Dagblaðið Vísir - DV - 28.07.2017, Blaðsíða 6

6 Helgarblað 28. júlí 2017fréttir
Eldbakaðar pizzur
hafnargata 36a, kEflavík / nálægt flugstöðinni
salur
fyrir
hópa
sími 557 1007
hamborgarar,
salöt, pasta,
kjúklingavængir
og flEira
Samgönguráðherra segir ökumenn
geta farið Krýsuvíkurleiðina
n Veggjald verði lægra en bensínkostnaður lengri leiða n Sigmundur Davíð: „Höfuðborgríki, umlukið múrum“
J
ón Gunnarsson, samgöngu-
og sveitarstjórnarráðherra,
hefur komið á fót starfs-
hóp til þess að kanna hvern-
ig hátta megi umfangsmiklum
framkvæmdum á stofnleiðum út
frá höfuðborgarsvæðinu. Meðal
verk efna hópsins er að skoða
þann kost að koma upp veg-
tollahliðum á fjölförnum leiðum
í kringum höfðborgarsvæðið eins
og ráðherra hefur talað fyrir.
Þrjár leiðir í skoðun
Ráðherra segir að það sé aðal-
lega verið að skoða þrjár leiðir í
þessu samhengi. „Það eru leið-
irnar austur fyrir fjall að Selfossi,
norður að Borgarnesi og suður
að Keflavíkurflugvelli. Meginleið-
irnar inn og út úr höfuðborgar-
svæðinu á þessu svæði. Þar sem
umferðin er mest og slysatíðnin
hæst.“
Hann aftekur þó ekki að sam-
bærilegum hliðum verið komið
upp á öðrum stöðum á lands-
byggðinni ef þetta gengur vel.
„Það er bara eðlileg umræða þegar
þetta liggur fyrir og menn sjá hvað
þetta þýðir.“ Beðið sé eftir því að
vinnuhópurinn ljúki störfum og
niðurstöður hans verði kynntar.
„Þá er hægt að taka um þetta mál-
efnalega umræðu.“ Hann nefnir
til dæmis Vaðlaheiðagöngin sem
dæmi. Alltaf hafi verið lagt upp
með að hafa gjaldtöku þar.
Störf vinnuhópsins hafa hins
vegar tafist og nú eru flestir komn-
ir í sumarfrí eða að sinna öðrum
verkefnum. Eyjólfur Árni Rafns-
son verkfræðingur sem fer fyrir
hópnum áætlar að niðurstöðurnar
verði kynntar í september. Enn sé
verið að safna gögnum, fara yfir
kostnaðarliði og fleira.
„Höfuðborgríki umlukið
múrum“
Sigmundur Davíð Gunnlaugsson,
alþingismaður og fyrrum for-
sætisráðherra, hefur gagnrýnt
þessa leið sem ráðherra hyggst
fara með vegtollahliðunum inn og
út úr höfuðborginni. Hann seg-
ir á Facebook-síðu sinni: „Þetta
hljómar eins og það sé orðið til
sérstakt „Höfuðborgríki“ sem sé
umlukið múrum og það muni
þurfa að greiða fyrir að koma eða
fara.“
Hann segist þó sjálfur ekki vera
alfarið mótfallinn vegtollum í öll-
um tilvikum. „Með Hvalfjarðar-
göngum var til dæmis verið að
bjóða upp á nýjan valkost sem
ekki hefði orðið til annars. Áfram
er þó hægt að keyra gamla þjóð-
veginn og gert er ráð fyrir að á
næsta ári falli gjaldið niður.“
Víða erlendis er hægt að keyra
inn á stórar hraðbrautir og borga
fyrir það vegtoll. Fólk getur samt
sem áður valið að fara aðrar leið-
ir án þess að greiða. Lengri leiðir,
lakari vegi og fjallvegi.
Ráðherra gefur hins vegar lítið
fyrir þann valkost að fara lengri
og lélegri veg. „Ég velti því fyrir
mér hvort þetta sé einhver raun-
hæfur valkostur. Ef þú ert að koma
frá Keflavík getur þú keyrt Suður-
strandarveginn og farið Krýsu-
víkurleiðina inn til Hafnarfjarðar.“
Í Hvalfirði sé það ekki raunveru-
legur valkostur að keyra fjörðinn
þegar veggjaldið sé aðeins 283
krónur. Hann hafnar því þó að
verið sé að loka höfuðborgar-
svæðinu af með tollahliðum.
