Dagblaðið Vísir - DV - 21.07.2017, Qupperneq 41

Hurð 1
Þú þráir einfaldari hluti í lífinu.
Þú leitar að rólegheitum, einveru,
og þú nýtur þess að vera einn
mestan hluta tímans. Þegar þú ert
í félagsskap annarra, kýst þú frekar
að vera heima og þá jafnvel bara
með nánustu vinum og ættingjum.
Framtíð þín er hamingja vegna þess
að þú veist hvað þú vilt. Þú nýtur
áreiðanleika og einfaldleika. Þú
kýst lífsstíl sem er laus við drama
annarra, en gættu þess samt að láta
þér ekki leiðast.
Hurð 2
Þú átt von á auknum fjármunum,
en aðeins ef þú leggur þig hart eftir
þeim. Val á hurðinni með stigann
sýnir að þú ert óhræddur við að
leggja á brattann, þegar á þarf að
halda. Þú leitar að göfugri hlutum
lífsins og þú skilur það að til að ná
þeim hlutum, verður þú að vinna
hörðum höndum og vinna að
þeim, bókstaflega, skref fyrir skref.
Þú ert ekki hræddur við að klifra
á toppinn og þér finnst meira að
segja gaman að ferðinni upp.
Hurð 3
Þú verður að sýna varkárni. Þú
hefur tilhneigingu til að takast
á hendur hið óþekkta, og þrátt
fyrir að ævintýramennskan geti
borgað sig á endanum, þá er fullt
af viðvörunarskiltum á leiðinni.
Brunahaninn er tákn um hættu, en
það er óljóst hvað liggur á bak við
dyrnar. Ef þú hefur tekið of mikla
áhættu undanfarið, með slæmum
afleiðingum, þá er kannski kominn
tími til að fara að með gát.Talan 26,
sem hangir fyrir ofan dyrnar, tákn-
ar æðri mátt. Jafnvel þótt þú veljir
varasama leið, og hvort sem þú
trúir eða ekki, þá er ljóst að einhver
mun gæta þín.
Hurð 4
Ef þú velur þessa hurð, þá ertu
tilbúin/n í átök. Hvort sem það
er frami í starfi, valdabarátta eða
lagaleg barátta, þá ertu búin/n að
undirbúa þig og það mun borga
sig. Rauði liturinn táknar orku og
vald. Það mun ekkert hræða þig frá
að sækjast eftir því sem er réttilega
þitt. Þú hefur beðið nógu lengi eftir
rétta tækifærinu.
Hurð 5
Ef þú velur þessa hurð, ekki hafa
áhyggjur. Hlutirnir eru að róast. Þú
ert að leita að einhverju þægilegu
og rólegu. Þú hefur farið í gegnum
erfiða tíma í vinnu eða persónu-
lega. Þú leitast við að umkringja
þig þeim sem eru þér tryggir og
elska þig skilyrðislaust. Ef að þú
hefur farið í gegnum erfitt tímabil,
huggaðu þig við það að þú veist
hvað þú vilt. Einblíndu á fólk og
hluti sem eru staðfastir og forðastu
þá sem eru það ekki.
Hurð 6
Þú hefur fundið fyrir byrði
undanfarið, en bjartsýni þín kemur
þér í gegnum hvað sem er. Það
eru bjartari tímar framundan, þú
verður bara að hafa þolinmæði
aðeins lengur. Ljósið er í sjónmáli.
Hugsaðu um allt sem er að baki
þér, því versta er lokið og fyrr en
varir þá finnur þú frelsið sem þú
leitar að.
Hurð 7
Vertu tilbúinn fyrir kaós í fram-
tíðinni, en það er ekkert sem þú
munt ekki ráða við. Þú ert meira
að segja öruggari þegar þú veist
ekki hvað tekur næst við. Þú vilt
halda valkostum þínum opnum
og dyr eru bara dyr til að opna
og fara í gegnum. Þú lendir í
alls konar aðstæðum, þannig að
búðu þig undir óvæntar aðstæð-
ar, en það er ekkert nýtt fyrir
þig að lenda í slíku. Þegar slíkar
aðstæður koma upp, opnaðu bara
næstu dyr.
Hurð 8
Þú ert svo sannarlega forvitna
týpan, en hún mun borga sig.
Það er munur á milli forvitni og
hnýsni, og þú þekkir muninn.
Þú veist að það er gott að taka
óvænta áhættu, en þú verður að
hafa hugmynd um hvaða af-
leiðingar áhættan hefur. Forvitnin
og ævintýraþráin mun borga sig.
Þetta sem þú hefur verið að pæla
í að gera og ekki látið verða af
ennþá? Gerðu það bara. Það er
enginn betri tími en núna til að
framkvæma.
Veldu þér hurð á myndinni og lestu síðan hvað valið segir þér um persónuleika þinn.
Niðurstaðan gæti komið þér á óvart. Finnst þér valið lýsa þínum persónuleika?
Hvaða Hurð velur þú?
Persónuleikapróf:
1
5
2
6
3
7
4
8
Sholom Ber Salomon er nýbakaður 36 ára gamall faðir í Kaliforníu. Til að
skemmta sjálfum sér, fjölskyldu og
vinum bregður hann á leik með
Zoe dóttur sinni í bráðskemmti-
legum myndum sem finna má á
Instagramreikningi hans, sbsolly.
Serían hófst þegar Salomon
skipti um bleiu á dótturinni, hann
setti upp gasgrímu og bað eigin-
konuna, Carli, að taka mynd og
setja á Instagram. Myndin vakti
mikla kátínu og ákvað Solomon
því að halda áfram og hefur hann
myndað sig og dótturina í fjöl-
mörgum uppstillingum. Sannarlega
skemmtilegar og öðruvísi myndir,
sem Zoe mun vonandi hafa gaman
af þegar hún verður eldri.
Feðgin bregða á leik
Bráðskemmtileg myndasería hjá nýbökuðum föður