Víkurfréttir - 13.12.2017, Page 24

24 MANNLÍF Á SUÐURNESJUM f immtudagur 13. desember 2017 // 49. tbl. // 38. árg.
Jólalegt hjá listamönnum
Svarta Pakkhússins
„Hér er mikið af keramiki, skartgripum og alls konar heklað. Gæðin eru
á toppnum,“ segir Kulli Kuur, einn af listamönnunum sem sýnir og selur
verk sín í Svarta Pakkhúsinu á Hafnargötu í Keflavík.
„Það er allt milli himins og jarðar
hérna. Alltaf þegar ég mæti byrja ég
á því að labba einn hring og skoða
hvað verkin eru falleg og vel gerð,“
segir Kulli, en ásamt henni eru um
það bil tuttugu aðrir listamenn með
aðstöðu í Svarta Pakkhúsinu. Kulli
selur hekluð sjöl en hún lýsir þeim
þannig að menningarheimar síns
lands, Eistlands, og Íslands mætist.
Gerður Sigurðardóttir selur einn-
ig sín listaverk í Svarta Pakkhúsinu
en þau bera heitið „Ljós í tilveruna“.
„Það voru margir sem höfðu sam-
band eftir Ljósanótt sem vissu ekki
að það væri opið alla daga hjá okkur.
En það er brjálað að gera á Facebook.
Hótelin hafa líka verið að benda ferða-
mönnunum á okkur,“ segir Gerður,
en útlendingar versla mest í Svarta
Pakkhúsinu.
Gustav Helgi Haralds-
son býr með fjölskyldu
sinni í Njarðvík en hann
starfar sem netsér-
fræðingur hjá Sensa í
Reykjavík. Gustav ber
út jólakortin á aðfanga-
dag og mun byrja að
versla jólagjafirnar þegar
hann kemst í jólaskapið.
Hvar ætlar þú að verja að-
fangadegi? „Heima með fjöl-
skyldunni.“
Ert þú byrjaður að kaupa jóla-
gjafir? „Nei, ég byrja þegar ég
kemst í jólaskapið.“
Ert þú með einhverjar hefðir
um jólin? „Þegar ég var yngri
fór pabbi alltaf með mig út
á aðfangadag að bera út jól-
kortin á Suðurnesjum, ég hef
haldið í þá hefð og fer núna
með föður mínum og börnum
út að bera jólakort.“
Hvað verður í matinn á að-
fangadag? „Humarsúpa og
hamborgarhryggur.“
Er eitthvað hér á Suðurnesjum
sem þú mælir með að fólk nýti
sér/geri um jólin? „Skelli sér
út á Þorláksmessu og rölti um
bæinn, skoði búðir og mann-
lífið.“
Ætlar þú að láta eitthvað gott
af þér leiða um jólin? Ef svo
er, hvernig? „Ég reyni að láta
ýmislegt gott af mér leiða
yfir jólin, svo sem flestir eigi
ánægjulegri jól.“
Reynir að láta
gott af sér leiða
um jólin