Dagblaðið Vísir - DV - 19.05.2017, Blaðsíða 4

4 Helgarblað 19.–22. maí 2017fréttir
Verslunin færist
til útlanda
Verslun Íslendinga er að færast í
auknum mæli út fyrir landstein­
ana, ef marka má umfjöllun sem
birtist á vef Greiningar Íslands­
banka. Þetta sést meðal annars á
kortaveltu Íslendinga í útlöndum
sem hefur sjaldan verið meiri en í
nýliðnum aprílmánuði.
Alls jókst kortavelta Íslendinga
í útlöndum um 62 prósent að
raunvirði á milli ára í apríl síðast­
liðnum, sem er mesti vöxtur
hennar eins langt aftur og tölur
ná. Þetta kemur ekki á óvart sé
litið til þess að nýliðinn apríl var
næstumsvifamesti mánuður í
sögunni í utanlandsferðum Ís­
lendinga og var fjöldi Íslendinga
á faraldsfæti litlu minni en þegar
landinn flykktist á EM í í júní í
fyrrasumar.
Þá er einnig bent á að hér gæti
áhrifa páskanna sem voru í mars
í fyrra en apríl í ár.
„afskaplega
svart tímabil
sem maður
sér fram á“
H
jördís Heiða Ásmunds­
dóttir mun ekki fá neina
greiðslu frá Trygginga­
stofnun í nærri þrjá mánuði
vegna mistaka hjá stofn­
uninni og lækni hennar. Hjördís
hefur verið bundin við hjólastól eftir
fæðingu dóttur sinnar árið 2004.
„Það eru svo margir í þessari stöðu
og það er verið að ýta undir uppgjöf
hjá fólki. Ég veit ekki hvernig ég get
verið tekjulaus í marga mánuði. Ég
er að setja mig í skuldir. Ég fæ ekki
frest frá bankanum. Ég veit að þetta
er vítahringur sem á eftir að taka
mig heillangan tíma að koma mér
út úr. Þannig að þetta er afskaplega
svart tímabil sem ég sé fram á. Fyrir
utan það að ég er ekki búin að taka
öll lyfin mín því ég hef ekki efni á
þeim,“ segir Hjördís. Hjördís segir
að starfsmaður Tryggingastofnunar
hafi sagt henni að leita til kirkjunnar.
Gleymdi að senda vottorð
Hjördís segir að rekja megi málið til
Þorláksmessu en þá fékk hún bréf
þar sem henni var tilkynnt að bætur
hennar myndu falla niður í lok mars
ef hún fengi ekki endurmat á örorku.
Strax á milli jóla og nýárs fór hún til
læknis sem sagðist ætla senda vott­
orðið til Tryggingastofnunar. Hún
þyrfti ekki að hafa áhyggjur af því.
Svo fór að læknirinn gleymdi að
senda vottorðið og féllu því bætur
hennar niður 31. mars. Hjördísi var
ekki gert viðvart um að ekkert vott­
orð hefði borist stofnuninni.
Hún hafði samdægurs samband
við lækninn sem sendi vottorð þann
sama dag. „Tryggingastofnun hefur
ekkert samband til að láta vita ef
vantar einhver viðbótargögn. Ég
talaði svo við starfsmann Trygginga­
stofnunar fjórum virkum dögum
seinna sem sagði mér að vottorðið
væri nýlega móttekið, þrátt fyrir að
það hefði borist stofnuninni fjórum
dögum fyrr. Þá fékk ég þá útskýr­
ingu að starfsmaður þyrfti að opna
og lesa bréfið, merkja það móttekið
og svo færi það í vinnslu. Ég spurði
síðan hvort eitthvað fleira vantaði
og mér var sagt að þetta væri allt
komið. Mér var sagt að ég þyrfti ekki
að skila nýrri umsókn þar sem þetta
væri endurmat – þess þyrfti ekki,“
segir Hjördís.
Ekki gert viðvart
Þessi mistök læknisins urðu til þess
að hún þurfti að bíða í fjórar til sex
vikur meðan umsóknin var unnin.
Allan þann tíma myndi hún ekki fá
neinar bætur. Svo kom á daginn að
Hjördís þurfti að skila inn nýrri um­
sókn en henni var ekki gert viðvart
um það. „Ég gat ekki bara setið og
beðið aðgerðalaus og hringdi því
aftur um tveimur vikum seinna. Þá
sagði annar starfsmaður mér að
það væri ekkert mál í gangi, ekkert
í vinnslu. Ég trúði ekki mínum eigin
eyrum og spurði hana hvernig stæði
á því. Þá vantaði þessa umsókn,“
segir Hjördís. Hún skilaði inn nýju
vottorði og var henni nú á dögunum
tilkynnt að hún fengi flýtimeðferð
en þyrfti þó að bíða í tvær til fjórar
vikur. Hún má því búast við því að fá
greiddar bætur í júní.
Hjördís segir að málið sé lýsandi
fyrir hvernig heilbrigðis­ og vel­
ferðarkerfið á Íslandi sé í molum.
„Ef við förum í rót vandans þá á það
vera miklu meira en nóg að það liggi
fyrir vottorð og öll gögn. Það vantar
ekki meira en þetta eina vottorð.
