Tímarit hjúkrunarfræðinga - 01.10.2008, Blaðsíða 7

RITSTJORASPJALL
LESTU TÍMARIT HJÚKRUNARFRÆÐINGA?
Tímarit
HJÚKRUNARFRÆÐINGA
THE ICELANDIC JOURNAL OF NURSING
Tímarit hjúkrunarfræðinga
Suðurlandsbraut 22
108 Reykjavík
Sími 540 6405
Bréfsími 540 6401
Netfang: christer@hjukrun.is
Vefsíða: www.hjukrun.is
Útgefandi: Félag íslenskra hjúkrunarfræðinga
Ritstjóri og ábyrgðarmaður:
Christer Magnusson
Tekið er á móti efni til birtingar á netfanginu
christer@hjukrun.is.
Leiðbeiningar um ritun fræðslu- og fræðigreina
er að finna á vefsíðu tímaritsins.
Ritnefnd:
Katrín Blöndal, formaður
Oddný Gunnarsdóttir
Ragnheiður Alfreðsdóttir
Sigríður Jónsdóttir
Ritstjórn ritrýndra greina:
Herdís Sveinsdóttir, formaður
Auðna Ágústsdóttir
Marga Thome
Fréttaefni: Christer Magnusson, Aðalbjörg
Finnbogadóttir, Jón Aðalbjörn Jónsson
Þetta er fáránleg spurning á þessum staö - ef
þú ert að lesa þetta þá ertu augljóslega að lesa
blaðið. Mestu skiptir að spyrja þessarar spurningar
á öðrum stöðum. Ég hef verið að spyrja félagsmenn
á ýmsum mannamótum og einnig á spjallrás vefsíðu
Félags íslenskra hjúkrunarfræðinga. En mikilvægast
er að þú, lesandi góður, spyrjir samstarfsmenn þína
þessarar spurningar. Það virðist vera til ákveðinn
hópur félagsmanna sem aldrei les blaðið, „af því að
það er svo leiðinlegt." Hvernig er hægt að vita það án
þess að lesa blaðið? Þess vegna óska ég eftir hjálp
þinni við að hvetja félagsmenn til þess að lesa þetta
blað og komandi tölublöð. Ef blaðið er áfram leiðinlegt
í þeirra huga, þá það. Best er hins vegar ef umræða skapast um það hvernig
blaðið eigi að vera til þess að þjóna þörfum félagsmanna.
Tvær spennandi fræðslugreinar eru í þessu tölublaði. Annars vegar er fjallað um
holdarfar ýmissa starfshópa. Fram kemur að hjúkrunarfræðingar eru í þyngsta
lagi. Hins vegar fáum við að fylgjast með hvernig gjörgæslumeðferð er að teygja
sig inn á legudeildir. Ráðgjöf gjörgæsluhjúkrunarfræðinga og gjörgæslulækna
getur skipt sköpun um hvernig sjúklingum reiðir af í sjúkrahúsvistinni.
Því miður er engin fræðigrein í tölublaðinu. Það er miður vegna þess að aldrei
hafa verið send inn eins mörg handrit í ritrýni eins og á fyrri helmingi þessa
árs. Helst þyrfti að birta tvær fræðigreinar í hverju tölublaði til þess að biðin
eftir birtingu yrði viðunandi. Það er stefna Tímarits hjúkrunarfræðinga að birta
rannsóknarniðurstöður þegar þær eru ferskar og þannig stuðla að því að þær
nýtist sem fyrst. En það er mikið verk að búa fræðihandrit undir birtingu og í þetta
skipti náði ekkert handrit að komast í gegnum nálarauga ritrýna.
Tímaritið heldur áfram að birta viðtöl við hjúkrunarfræðinga í sjálfstæðum rekstri
og í forystu í heilbrigðisfyrirtækjum. Að þessu sinni er talað við Önnu Birnu
Jensdóttur, forstjóra Sóltúns. Ný lög um sjúkratryggingastofnun eiga eftir að ýta
undir það að hjúkrunarfræðingar geti veitt hjúkrun á eigin forsendum. Tímarit
hjúkrunarfræðinga mun fjalla ýtarlega um þetta nýja umhverfi á næstunni.
Christer Magnusson.
Ljósmyndir: Bjarni Þór Bjarnason,
Bergdís Kristjánsdóttir, Christer Magnusson,
Gunnar Pétursson, Hermine Haslinger,
Inger Helene Bóasson LSH/BUSV,
Sigurður Bogi Sævarsson, Torfi H. Leifsson o.f.
Próförk: Ragnar Hauksson
Auglýsingar: Mark - markaðsmál, Þórdís Una
Gunnarsdóttir, sími 866 3855
Hönnun: Þór Ingólfsson, grafískur hönnuður FÍT
Prentvinnsla: Litróf
Upplag 4100 eintök
í viðtali við Gunnar Pétursson hjúkrunarfræðinema kemur fram að ástandið í
Palestínu virðist ekki vera að batna. Þetta svæði er ein aðaluppspretta óróa í
heiminum og því mikilvægt fyrir alla að fylgjast með því sem þar er að gerast.
Nýlega bættist í hóp Palestínumanna á íslandi þannig að áhugi íslendinga á
landinu á eftir að aukast. Þess vegna er fróðlegt að fá sjónarmið íslendings sem
hefur verið á staðnum.
Þá heldur tímaritið áfram að birta brot úr sögu hjúkrunar. Nú líður að því að þessi
þáttaröð taki enda. Á næsta ári, á 90 ára afmæli hjúkrunarfélagana, kemur út
bók um sögu hjúkrunar á íslandi en meira verður fjallað um afmælisárið í næsta
tölublaði.
Tímarit hjúkrunarfræðinga - 4. tbl. 84. árg. 2008
5