Freyr - 01.05.2006, Síða 37

STARFSEMI BÍ
Elsa Særún Helgadóttir og Borgar Páll Bragason að villuprófa Fjárvís.is,
nýtt skýrsluhaldsforrit í sauðfjárrækt
lýsingar um mót í hestaíþróttum, og loks nýj-
asta tölvukerfi Bændasamtakanna, Fjárvís.is.
Fjárvís.is er vefmiðað skýrsluhaldsforrit I sauð-
fjárrækt og gagnagrunnur þess er geysistór
og hefur að geyma upplýsingar um á aðra
milljón grípi. í fyrsta áfanga hafa um 20 sauð-
fjárbændur fengið aðgang að upplýsingum
um sitt bú í kjölfar námskeiðs sem haldið var
á Hvanneyri ( aprílmánuði síðastliðnum. Öðr-
um verður veittur skoðendaaðgangur að sín-
um gögnum í framhaldinu. Elsa segir að for-
ritið bjóði upp á mikla möguleika og að það
bæti tvímælalaust aðgengi manna að upplýs-
ingum um sína gripi. Henni hefur fundist
vinnan við gerð forritsins spennandi en um
leið ögrandi. „Það er von mín að kerfið verið
notendavænt en það er enn í mótun og við
vinnum úr ábendingum sem koma fram um
úrbætur þess," segir Elsa.
Auk starfsins í þágu bænda hefur Elsa set-
ið í stjórn Almennings, starfsmannafélags
Bændasamtakanna, þorra þess tíma sem hún
hefur starfað innan veggja Bændahallarinnar.
TÍMARNIR TVENNIR
Sigríður Þorkelsdóttir á að baki tæplega 20
ára starfsferil í þágu bænda. Hún réð sig til
Búnaðarfélags (slands árið 1988 en það og
Stéttarsamband bænda sameinuðust síðar
undir nafni Bændasamtaka íslands. Hún
starfar á sviði fjármála og skrifstofu. Það má
með sanni segja að það mæði mikið á starfs-
fólki þessa sviðs þegar Búnaðarþing stendur
yfir. Það fellur í hlut starfsfólks skrifstofunnar
að halda utan um öll skráð gögn i tengslum
við þingið, hvort heldur sem um málaskrána
sjálfa er að ræða eða ferli einstakra mála sem
yfirleitt lýkur með ályktunum. ( upphafi sinnti
Sigríður ritvinnslustörfum og reikningagerð
og hún segir það skemmtilegt hversu tímarn-
ir hafi breyst. „Fyrst þegar ég hóf störf hérna
var það m.a. hlutverk mitt að vélrita fyrir þá
ráðunauta sem ekki höfðu tekið tæknina í
sínar hendur. (dag horfir öðruvísi við því lang-
flestir þeirra sem starfa innan þessara veggja
vinna ritvinnsluna sjálfir," segir Sigríður. Hún
ber ábyrgð á viðskiptamannabókhaldi
Bændasamtakanna og sem dæmi má nefna
að hún heldur utan um alla áskriftarsölu á
Frey, Handbók bænda, Bændablaðinu, tölvu-
forritum og annarri útgáfu á vegum Bænda-
samtakanna, ásamt því að sinna tilfallandi
verkefnum á skrifstofu.
STARFAR SAMKVÆMT SÉRLÖGUM
Lífeyrissjóður bænda hefur verið til húsa í
Bændahöllinni síðan svokölluð Norðurálma
var tekin í notkun seint á árinu 1985. Var
sjóðurinn fyrstur til þess að flytja inn á þriðju
Sigurbjörg Björnsdóttir, Sigrún Þóra
Björnsdóttir, Erla Stefánsdóttir og
Borghildur Jónsdóttir eru starfskonur
Lífeyrissjóðs bænda
Sigríður Þorkelsdóttir starfar á sviði
fjármála og skrifstofu
hæð viðbyggingarinnar. Hjá sjóðnum starfa
fjórar fílefldar konur en um sjóðinn gilda sér-
lög sem fyrst voru sett á Alþingi árið 1970 og
tók sjóðurinn til starfa þann 1. janúar 1971. (
dag starfar sjóðurinn eftir lögum sem sett
voru árið 1999 og í stjórn hans sitja fimm
manns skipaðir af fjármálaráðherra, fjórir af
þeim samkvæmt tilnefningum Hæstaréttar,
Bændasamtakanna og landbúnaðarráðherra.
Hlutverk sjóðsins er að tryggja sjóðsfélögum,
eftirlifandi mökum þeirra og börnum lífeyri
og þvl er meginmarkmið hans að eiga fyrir líf-
eyrisskuldbindingum. Staða sjóðsins styrktist
verulega þegar andvirðið af sölu Lánasjóðs
landbúnaðarins á síðasta ári rann til Lífeyris-
sjóðs bænda og á hann nú fyrir heildarskuld-
bindingum sínum. Það sem er helst á döfinni
núna er að koma á aldurstengingu lífeyrisrétt-
inda. Sterk krafa bænda varð til þess að sjóð-
urinn var stofnaður á sínum tíma en ólíkt öðr-
um starfsstéttum eiga bændur ekki stéttarfé-
lag. Þeim málefnum sem hjá öðrum starfs-
stéttum koma inn é borð hlutaðeigandi stétt-
arfélaga verða því bændur að finna stað með
öðrum hætti. Það hafa þeir gert eins og t.d.
með stofnun Sjúkrasjóðs bænda í kjölfar
samþykktar Búnaðarþings árið 2004. Bænda-
samtökin fara með málefni hans.
í HÖLLINNI í 30 ÁR
Bændahöllin hýsir ekki eingöngu starfsemi
Bændasamtakanna heldur einnig starfsemi
ýmissa hagsmunasamtaka tengdum land-
búnaðinum. Skrifstofur Landssamtaka sauð-
fjárbænda, Áforms - átaksverkefnis um fram-
leiðslu og markaðssetningu vistvænna og líf-
rænna afurða, Félags eggjaframleiðenda, Fé-
lags kjúklingabænda ásamt skrifstofu Stofn-
unga sf., er allar að finna í húsinu. Auk þessa
er að finna skrifstofu Landssamtaka slátur-
leyfishafa. Starfskona þeirra er Guðrún Sigríð-
ur Sigurjónsdóttir, betur þekkt sem Gulla
Sigga. Hún fagnar um þessar mundir 30 ára
starfsafmæli í Bændahöllinni.
Gulla Sigga réð sig til starfa til Búnaðarfé-
lags (slands, sem þá var og hét, haustið 1976.
Hún hóf svo störf hjá Framleiðsluráði land-
búnaðarins árið 1988 og fluttist með starfs-
mönnum þess yfir á félagssvið Bændasam-
takanna þegar ráðið var lagt niður ( lok árs
1999. ( kjölfar þess að Landssamtök slátur-
leyfishafa fóru þess á leit við Bændasamtökin
árið 2000 að sinna sjálf skráningu á tölum um
framleiðslu, sölu og birgðir á sláturafurðum,
réð Gulla Sigga sig til þeirra. Það finnst ekki
það framleidda kíló á þessu landi sem ekki fer
með einum eða öðrum hætti í gegnum hend-
urnar á Gullu Siggu því hennar helsti starfi er
að framfylgja ákvæðum þess samnings sem
Bændasamtökin, Landssamtök sláturleyfis-
hafa og Landssamtök sauðfjárbænda hafa
gert sín á milli um skráningu á framleiðslutöl-
um sláturleyfishafa. Á þeim eru ýmsir útreikn-
ingar þyggðir.
FREYR 05 2006
37