Skattur á erlenda ferðamenn
Jón segir að með þessum valkosti
sé hægt að byggja upp „alvörusam-
göngumannvirki“ á mjög skömm-
um tíma. „Viljum við fara þessa leið
eða viljum við gera þetta með þeim
framlögum sem við munum geta
fengið út úr ríkissjóði, sem þurfa að
vera aukin umtalsvert, og á miklu
fleiri árum?“
Hann vill helst ekki kalla þetta
nýjan skatt, nema þá skatt á er-
lenda ferðamenn. „Það er engin
tilviljun að aðrar þjóðir, eiginlega
allflestar og þeim fer alltaf fjölg-
andi, fara þessa leið. Auðvitað er
markmiðið hjá okkur með þessari
leið að ná einhverjum tekjupóst-
um af þessum mikla ferðamanna-
straumi sem fer um vegina okkar
á hverju ári og fer vaxandi.“ Með
erlendum ferðamönnum hafi Ís-
lendingar fundið viðskiptavin til að
byggja upp vegakerfið líkt og stór-
iðjan byggði upp raforku-og dreifi-
kerfið fyrir um 50 árum síðan.
Sigmundur Davíð bendir hins
vegar á í sínum pistli að á þessu
ári greiði íslenskir bifreiðaeigend-
ur um 44 milljarða til ríkisins
með ýmsum gjöldum, svo sem
vörugjaldi af ökutækjum og elds-
neyti, bifreiðagjaldi, olíugjaldi,
kílómetragjaldi og fleira. Fram-
lög til samgöngumála á þessu ári
eru hins vegar aðeins tæplega 29
milljarðar. Hann segir: „Jæja, þetta
(vegtollurinn) er þó alla vega ekki
skattahækkun? Bara gjaldtaka.“
Ekki er heimilt að skylda einung-
is erlenda ferðamenn til að greiða
vegtoll.
Ekki hærra en 400 krónur
Aðspurður segist Jón ekki hafa
myndað sér skoðun á því hvað sé
sanngjarnt að greiða í vegtoll. „Ég
hef í sjálfu sér ekki myndað mér
neina skoðun á því en ég hef sagt að
það sé mjög mikilvægt að þeir sem
þurfa að fara reglulega um gjaldhlið
sem þessi hafi af því meiri ávinning
en kostnað þegar upp er staðið.“
Maður spari sér tvo lítra af
bensíni við að fara í gegnum slíkt
hlið, sem kosti á bilinu 300–400
krónur. Þá verði svipaðar áskriftar-
leiðir í boði og eru nú í Hvalfjarðar-
göngunum. Þá nefnir hann einnig
þjóðhagslegan ávinning svo sem
minni eldsneytiseyðslu, minni
mengun og lægri slysatíðni. Vinnu-
hópurinn vinni nú að því að reikna
út möguleg gjaldþrep miðað við
eðlilegan endurgreiðslutíma lána.
Hann gerir þó ekki ráð fyrir því
að vegtollahliðin verði þarna til
frambúðar heldur einungis á með-
an verið er að borga þau lán sem
tekin verða vegna framkvæmd-
anna, líkt og í Hvalfjarðargöngun-
um. „Ég sé engar forsendur fyrir því
að halda áfram gjaldheimtu í Hval-
fjarðargöngunum þegar við fáum
þau til eignar. Af því að það verð-
ur búið að gera upp allt í kringum
það.“
Aðspurður um fjármögnun
viðhalds segir hann: „Þá þurfum
við að fara að taka veggjöld á
öðrum forsendum. Af hverju erum
við að halda við Vestfjarðargöngum
og Héðinsfjarðargöngum og öllu
slíku af skattfé en láta Vestlendinga
borga í þessi?“ Almennu vegakerfi
á að vera haldið uppi af framlögum
úr ríkissjóði.“ n
Kristinn Haukur Guðnasson
kristinn@dv.is
„Hann aftekur þó
ekki að sambæri-
legum hliðum verið kom-
ið upp á öðrum stöðum á
landsbyggðinni ef þetta
gengur vel.