Freyr - 01.05.2006, Qupperneq 4

STARFSEMI BÍ
Yfirlit um starfsemi
Bændasamtaka
íslands 2005
Bændasamtök íslands voru stofnuð
í ársbyrjun 1995 með sameiningu
Búnaðarfélags íslands og Stéttar-
sambands bænda. Grunneiningar
samtakanna eru annars vegar 13
búnaðarsambönd, sem eru þverfag-
leg landshlutasamtök bænda, og
hins vegar 12 samtök einstakra
búgreina.
HLUTVERK
Bændasamtökin gegna fjölþættu hlutverki
sem fagleg hagsmunasamtök allra bænda í
landinu. Meðal helstu verkefna þeirra eru:
• Að vera málsvari bændastéttarinnar og
beita sér fyrir bættum kjörum hennar
• Að taka þátt í að móta stefnu í málefnum
bænda og landbúnaðarins í heild
• Að veita forystu leiðbeiningaþjónustu á
sem flestum sviðum landbúnaðar og
standa fyrir margvíslegri útgáfustarfsemi,
fræðslu og faglegri þróun
• Að vinna að hvers konar framförum í
landbúnaði er varða ræktun, tækni,
rekstur og gæðamál
• Að vera stjórnvöldum til ráðuneytis
• Að hafa með höndum framkvæmd mála
er Alþingi eða ríkisstjórn felur þeim
STJÓRN OG STARFSFÓLK
Æðsta vald samtakanna er í höndum Bún-
aðarþings sem kemur saman einu sinni á
ári. Það er nú skipað 49 fulltrúum sem
kosnir eru til þriggja ára í senn. Frá búnað-
arsamböndunum eru 29 en 20 frá bú-
greinasamböndunum.
Kjörtímabil núverandi stjórnar er frá Bún-
aðarþingi 2004 til Búnaðarþings 2007.
Kosningar til Búnaðarþings fara fram nú í ár.
Stjórnin er þannig skipuð:
Haraldur Benediktsson bóndi,
Vestri-Reyni, formaður
Gunnar Sæmundsson bóndi,
Hrútatungu, 1. varaformaður
Sveinn Ingvarsson bóndi,
Reykjahlíð, 2. varaformaður
Guðmundur Jónsson bóndi, Reykjum
Jóhannes Sigfússon bóndi,
Gunnarsstöðum
Sigríður Bragadóttir bóndi, Síreksstöðum
Sigurbjartur Pálsson bóndi, Skarði
Framkvæmdastjóri er
Sigurgeir Þorgeirsson.
I árslok 2005 var alls skipað í 52,75 stöðu-
gildi hjá Bændasamtökum (slands og skipt-
ust þau þannig:
Félagssvið 6,0
Ráðgjafarsvið 13,35
- Byggingaþjónusta Bl 0,9
- Nautastöð BÍ 4,0
Útgáfu- og kynningarsvið 5,3
Tölvudeild 12,7
Yfirstjórn, fjármál og skrifstofa 10,5
Samtals 52,75

STARFSEMI BÆNDASAMTAKANNA
Bændasamtökin skiptast í fimm starfssvið,
tvö megin verkefnasvið, félagssvið og ráð-
gjafarsvið og þrjár stoðdeildir, útgáfu- og
kynningarsvið, tölvudeild og fjármál og
skrifstofu.
Bændasamtökin eiga aðild að ýmsum
stjórnum og nefndum á sviði landbúnaðar-
mála og taka þátt í margháttuðu erlendu
samstarfi.
FÉLAGSSVIÐ
Hlutverk félagssviðs er í meginatriðum fjór-
þætt:
Stjórnsýsluverkefni
Félagssvið sér m.a. um framkvæmd ýmissa
laga og reglugerða sem Bændasamtökun-
um eru falin samkvæmt ákvæðum í þeim.
Einnig hefur verið gerður samningur við
Landbúnaðarstofnun um að BÍ sjái um
framkvæmdahlið verkefna sem færðust til
stofnunarinnar frá B( þann 1. janúar 2006.
Öll ákvarðanataka um réttindi og skyldur er
þó á hendi Landbúnaðarstofnunar. Fyrst og
fremst er hér um að ræða framkvæmd á
FREYR 05 2006
mjólkursamningi, sauðfjársamningi og
samningi um starfsskilyrði garðyrkjunnar
sem og að halda greiðslumarksskrár og
handhafaskrár. Einnig fer félagssvið með
framkvæmd ákveðinna verkefna sem falla
undir lög um búfjárhald og fleira, sbr. samn-
ing við Landbúnaðarstofnun.
Kjaramál
Annað meginhlutverk félagssviðs er umsjón
ýmissa hagfræðilegra verkefna. Sem dæmi
má nefna undirbúning við gerð búvöru-
samninga og að taka saman og greina upp-
lýsingar um þróun verðlags búvara og af-
komu bænda. Félagssvið býr þessar upplýs-
ingar einnig til útgáfu í Hagtölum landbún-
aðarins, Frey og víðar í samvinnu við útgáfu-
og kynningarsvið. Þé koma ýmsar ályktanir
Búnaðarþings um kjaramál til vinnslu hjá fé-
lagssviði.
Alþjóðamál
Hluti af starfi félagssviðs eru alþjóðasam-
skipti og öflun upplýsinga um landbúnaðar-
mál á erlendri grund. ísland á aðild að mið-
stjórn Norrænu bændasamtakanna (NBC)
og hefur notið góðs af því samstarfi á ýmsa
lund. Einnig er fylgst með þróun og gerð al-
þjóðasamninga um viðskipti með búvörur
einkum á vettvangi Alþjóðaviðskiptastofn-
unarinnar (WTO).
Félagsleg málefni
Fjórði þátturinn snýr að ýmsum félagslegum
málum, svo sem tryggingamálum, réttinda-
málum gagnvart ríkinu, útdeilingu á pen-
ingum vegna aksturskostnaðar dýralækna
og fleiru. Einnig starfar á sviðinu lögfræð-
ingur sem sinnir ráðgjöf til stjórnar, bænda
og starfsmanna þegar upp koma álitaefni
við framkvæmd stjórnsýsluverkefna. Ráðu-
nautur í lífrænum búskap og landnýtingu er
einnig starfandi við félagssvið.
Skipting stöðugilda (gróflega áætluð) í lok
árs 2005 var eftirfarandi:
• Alþjóðamál: 0,75 stöðugildi
• Félagsleg málefni: 1,0 stöðugildi
• Kjaramál: 1,0 stöðugildi
• Stjórnsýsluverkefni: 2,25 stöðugildi
• Sviðsstjóri: 1,0 stöðugildi
Forstöðumaður félagssviðs er
Erna Bjarnadóttir.