Ráðunautafundur - 15.02.2001, Side 227

217
VÖKVUN OG ÁBURÐARGJÖF
Töluverð aukning hefur orðið á notkun tölvustýrðra áburðarblandara, en þeir gefa möguleika
á að stýra áburöargjöf og vökvun nokkuð eftir þörfum plantnanna. I ræktun í óvirkum rótar-
beð er slíkt nauðsynlegt. í grænmetisræktun eru kostir þessara blandara nýttir að fullu. en í
ræktun afskorinna blóma er svo ekki, fyrst og fremst vegna fjölbreyttrar ræktunar, en einnig
vegna fjölbreyttrar gerðar rótarbeðsefna og þar af leiðandi ólíkra þarfa plantnanna.
Þeir sem eftir standa eru með blandara sem gefa föst hlutföll af vatni og áburði og því er
meira mál að breyta áburðargjöf eftir þörfum plantnanna. Vökvun er þar stýrt með klukku og
því þarf að breyta vökvun handvirkt ef vökva þarf meira eða minna.
LOFTSLAGSSTJÓRNUN
Eins og vikið hefur verið að hér á undan er alltof algengt að sjá eina stýringu fyrir loftun og
aðra fyrir hita. Nú á allra síðustu árum hefur þó orðið hér nokkur breyting á og fmna má
nokkrar loftslagsstýritölvur sem geta stjórnað öllum stjórnanlegum loftslagsþáttum. Þessi
búnaður býður upp á að kjörloftslag sé fyrir plöntumar á hverjum tíma. Einnig er unnt að sjá
hvaða breytingar hafa orðið á mældum gildum og þannig auðveldara að fylgjast með
ræktuninni. Unnt er að tengja við aðvörunarbúnað sem hringir í garðyrkjubóndann ef eitthvað
fer úrskeiðis. Ástæða þess hversu hæg þróunin hefur verið er sennilega fyrst og fremst sú að
margar garðyrkjustöðvar eru með lítil, eldri gróðurhús og því stofnkostnaður verulegur þar
sem stýribúnaður og nemar sem til þarf eru jafndýrir hvort sem húsið er 200 m2 eða 5000 m2.
Notkun gardína til að draga úr birtu og/eða útgeislun og jafna hita og raka er hverfandi hér á
landi. Aðeins einn aðili er með sjálfvirkan búnað á slíku, en að auki einn aðili sem er með
slíkan búnað á gardínum til myrkvunar. Noklvrir aðilar eru með gardínur til að auka endur-
speglun frá lýsingu á ræktunina, en þær eru settar niður að hausti og teknar upp að vori.
RÓTARBEÐUR
Mikil aukning hefur orðið á ræktun í óvirkum rótarbeð og þá mest í steinull og vikri. Nokkrar
ástæður eru fyrir því að mínu mati:
• Erfitt er að skipta um jarðveg i eldri gróðurhúsum.
• Ræktun í óvirkum rótarbeð er orðin algeng erlendis.
• Auðveldara cr að stjórna vökvun og áburðargjöf en í jarðvegi.
• Skipt er um rótarbeðsefni að lokinni ræktun eða það sótthreinsað.
• Væntingar um meiri uppskeru.
Það skiptist noldcuð í tvö hom í hverju þeir rækta sem mestri uppskeru ná. í tómatarækt
án lýsingar eru tveir framleiðendur sem mestri uppskeru ná í mold, en einn í steinull, og í
papriku hefur náðst mjög góður árangur í mold. Enginn vafi er á því að með aukinni þeklcingu
og reynslu munu framleiðendur ná meiri uppskeru í óvirkum rótarbeðsefnum en í dag.