Þeir eiga að sjá til þess að sjúklingar
séu ekki að detta svona á milli skips
og bryggju. Eins og með þetta bréf,
það var sent eitt bréf og ekki einu
sinni í ábyrgðarpósti. Við erum að
tala um sjúklinga sem geta verið
með gleymni, skertan þroska og
ýmislegt annað. Að senda eitt bréf
er ekki að sinna sjúklingum,“ segir
Hjördís.
Fer ekki skríðandi til kirkjunnar
Hjördís bendir á að hún hafi sinnt
sínu máli samviskusamlega og hringt
ítrekað en þrátt fyrir það hafi hún
lent í þessu. „Ég fær ekki greiddar
bætur í marga mánuði vegna klúðurs
og vinnubragða hjá Tryggingastofn­
un, sem er alls ekki að sinna upplýs­
ingaskyldu sinni. Það eru svo mörg
svona tilvik. Þess vegna er ég að tjá
mig. Ég veit um sex manns sem eru
í sömu stöðu og ég einmitt núna. Þá
erum við ekki að tala um þá sem hafa
lent í þessu áður, bara þá sem hafa
talað við mig. Þannig að þeir eru ör­
ugglega fleiri. Þetta eru alltof margir,“
segir Hjördís.
Hún segir að sér bjóðist raunar
engin úrræði önnur en að fá lánaðan
pening. „Ég fæ hvergi aðstoð í vel­
ferðarkerfinu. Þannig að Trygginga­
stofnun vill bara að ég borði gras
þennan mánuðinn. Starfsmaður hjá
Tryggingastofnun sagði mér að eina
úrræði væri að leita til velferðarsviðs
eða kirkjunnar. Ég er ekki að fara
skríðandi til kirkjunnar og betla pen­
inga. Fyrir utan það að það er ekki í
þeirra verkahring, hvað þá að þeir
bjóði upp á það,“ segir Hjördís. n
Þrettán ára
þrautaganga
DV sagði frá þrettán ára þrautagöngu
Hjördísar Heiðu í fyrra. Líf hennar tók
stakkaskiptum þegar hún eignaðist
dóttur sína, Elísabeth Ösp, 16 ára gömul.
Hjördís fékk mænurótardeyfingu og
hefur síðan þá verið sárþjáð vegna
verkja. Hún hafði verið virk í íþróttum
fram að því.
Hjördís fékk mænurótardeyfinguna
gegn sínum vilja og urðu verkirnir vegna
deyfingarinnar sárari en þeir sem fylgdu
fæðingunni sjálf. „Ég fann ekkert
fyrir því að það væri barn að koma út
úr mér. Ég fann svo til í bakinu að það
yfirgnæfði aðra verki,“ sagði Hjördís í
viðtali við Skessuhorn í fyrra.
Eftir fæðinguna gat hún ekki gengið
og ljósmóðir sagði henni að það væri
eðlilegt og ástandið myndi lagast. Það
gerðist aldrei og notast Hjördís nú við
hjólastól. „Ég er haldin þeirri trú að
ég muni standa aftur upp. Því ég hef
smá kraft í vinstri fæti. Ég er með það
markmið að vera komin úr hjólastólnum
eftir fimm ár,“ segir Hjördís.
n Hjördís Heiða Ásmundardóttir fær engar
bætur frá Tryggingastofnun mánuðum
saman vegna mistaka hjá stofnuninni
Hjálmar Friðriksson
hjalmar@dv.is
Hjördís og Elísabeth Ösp Hjördís
fékk mænurótardeyfingu þegar hún
eignaðist Elísabeth Ösp og hefur síðan
þá verið sárþjáð vegna verkja.
Kallaðar út
klukkan hálf
fjögur
Björgunarsveitir Slysavarna­
félagsins Landsbjargar voru kall­
aðar út aðfaranótt fimmtudags
og bárust útköllin nær öll á sömu
stundu, eða klukkan hálf fjögur.
Björgunarsveitir á vestan­
verðu Suðurlandi voru kallaðar
út vegna pars sem hafði ekki skil­
að sér úr göngu í Reykjadal ofan
Hveragerðis. Eftir frekar skamma
leit fannst fólkið heilt á húfi og
var því fylgt til byggða.
Hjálparsveit skáta í Reykja­
vík var kölluð út þar sem þak­
plötur á húsi í Úlfarsárdal voru að
fjúka. Fljótt og vel gekk að fergja
plöturnar og rokið lét einnig til
sín taka á Selfossi þar sem Björg­
unarsveitin Árborg var kölluð
út vegna fjúkandi trampólíns.
Eftir að hafa komið því skjól og
fest niður héldu björgunarmenn
heim í rúmið.
Fækkun útgáfu-
daga DV og
öflugri netvakt
DV kemur framvegis út einu
sinni í viku í formi veglegs helg­
arblaðs á föstudögum. Með
blaðinu verður framvegis nýtt
fylgirit, Birta, sem fjallar um
lífið og tilveruna og það helsta
sem er að gerast í skemmtana­
lífi Íslendinga á hverjum tíma.
Ætlunin er jafnframt að efla
helgarblaðið verulega, styrkja
ýmsa efnisþætti þess og gera
það enn fjölbreyttara og
áhugaverðara, til dæmis með
fjölmörgum nýjum pistlahöf­
undum sem kynntir verða til
sögunnar á næstunni.
Samhliða þessu verður
fréttaþjónusta efld á frétta­
vefnum dv.is sem lengi hefur
verið einn vinsælasti netmiðill
landsins.