Tímarit hjúkrunarfræðinga - 01.10.2008, Blaðsíða 56
MYNDIR Á SÝNINGU
í síðasta tölublaði Tímarits hjúkrunarfræðinga var
beðið um upplýsingar varðandi mynd sem hangir
á skrifstofu ritstjóra. Betra hefði verið að tala
fyrst við Ingibjörgu Árnadóttur, ritstjóra Tímarits
Hjúkrunarfélags íslands og Hjúkrunar 1970-1990,
því hún veit allt um þessa mynd og er athyglisverð
saga þar að baki.
Saga myndarinnar er í raun allt önnur
en hægt er að ímynda sér eftir að hafa
lesið textann á myndinni. Þar er gefið í
skyn að myndin sé frá Landspítalanum
og ritstjóri var forvitinn að fá að vita
hvernig hún komst í eigu Félags íslenskra
hjúkrunarfræðinga. Nú hefur komið í Ijós
að eignarsagan er frekar einföld en þó
með flóknu ívafi.
Ingibjörg tók við sem ritstjóri í janúar 1970.
Hún hafði þá komið heim frá Danmörku
nokkrum árum áður. 1968 fór hún að vinna
á Barnaspítala Hringsins. Hún og vinkona
hennar, Guðrún Eygló Guðmundsdóttir,
skrifuðu Maríu Pétursdóttur formanni bréf
og stungu upp á að félagið héldi árshátíð,
eins og mörg önnur félög höfðu fyrir sið.
Maríu leist vel á það, Ingibjörg og Guðrún
Eygló lentu f skemmtinefnd og úr varð
hin skemmtilegasta árshátíð í Súlnasal
á Hótel Sögu vorið 1968. Þetta varð til
þess að María Pétursdóttir kom auga
á Ingibjörgu og bauð henni vinnu sem
ritstjóra nokkrum árum seinna.
Vorið 1970, þegar Ingibjörg var nýbyrjuð
sem ritstjóri, var haldið í Reykjavík stórt
norrænt hjúkrunarþing á vegum SSN,
samvinnusamtaka hjúkrunarfræðinga á
Norðuriöndum. Yfir 600 manns sóttu
þingið. Fundahöldin fóru fram í Hagaskóla.
Eitthvað vantaði til þess að skreyta
skólann með. Fyrrverandi eiginmaður i
Ingibjargar er arkitekt og kenndi í
Handíða- og myndlistarskólanum. Hann
hafði milligöngu um að börn voru fengin
til þess að teikna myndir tengdar hjúkrun.
Tæpiega 30 myndir voru hengdar upp
og ein þeirra bar heitið „Ég vil verða
Hjúkrunarfræðingur nýskipaður forstjóri
Landspítala
Hulda Gunnlaugsdóttir, forstjóri Aker-
háskólasjúkrahússins í Ósló, hefur verið ráðin
forstjóri Landspítala. Alls sóttu fjórtán einstaklingar
um starf forstjóra, átta konur og sex karlar. Hulda
tekur til starfa um miðjan október. Það var tilkynnt
á fundi með starfsmönnum Landspítala 29. ágúst
síðastliðinn og tók starfsfólk á móti Huldu með
dynjandi lófataki.
Hulda, sem hefur verið forstjóri Aker-háskólasjúkra-
hússins síðan 2005, ákvað að sækja um starfið þar
sem hana langaði að takast á við að stjórna stærstu
stofnuninni í einhverju besta heilbrigðiskerfi heims.
Þar að auki hefur hún verið 19 ár í Noregi og þetta
var tækifæri að koma heim til íslands.
Frá blaðamannafundi 29. ágúst þar sem tilkynnt var um ráðninguna.
54
Tímarit hjúkrunarfræöinga - 4. tbl. 84. árg. 2008