Tímarit hjúkrunarfræðinga - 01.10.2008, Qupperneq 40

Bríet Birgisdóttir, brietbirgisdottir@mao.com
ÞANKASTRIK
NÝ SÓKNARFÆRI í HJÚKRUN
Síðastliðin tíu ár hefur mitt starf sem
hjúkrunarfræðingur að mestu farið
fram á gjörgæsludeildum hérlendis og
í Noregi. í þessu tæknivædda umhverfi
gjörgæsludeilda verður mér stundum
hugsað til þess hvort verið sé að bæta
árum við líf einstaklinganna eða Iffi við
árin. Þessi hugsun hefur sótt mjög á
mig undanfarin ár en þó má segja að
vendipunkturinn hafi verið viðbrögð fólks
gegn umferðaslysum og fjöldagöngur af
því tilefni. Þar fann ég mjög sterkt að hægt
er að hafa áhrif á viðhorf fólks og að mikil
þörf er fyrir fræðslu og forvarnir. Þegar ég
ákvað að setjast á skólabekk að nýju var
valið auðvelt, það var bara meistaranám
í lýðheilsu sem kom til greina. í lýðheilsu
er lögð höfuðáhersla á að bæta heilbrigði
einstaklinga og hópa, lengja líf og ekki síst
að auka lífsgæði fólks. Þá er heilsuvernd,
heilsuefling og varnir gegn sjúkdómum
meginstarfsvettvangurinn þar sem athyglin
beinist að áhrifaþáttum heilbrigðis, hvernig
menning, umhverfi, félagslegur stuðningur
og stjórnmál hefur áhrif á líf fólks. Ég lít svo
á að í forvörnum liggi gífurleg sóknarfæri
Bríet Birgisdóttir.
til þess að draga úr heilbrigðiskostnaði
og ekki síst til þess að bæta líf og líðan
þjóðarinnar.
„í forvömum ligga gífurleg
sóknarfæri.“
Hjúkrunarfræðingar standa
öðrum framar á sviði forvarna
Hjúkrunarfræðingar standa öðrum framar
á sviði forvarna vegna grunnmenntunar
sinnar, þekkingar og reynslu, en hin
heildræna hugsun hjúkrunar er einmitt
ákaflega mikils virði á þessu sviði. En
forvarnir koma ekki af sjálfu sér og er
mikilvægt að hafa vakandi auga fyrir
þróun og breytingum í heiminum og
samfélaginu sem við búum í.
Offita er heimsfaraldur
Offita er vaxandi vandamál meðal
íslendinga þar sem við „njótum" lífsins í
síauknum mæli með kyrrsetu og miklum
og „góðum“ mat. Margar tilgátur eru uppi
um orsakir þessa „heimsfaraldurs" sem
virðist ætla að stöðva frekari hækkun
lífaldurs barna okkar. í Bandaríkjunum
er því spáð að börn dagsins í dag muni
ekki geta vænst þess að lifa jafnlengi
og foreldrarnir. Þetta er uggvænleg
þróun og virðist síst vera á undanhaldi.
Einhverjir segja að helsta orsök offitu
sé neysla á orkuríkum drykkjum enda
aukist hún í takt við offitufaraldurinn,
aðrir segja að ástæðurnar megi finna
í streitu og svefnleysi sem einkenni líf
Herdís Sveinsdóttir kosin formaður WENR
Á fundi, sem haldinn var í Vínarborg 2. september
sl., var Herdís Sveinsdóttir kosin formaður Samtaka
evrópskra hjúkrunarrannsakenda (WENR). Herdís
Sveinsdóttir er prófessor við hjúkrunarfræðideild
Háskóla íslands og fyrrverandi formaður Félags
íslenskra hjúkrunarfræðinga.
Samtökin voru stofnuð 1978 af 26 hjúkrunar-
fræðingum frá 18 Evrópulöndum sem sóttu
ráðstefnu í Utrecht í Hollandi um samstarf evrópskra
hjúkrunarrannsakenda. Samtökin eru styrkt
af evrópskum hjúkrunarfélögum og tilnefna þau
fulltrúa sína í fulltrúaráð WENR.
Meginmarkmið samtakanna er
að efla tengslanet evrópskra
hjúkrunarrannsakenda. Það
hefur verið gert á margvís-
legan hátt, meðal annars
með ráðstefnum annað hvert
ár, málþingum, samstarfs-
verkefnum, óformlegum sam-
skiptum og gerð gagnabanka
um evrópskar hjúkrunar-
rannsóknir.
38
Tímarit hjúkrunarfræðinga - 4. tbl. 84. árg. 2008