Freyr - 01.05.2006, Síða 15

BÚNAÐARÞING
SALA LÁNASJÓÐS LANDBÚNAÐARINS
Sala á Lánasjóði landbúnaðarins verður að
teljast með stórtækari breytingum í rekstr-
arumhverfi landbúnaðarins. Þar lauk langri
sögu sérstakrar lánastarfsemi atvinnugrein-
arinnar. Einnig lauk þar merkilegum kafla í
félagslegum samtakamætti til kjarajöfnun-
ar innan bændastéttarinnar. Líkt og Búnað-
arþing 2005 ræddi voru forsendur fyrir
þessari starfsemi, vegna breytinga á fjár-
magnsmarkaði, veikar. Niðurstaðan var að
eftir útboð einkavæðingarnefndar var lána-
safn sjóðsins selt Landsbanka (slands.
Bændur hafa undanfarna mánuði upplifað
breytt umhverfi í fjármálaþjónustu, líkt og
vel flestir landsmenn. Það er ekki ofmælt er
ég segi að fram eftir hausti höfðu margir
bændur ekki undan að svara fyrirspurnum
frá áhugasömum útibússtjórum. Vafalaust
hafa margir mér eldri menn og konur bros-
að út í annað þegar bankastjórar voru farn-
ir að panta tíma hjá bændum en ekki öf-
ugt. Niðurstaðan er á margan hátt bænd-
um afar jákvæð. ( mörgum tilfellum hefur
fjármagnskostnaður lækkað frá því sem
fyrir var og opnað ný tækifæri. Annað er að
nú er komin frekari tenging landbúnaðar
við viðskiptalífið sem bætir til muna skiln-
ing á viðfangsefnum hans. Bændasamtök-
in lýsa vilja sínum til að vinna að enn frek-
ari tengslum og samstarfi við kaupendur
Lánasjóðsins, Landsbanka íslands svo og
aðrar lánastofnanir.
ÖFLUGRI LÍFEYRISSJÓÐUR
Með sölu Lánasjóðsins var staða Lífeyrisj-
óðs bænda bætt. Lífeyrissjóður bænda á
nú vel fyrir þeim skuldbindingum sem
hann hefur tekist á hendur. Þá hefur ávöxt-
un á eigin fé hans verið undanfarið með
þeim hætti að hann hefur styrkst. Hefði
þetta tvennt; innborgun af sölu Lánasjóðs-
ins og bætt ávöxtun, ekki komið til hefði
væntanlega þurft að skerða útgreiðslur úr
sjóðnum. Hins ber þó að geta að lífeyris-
greiðslur eru áfram mjög lágar vegna inn-
greiðslu af lágum launum bænda. Mjög
mikilvægt er að vel takist að nýta þá stöðu
sem sjóðurinn er nú kominn í til frekari ár-
angurs. Bændasamtökin óska eftirviðræð-
um við stjórnvöld um framtíð sjóðsins um
leið og þau þakka skilning á stöðu hans.
FRAMTÍÐIN
Áður er hér rakið að landbúnaður til fram-
tíðar eða landbúnaður árið 2020 verði á
grunni þekkingar og færni. Við verðum
ekki magnframleiðsluland, við erum of
smá til afreka á þeim sviðum, en við getum
haft forskot á sviði þekkingar. Landbúnað-
ur framtíðarinnar verður þekkingarat-
vinnugrein. Þetta eru stór orð en þurfa að
vera okkur ofarlega í huga. Til þess að nýta
tækifæri framtíðarinnar þarf að hlúa vel að
menntun og þekkingaröflun innan land-
búnaðarins. Við verðum að sjá til þess að
núverandi bændur - og bændur morgun-
dagsins - hafi kost á að afla sér bestu
mögulegu þekkingar sem til þarf til að
reka sín bú. Það sama á við um það fólk
sem starfar innan landbúnaðargeirans.
STUÐNINGUR VIÐ RANNSÓKNIR
Stjórn Bændasamtaka (slands hefur því
ákveðið að efla stuðning við námsfólk.
Samtökin hafa í hyggju að verja fjármun-
um til nemendaverkefna, hvort sem er á
sviði meistara- eða doktorsnáms. Þar horfa
Bændasamtökin til háskóla hér á landi og
erlendis. Einnig vilja samtökin með beinum
hætti kosta starf við rannsóknir og kennslu
í kynbótafræði við Landbúnaðarháskóla ís-
lands. Áfram stendur vilji okkar til að
leggja fram margvíslega þekkingu, gagna-
grunna og aðstöðu handa rannsóknarfólki
og nemendum. Með aukinni áherslu á
þessi atriði verður landbúnaðurinn sam-
keppnishæfari við aðrar atvinnugreinar
þegar kemur að því að laða að hæfasta
fólkið.
SAMKEPPNISHÆFNI
Með umbótum í efnahagsmálum hefur (s-
lendingum tekist að gera búsetu hér á
landi samkeppnishæfa við útlönd, verkefni
næstu ára er að gera landsbyggðina -
sveitirnar - samkeppnishæfar til búsetu við
höfuðborgarsvæðið. Landbúnaðurinn er
tilbúinn að gegna þar stóru hlutverki.
Hann er hreyfiafl til nýrra sókna í sveitum.
Við trúum á framtíð hans.
Landbúnaður framtíðarinnar verður þekkingaratvinnugrein
Stjórn Bændasamtaka íslands hefur ákveðið að efla stuðning
við rannsóknir og nemendaverkefni
FREYR 05 2006
15