Dagblaðið Vísir - DV - 21.07.2017, Qupperneq 70

46 fólk Helgarblað 21. júlí 2017
Á
netinu má finna alls kyns
lista um frægt fólk, lífs og
liðið, sem talið er vera eða
hafa verið á einhverfu-
rófi. Yfirleitt er þarna um getgát-
ur að ræða þar sem flestir þessara
einstaklinga hafa aldrei verið
greindir með einhverfu. Hér eru
nokkrir listamenn sem hafa verið
greindir á einhverfurófi. n
Á einhverfurófinu
Dan Ackroyd
Leikarinn hefur talað mjög opinskátt um það að hann sé með asperger-heilkenni og hafi
verið með tourette sem læknast hafi í meðferð. Hann segist hafa vitað allt frá tólf ára
aldri að hann væri með einhverfu. Eitt einkennið var þráhyggja hans gagnvart draugum,
sem hann segir síðan hafa orðið kveikja að myndinni Ghostbusters. Ackroyd segir að sér
hafi gengið ágætlega að lifa með einhverfunni. Ackroyd er orðinn 65 ára og segist óska sér
þess að fá að verja ellidögum með barnabarnabörnunum. „Ég er spíritisti og óttast ekki
dauðann. Ég veit að andinn lifir og þegar maður fer yfir í annan heim þá eru þar allir jafnir,“
segir hann.
Daryl hannah
Leikkonan var greind með einhverfu sem barn. Sagt er að sérfræðingar hafi þá mælt með
að hún yrði vistuð á stofnun og sett á lyf. Hannah lék í mörgum þekktum myndum, þar á
meðal Blade Runner, Splash, Wall Street og Kill Bill. Hún segist hafa liðið fyrir að koma
fram opinberlega. „Ég fór aldrei í viðtalsþætti, aldrei á frumsýningar. Það var beinlínis þján-
ingarfullt að mæta á Óskarsverðlaunaathöfn, það var næstum liðið yfir mig þegar ég gekk
á rauða dreglinum. Ég var svo klaufaleg og mér leið svo óþægilega að ég komst að lokum á
svartan lista í Hollywood.“
Susan Boyle
Skoska söngkonan varð fræg á einni nóttu eftir frammistöðu
sína í Britain's Got Talent þar sem hún söng I Dreamed a Dream úr
Vesalingunum. Frammistaða hennar er eitt frægasta atriði í sögu
raunveruleikaþátta. Flissað var að Boyle þegar hún kom á svið vegna
útlits hennar en allt ætlaði síðan um koll að keyra þegar hún hóf söng
sinn. Ferill hennar hefur síðan verið sigurganga. Boyle var greind með
heilaskaða á unga aldri. Rúmlega fimmtug leitaði hún til sérfræðinga
sem greindu hana með asperger-heilkenni. Boyle segist alltaf hafa
vitað að greiningin sem hún fékk sem barn hefði verið röng.
Courtney Love
Ævi Courtney Love hefur ekki verið auðveld. Sem barn átti hún í erfiðleikum með félagstengsl
og glímdi við námsörðugleika. Níu ára gömul var hún greind með einhverfu. Hún hefur rætt
mjög opinskátt um fíkniefnavanda sinn. Hún er fjölhæf, er söngkona, leikkona og sinnir
myndlist.
heather Kuzmich
Fyrirsætan var á sínum tíma í fjórða sæti í keppninni America's Next Top Model. Einhverjir
keppinautar hennar hæddust að henni fyrir klaufalega framkomu og óframfærni. Í þættin-
um kom síðan fram að Kuzmich var greind með asperger fimmtán ára gömul. Kuzmich segist
stríða við erfiðleika í samskiptum við fólk og eiga erfitt með félagstengsl.