og
annars staðar í samfélaginu, hættir okkur
til að lifa svo sterkt í nútíðinni að halda
mætti að nútíðin verði einnig framtíðin.
Þannig verður framtíðin bara til, nánast
af sjálfu sér, og við tökum bara því sem
að höndum ber. Við bregðumst þá við því
sem þegar er orðíð í stað þess að móta
eða hafa áhrif á framtíðina.
Segja má að heilbrigðisþjónusta og
hjúkrunarþjónusta á íslandi standi nú
á ákveðnum tímamótum. Ný lög um
heilbrigðisþjónustu tóku gildi á síðasta ári
og ný stofnun, Sjúkratryggingastofnun,
tók til starfa um síðustu mánaðamót. Með
þeirri stofnun mun margt breytast, fyrirséð
og ófyrirséð. Þeir sem töluðu gegn þeim
breytingum, sem fyrirséð er að fylgja
muni stofnuninni, telja að breytingarnar
muni leiða til misskiptingar í samfélaginu
hvað heilbrigðisþjónustu varðar. Aðrir
hafa viljað sjá tækifæri í breytingunum,
m.a. að möguleikar heilbrigðisstarfsfólks
til sjálfstæðs reksturs aukist og að
samkeppni muni leiða af sér aukin gæði
þjónustunnar. Þessi ólíku viðhorf hafa
eflaust bæði eitthvað til síns ágætis en
mikilvægast er þó að gera sér grein
fyrir að þróunin - framtíðin - er í okkar
höndum.
Á sama tíma og ýmsir þættir í ytra
umhverfi skapa tækifæri má greina blikur
á lofti á öðrum sviðum. Aðsókn að
hjúkrunarfræðinámi í Háskóla íslands
hefur sjaldan verið minni en á þessu hausti.
Það er þó fagnaðarefni að heilbrigðisdeild
Háskólans á Akureyri heldur sínum
hlut hvað aðsókn varðar. Stjórnenda
hjúkrunarfræðideildar HÍ bíður það
verkefni að greina hvað veldur minnkandi
aðsókn að náminu þar og bregðast
við. Yfirvofandi breytingar á stjórnkerfi
Landspítalans vekja upp spurningar um
stjórnunarlegt vægi hjúkrunarfræðinga.
Ásókn annarra stétta inn í störf
hjúkrunarfræðinga vekja upp spurningar
um kröfur um gæði hjúkrunarþjónustu.
Tilflutningur heimahjúkrunar í Reykjavík
frá heilsugæslunni til velferðarviðs
borgarinnar vekur upp spurningar um
áherslurog hugmyndafræði þjónustunnar.
Og áfram mætti telja. En felast ekki
tækifæri jafnvel í blikunum?
Á hjúkrunarþingi Félags íslenskra
hjúkrunarfræðinga er fjallað um fagleg
málefni hjúkrunar og stefnan mörkuð.
Á hjúkrunarþingi nú í nóvember verður
lögð áhersla á þau tækifæri sem nýtt
umhverfi í heilbrigðismálum skapar
hjúkrunarfræðingum. Þar verður m.a.
reynt að rýna í framtíðina og spurt
hvert hlutverk hjúkrunarfræðinga og
starfsvettvangur í heilbrigðisþjónustunni
verður fram til ársins 2020. Hvernig
geta hjúkrunarfræðingar haft áhrif
á þær breytingar sem munu verða?
Býr menntun hjúkrunarfræðinema þá
undir framtíðina eða bara nútíðina?
Hvernig vilja hjúkrunarfræðingar sjá
hjúkrunarþjónustuna og sitt hlutverk? Og
hvað viljum við og ætlum að gera til að ná
fram þeim breytingum sem við viljum sjá?
Hver er framtíðarsýn hjúkrunarfræðinga?
Nýtt skipulag FÍH, sem samþykkt var á
aðalfundi félagsins í maí síðastliðnum og
taka mun gildi á afmælisári 2009, miðar
m.a. að því að styrkja félagið í því að
skapa framtíðina. Grunnstoðir félagsins,
fagdeildirnar og svæðisdeildirnar, munu
styrkjast og vægi þeirra í ákvarðanatöku
um félagsleg málefni aukast. Tengsl
stjórnar félagsins við „grasrótina“ munu
eflast.
Til að móta framtíðína þarf leiðtoga,
fólk sem starfar á vettvangi, fólk með
metnað og skýra framtíðarsýn. Félagið
þarf að fóstra leiðtoga í hjúkrun,
hjúkrunarfræðinga sem koma til starfa
í fagdeildum og svæðisdeildum,
og verða í forystu á sínu sviði eða
svæði. Sterkari fagdeildir auka einnig
möguleikana á faglegu samstarfi FÍH
og menntastofnana hjúkrunarfræðinga,
enda er það nauðsynlegt til að menntun
hjúkrunarfræðinga búi þá undir þá framtíð
sem bíður þeirra.
Til að framtíðarsýn verði að veruleika
þarf breiða samstöðu um hver sýnin á
að vera. Því hvet ég hjúkrunarfræðinga
til að fjölmenna á hjúkrunarþingið sem
haldið verður dagana 6. og 7. nóvember
og leggja sitt af mörkum til að móta
framtíðarsýn hjúkrunarfræðinga til 2020.
Tímarit hjúkrunarfræðinga - 4. tbl. 84. árg. 2008
3