Freyr - 01.05.2006, Síða 20

BÚNAÐARÞING
ræddi síðan kröfur Egils Sigurðssonar til
ávöxtunar fjár í hótelunum og taldi menn
leggja sig fram um að standa sem best að
þessum rekstri. Hann ræddi síðan mál nr.
34, leigugjald fyrir jarðstrengi, og beindi þvl
til BÍ að standa vörð um eignarrétt bænda
gagnvart lögum og reglum sem þrengja að
því. Hann ræddi m.a. Skipulagsstofnun og
reglur hennar um fjarlægð bygginga frá
tengivegum, ám o.s.frv. Ný lög um lax- og
silungsveiði eru til umfjöllunar og umdeild
meðal bænda, s.s. silungsveiði í sjó. Veiði-
málastjóri hefurt.d. bannað silungsveiði í sjó
og hefur ekki afturkallað það þrátt fyrir til-
mæli umboðsmanns Alþingis. Hann óskaði
eftir að fjallað yrði um þetta mál og brýndi
forystuna að standa vörð um eignarréttinn.
BJARNI ÁSGEIRSSON þakkaði setn-
ingarathöfn líkt og fleiri. Hann taldi
margar aðgerðir í landbúnaði heldur til þess
fallnar að styrkja eldri bændur og bændur
sem vilja hætta búskap en ekki þá yngri sem
ættu að taka við. Hvað verður eftir í sveitun-
um ef enginn tekur við? Hann nefndi sem
dæmi að stórt svæði i Dalasýslu er nánast
komið í eyði. Hátt verð á greiðslumarki hef-
ur mikil áhrif á þróun búsetu. Hvaða vit er í
því að það sé fjórum sinnum dýrara að
kaupa framleiðslurétt í mjólk en að byggja
yfir gripinn. Svipaða sögu er að segja í sauð-
fjárrækt. Hann hvatti til þess að aðgerðir
beindust að því að auðvelda ungum bænd-
um að koma inn í greinina.
Hann ræddi síðan áhrif af háu söluverði
jarða á byggðaþróun. Þau eru misjöfn en
sums staðar leggjast jarðir í eyði líkt og ger-
ist í hans sýslu. Hann taldi rétt að kvöð fylgi
þegar menn kaupa jörð, þ.e. að halda henni
við með skilgreindum hætti.
GUÐMUNDUR GRÉTAR GUÐ-
MUNDSSON ræddi málefni Lífeyr-
issjóðs bænda. Hann kvaðst hissa líkt og
fleiri yfir fréttum af ráðstöfun á andvirði fast-
eigna Lánasjóðsins. Hann reifaði síðan fram-
tíð sjóðsins og taldi tvær leiðir færar, annars
vegar að kanna samrekstur eða sameiningu
við aðra sjóði. Forsenda fyrir eflingu sjóðsins
er að samkomulag náist um mótframlag til
hans. Hin leiðin er sú að loka sjóðnum á
ákveðnum tímapunkti og greiða hann út
samkvæmt því. Hann lýsti ánægju með bók-
un stjórnar um stefnumörkun og framtíðar-
staðsetningu BÍ. Framtíðarskipulag þarf allt-
af að vera í stöðugri endurskoðun, bretta
þarf upp ermar og skýra þá stefnu. Hann
ræddi síðan framtíð félagskerfis bænda og
nauðsyn þess að finna nýjan grunn í Ijósi
þróunar og kvaðst binda vonir við að nefnd
á vegum búnaðarsambandanna skili góðum
tillögum. Hann ræddi síðan jafnréttisáætlun
sem samþykkt var á síðasta Búnaðarþingi og
verkefni sem lögfræðingi BÍ var falið af
stjórn um að gera úttekt á eignarformi í
landbúnaði. Hann sagði einnig frá því að ef
kona skilar skýrslunni þegar Fjárvís er skilað
þá komi tölvupóstur til baka á karlinn. Hann
beindi því til stjórnar og framkvæmdastjóra
að taka á þessum málum, sem og Jafnréttis-
nefndar. Hann ræddi stðan hækkandi jarða-
verð og afleiðingar þess þar sem jarðir verða
jafnvel ekki rekstrarhæfar. Sveitarfélög virð-
ast sums staðar ekki hafa burði til að fylgja
þvf eftir að eigendur jarða, sem ekki búa þar,
ræki fjallskil o.fl.
GUNNAR JÓNSSON þakkaði setn-
ingarathöfn og ágætar ræður for-
manns og Magnúsar B. Jónssonar. Hann
ræddi mál sem fyrir þinginu liggja um trygg-
ingamál bænda. Annars vegar girðingamál
með vegum og hins vegar réttindi til aksturs
á landbúnaðartækjum um vegi. Brýna nauð-
syn ber til að skýra rétt bænda hvað þessi
mál varðar. Það er grfðarleg kvöð að fá veg
lagðan um land sitt þó að ekki bætist við að
bera þá kvöð að verja vegina fyrir búfé. Sú
kvöð verður að vera á Vegagerðinni. Sama
gildir um réttindi til aksturs dráttarvéla með
tengivögnum. Ósamræmi er á milli svæða
um framkvæmd þessara mála. Hann vék síð-
an að málefnum Bændahallarinnar og
kvaðst ekki sáttur við það sem þar gerðist.
Nauðsyn ber nú til að marka stefnu í því
hvert við ætlum með Bl og gera Hótel Sögu
þar með sölulegri. Einnig að koma í veg fyrir
að deilur um að það hvað gera eigi við and-
virðið komi í veg fyrir sölu síðar. Það þarf að
hafa á hreinu og er ekki hægt að ákveða á
eins dags fundi líkt og lagt var upp með á
Aukabúnaðarþinginu. Hann sagðist geta
hugsað sér að sjá þessa peninga fara í Lífeyr-
issjóð bænda, þessa fjármuni eigi ekki að
taka til að reka Bændasamtök íslands, það
eiga bændur á hverjum tíma að gera. Hann
sagðist ekki hafa gert sér grein fyrir að sú
ráðstöfun sem rætt hefur verið um á fjár-
munum frá Lánasjóðnum til reiðhalla væri á
skjön við lög og óskaði eftir að þetta yrði
skýrt svo að tekin yrðu af tvímæli um hvað
þar væri mælt fyrir um. Hann ræddi einnig
lagningu jarðstrengja og háspennulína og
þær kvaðir sem með þessu eru lagðar á þær
jarðir sem þær liggja um og rýrnun á verð-
mæti þeirra. Hann brýndi stjórnina að standa
vörð um eignarrétt bænda á löndum sínum.
Hann ræddi einnig flutning vatns úr Jökulsá
á Dal í Lagarfljót þar sem ekkert samráð væri
haft við landeigendur að Lagarfljóti.
SVEINN INGVARSSON tók undir
ánægju með setningarathöfn. Hann
ræddi orð Bjarna Ásgeirssonar og spurði
hver hinn raunverulegi vandi væri. Afkoma
er ekki nógu góð og vinnan erfið. Byggðin er
víða gisin og þjónusta því skert og því kemur
ungt fólk ekki inn í stéttina. Hann ræddi há-
spennulínur og vegi og óhagræði af því þar
sem þær liggja um lönd bænda. Bætur fyrir
þetta hefðu hins vegar verið smáræði. Þrjár
akbrautir liggja um land Sveins og skipta
Allsherjarnefnd tók sér stutt hlé frá störfum til þess að brosa til Ijósmyndara
FREYR 05 2006