Freyr - 01.05.2006, Blaðsíða 29

BÚNAÐARÞING
Raforkuverð í dreifbýli
Búnaðarþing 2006 ítrekar ályktun sína frá
fyrra ári þess efnis „að tryggt verði að breytt
umhverfi í raforkumálum valdi ekki hækkun-
um á verði raforku í dreifbýli". Beinir þingið
því til stjórnar B( að vinnu við þetta mál verði
hraðað eftir föngum. Jafnframt leggur þing-
ið áherslu á að raforkuseljendum verði gert
að skila kaupendum skiljanlegum reikning-
um vegna raforkuviðskipta.
Samþykkt samhljóða.
Olíugjald
Búnaðarþing 2006 krefst þess að stjórnvöld
standi við fyrirheit um endurgreiðslu á hluta
olíugjaldsins til bænda. Þingið felur stjórn
Bændasamtaka íslands að leita eftir samn-
ingum við fjármálaráðuneytið um fram-
kvæmd málsins.
Samþykkt samhljóða.
UMHVERFIS- OG JARÐRÆKTARNEFND
Framlög til landgræðsluverkefna
Búnaðarþing 2006 leggur þunga áherslu á
að framlög til Landbótasjóðs Landgræðslu
rlkisins á árinu 2006 verði aukin um 23 millj-
ónir króna og þannig staðið við þingsálykt-
un um Landgræðsluáætlun 2003 - 2014
sem samþykkt var á Alþingi árið 2002.
Jafnframt bendir þingið á að einnig vanti
mikið á að verkefnið „Bændur græða land-
ið" fái þá fjármuni sem heitið var I nefndri
þingsályktun og væntir leiðréttinga þar á.
Greinargerð:
Lokið er gerð landbótaáætlana vegna þeirra
sem þess þurftu með til að fá landnýtingar-
vottun vegna gæðastýringar í sauðfjárrækt.
Áætlaður kostnaður við framkvæmd land-
bótaáætlananna á árinu 2006 er nálægt 35
milljónum króna.
í Landgræðsluáætlun 2003 - 2014 er gert
ráð fyrir að Landbótasjóður hafi tíl ráðstöf-
unar á árinu 2006 um 40 milljónir króna á
núvirði, en ráðstöfunarfé sjóðsins á þessu
ári er aðeins 17 milljónir króna.
Samþykkt samhljóða.
Vegagirðingar
Búnaðarþing 2006 ítrekar ályktun Búnaðar-
þings 2001 um vegagirðingar og skorar á
ráðherra samgöngu- og landbúnaðarmála
að beita sér nú þegar fyrir breytingum á
lögum og reglugerðum þannig að allur
stofn- og viðhaldskostnaður vegagirðinga
og undirgangna svo og eftirlit með veg-
svæðum verði alfarið á hendi veghaldara.
Greinargerð:
Samfara aukinni umferð og vaxandi um-
ferðarhraða verða alvarlegir árekstrar öku-
tækja og búfjár á vegsvæðum á hverju ári
víða um land. Þótt ýmsar umbætur hafi ver-
ið gerðar á seinni árum telur Búnaðarþing
2006 að staða vegagirðingamála sé víða í
miklum ólestri. Minnt er á að Búnaðarþing
2001 ályktaði um þetta mál, m.a. með hlið-
sjón af skýrslu Vegsvæðanefndar 2001, en
verulega skortir þó á að nægilega góður ár-
angur hafi náðst. Þingið telur rétt að öll
mannvirki, svo sem girðingar, undirgöng og
merkingar, sem gerð eru til að friða veg-
svæði stofn- og tengivega, verði skilgreind-
ur hluti stofn- og viðhaldskostnaðar þeirra
og því fjármögnuð af vegafé, en Vegagerð-
inni verði falin öll samræming og umsjón
framkvæmda. Gerðar verði nauðsynlegar
breytingar á vegalögum nr. 45/1994, með
síðari breytingum og þar með verði felld
brott 56. gr. vegalaga, sbr. ályktun Búnaðar-
þings 2000 og jafnframt numin úr gildi
reglugerð um girðingar með vegum nr.
325/1995.
Samþykkt samhljóða.
Leigugjald fyrir lagnir
Búnaðarþing 2006 ályktar að taka beri upp
leigugjöld fyrir afnot lagnaeiganda af landi
auk bóta fyrir landspjöll vegna orku- og fjar-
skiptalagna. Búnaðarþing beinir því til
stjórnar BÍ að hún láti útbúa samningsform
til að nota þegar bændur/landeigendur
semja við orku- eða fjarskiptafyrirtæki um
línu-, strengja- eða röralagnir um land
þeirra. Einnig verði lagt mat á hæfileg leigu-
gjöld fyrir slíkar lagnir og taki þau mið af
þeim takmörkunum á nýtingu landsins fyrr
og síðar, sem lagnirnar valda.
Greinargerð:
Lengi hefur viðgengist að óhagræði af
hverskonar orku- og fjarskiptalögnum sé
bætt í eitt skipti fyrir öll af þeim er lögnina
gerir. Þetta má telja óæskilegt fyrirkomulag
sé litið til langs tíma og þörf fyrir breytingu
á landnotkun getur einnig breytt stöðu
landeigandans gagnvart eiganda lagnanna.
Samningsgerð vegna slíkra lagna hefur
verið fremur laus í reipunum og réttur land-
eigandans of oft fyrir borð borinn. Þá skort-
ir víða á að merkingu lagna sé viðhaldið og
lagnakort ekki nægilega skýr og aðgengi-
leg.
Samþykkt samhljóða.
Frumvarp til laga um landshlutaverk-
efni í skógrækt
Búnaðarþing 2006 mælir með að fyrir-
liggjandi frumvarp til laga um landshluta-
verkefni í skógrækt verði að lögum.
Samþykkt samhljóða.
Búnaðarþing 2006 ítrekar ályktun sína frá
fyrra ári þess efnis „að tryggt verði að
breytt umhverfi í raforkumálum valdi ekki
hækkunum á verði raforku í dreifbýli"
Búnaðarþing 2006 ítrekar ályktun Búnaðarþings 2001 um vegagirðingar og skorar á ráð-
herra samgöngu- og landbúnaðarmála að beita sér nú þegar fyrir breytingum á lögum og
reglugerðum þannig að allur stofn- og viðhaldskostnaður vegagirðinga og undirgangna
svo og eftirlit með vegsvæðum verði alfarið á hendi veghaldara
FREYR 05 2006